السلام عليكم ....
أول شيء بتكلم عن نفسي شوي علشان للي مايعرفني يعرفني .....
أنا شباب عمري حاليا 22 سنه .... طبعا أعزب حاليا لكن
ان شاء الله العرس قريب لاني خطبت البنت اللي أبيها وحصلت الموافقه ... مخلص الثانويه العامه (( القسم العلمي )) وحاليا شغال في شركه كبيره جدا وبراتب قوي ...... مشكلتي ما انتبهت لها إلا قبل كم يوم تقريبا ......... وأنا ما أشوفها مشكله لكن اللي حولي حولها لي إلى مشكله الصراحه وانا حاليا متحطم من الكلام اللي وجه لي
....
أنا انسان متعدد الهوايات .... وحياتي طبيعيه جدا جدا ..... علاقتي مع أسرتي و اخواني تقوم على الاحترام التام ,,, كل يوم أحب أمي وابوي على راسهم ويدهم (( أكثر من 5 مرات يوميا )) والله اني كل يوم أحب خشم اخوي الكبير إذا قابلته إحتراما له واسولف مع اخوتي بكل المواضيع وأطلع معاهم للمجلس أو حتى الكورنيش إذا كان خارج البيت وغيره من الاماكن ..... ربعي ماشاء الله في كل مكان اجدهم وعلاقتنا كلها احترام وقائمه على الصدق بينا وبين بعض ....
اللحين نجي للمشكله ..... قبل كم يوم جلست مع أبوي وأمي وأخوي الكبير .... طبعا عادي نسولف وضحك ... إلخ , لكن بطرقة ما فتحوا موضوع زواجي وعن تصرفاتي اللي حسب كلامهم انها ماتليق بسني ؟؟ ويعتبرونها تصرفات أطفال في الـ 16 أو 17 سنه ؟؟
أنا مثل ماقلت لكم هواياتي كثيييره جدا جدا .....
أنا أول شيء أحب ميكانيكا السيارات والتعديل في السيارات حتى اني صرت احلم في يوم من الايام أفتح كراجي الخاص وأطمح للوصول لمستوى محد وصل له , كثير من الاوقات قضيتها أعدل في سيارتي بنفسي , وانا ما أقصد بالتعديل تصليح السياره ؟ لا ... أقصد بالتعديل هو تحسين مستوى وأداء السياره وفي الحقيقه انا صرفت مبلغ معين من فلوسي في السياره وكثير من الوقت في الشغل عليها ...... السياره طبعا رياضيه وحجمه صغير وهي معروفه في عالم التعديل انها سياره قويه ,,,,,, السياره صار شكلها قوي وصار لها صوت (( الصوت في القايده العاديه مش مزعج ,,, لكن إذا قدتها بقوة يطلع لها صوت قوي جدا )) أنا في الحقيقه ما عمري ازعجت أحد بسيارتي ولا حتى اتهور مثل شباب هالوقت .... أعرف من أدوس وأعرف متى بالضبط أوقف .....
هذي النقطه الاولى ...... حبي لميكانيكا السيارات والتعديل ..... قالوا لي انه خلاص أكبر على هالحركات وهذي مايسونها إلا الاطفال الصغار ؟؟ متى صار التعديل في السياره حركات صغار ؟؟ وبعدين هذي هوايه واحب امارسها ومش شيء محرم علشان يكون عيب ؟
ثانيا أنا أحب شيء اسمه أجهزه إلكترونيه ..... الصراحه مابقى جهاز إلا وشريته (( بلايستيشن , جيم بوي , Ipod , لابتوب , جهاز فيديو , جهاز لاسلكي , وسائط تخزين خارجيه ... إلخ )) بعض المرات في وقت الفراغ ألعب بلاي ستيشن وحزات جيم بوي ولكن ليس دائما وانما في اوقات يكون الكل فيها نايم (( الساعه 12 بالليل مثلا أو في اوقات مافيه أحد بالبيت )) والـ Ipod استخدمه في سماع الموسيقى لما اسوي رياضيه وبالنسبه للابتوب الصراحه ادخل فيه الانترنت واشوف فيه كل جديد من مواضيع تقنيه أو مواضيع علميه وماعندي خرابيط الشات أو المسنجر مثل باقي إخواني لاني الصراحه احس انها مضيعة وقت بدون فايده ,,,, وأحيانا اكتب ابحاثي على الجهاز وهي لها علاقة بعملي واستخدم اللابتوب في بعض الاحيان في ممارسة هواية ثانيه اللي هي الرسم ..... أنا أحب الرسم خصوصا عن طريق القوتوشوب ولي عدد من الاعمال الجميله ....... قالوا لي هذي الاشياء حقت أطفال أعمارهم 7 او 8 سنوات (( يقصدون الرسم ولعب البلايستيشن والجيم بوي )) طيب هل عيب انه الواحد يرسم ويعبر عن شعوره في وقت فراغه ؟؟ متى أصبح الرسم للأطفال فقط ؟؟ هل عيب انه الواحد يلعب بلايستيشن أو جيم بوي في وقت فراغه خصوصا انه ما ألعبهم دايما (( يمكن مره أو مرتيين في الاسبوع ولمده ساعة تقريبا في كل مره )) وعلى فكره الالعاب اللي العبها مش مصممه أصلا حق أطفال لانه فيها قتل ومناظر شوي صعبه على الاطفال وبعضها فيا ألغاز صعبه مايحلها إلا واحد بالغ !!
ثالثا ..... أنا اسوي رياضيه في الاسبوع تقريبا 3 مرات (( وبعض المرات مرتيين اسبوعيا )) لكن الرياضه اللي اسويها مش مشي أو هروله ..... وأنما هي ركوب الدراجه الهوائيه ..... اي عندي سيكل رياضي ودايما اتمرن عليه وتقريبا في الاسبوع امشي عليه 60 كم (( هذا المتوسط في الاسبوع )) ....... أنا اشتريت هالسيكل من سنه تقريبا والصراحه واجهوني أهلي بالاستغراب ؟؟ قالوا لي " شوكبرك رجال قريب وتتزوج وتشتري سيكل ؟؟ السكل هذا خله حق الاطفال مش للكبار ؟؟ " طيب أنا من وجهة نظري أبغى اسوي رياضيه والصراحه السيكل رياضه ممتعه , هل عيب اني اركب سيكل ؟؟
حتى انه بعد ما اشتريت سيكل ناداني أبوي وقالي يبغاني في موضوع مهم ...... تدرون وش قالي بعد ما اشتريت السيكل ....
قالي ياولدي ...... هل أنا قصرت معاك في طفولتك ؟
قلت له...... لا ؟
قالي .... هل استمتعت في طفولتك ؟
قلت له ..... اي استمتعت وما قصرت فينا يا يبه .... كل اللي كنا نبيه كنت تجيبه !
قالي ..... عجل ياولدي , انت رجال وشنبك طالع ولحيت طالعه وش لك بالسيكل , هذا مايليق بسنك ..... السيكل هذا خله حق اخوانك الصغار (( عندي 2 من اخواني اعماره في 11 و 13 سنه ))
حاولت اني اقنعه بوجهت نظري لكنه في الاخير قالي كيفك واللي تبي تسويه سوه لكن هذا الشيء مايليق بعمرك ؟؟
رابعا ..... أنا احب القراء وماشالله كل شهر تقريبا أشتري 4 او 5 مجلات مع بعض (( بعضها تخصص سيارات وبعضها كمبيوتر )) لكن في الفتره الاخيره لحظت انه اهلي يتذمرون مني إذا شافوني شاري مجلة سيارات او كمبيوتر ..... وصاروا يقولون لي انه هذي المجلات مضيعه للوقت وهدر للاموال وما منها فايده , حتى لدرجة انه صاروا يلحون علي اني اترك قرائة مجلات السيارات والكمبيوتر ؟؟
خامسا .... يمكن انكم تستغربون .... لكن هذا واضح من اسمي ....... عاشق الانمي ...
أنا من اللي يتابعون الانمي , او بالاحرى إذا كانكم ماتعرفون الانمي فهو أفلام الكرتون , لكن مش مثل أفلام الكرتون اللي على بالكم لا .....وانما هذي أفلام ومسلسات ذات قصص مشوقه مثل المحقق كونان , عدنان ولينا , ومسلسلات اخرى لم تدبلج إلى العربيه حتى الان وانا اتابعها باللغه اليابانيه (( مع ترجمه إنجليزيه )) وانا الوحيد في الييت اللي يتابع هذا النوع من المسلسلات مع انها مشوقه .... صحيح انه فيها خيال كثير وممكن ينظر لها الواحد انها مسلسلات أطفال , لكن والله انه هالمسلسلات مش موجهه للأطفال لانه فيها كثير من القتل والعنف وفي بعض الاحيان مواقف ^#%$# علشان كذا ماينصح يشوفونها الاطفال ...... لكن ماشاء الله الاهل عندي يفكرون انها حقت اطفال وكم مره يقولون لي اترك هذي المسلسلات حقت الاطفال ؟؟
سادسا ..... أنا احب التصوير الفوتو غرافي (( ولو انه تصوري تصوير هواة ليس مثل المحترفين )) ودائما إذا شافوني اهلي بالكاميرا يبدأون بالكلام اللي ماله داعي بأنه هذي ماتليق بسني ومكانتي بين الناس .... إلخ .....
اللحين وش العمل مع أهلي ؟؟ أنا أصبحت مطالب منهم بأني أغير اسلوب حياتي وأغير هواياتي كلها ؟؟
يعني الصراحه ما أدري وش العمل معاهم ......... مع انه هذي الهوايات مش حرام ولا انه سيئه إلى ذاك الحد ...
والله ياناس اني انسان مستقيم وهذي الهوايات هي اللي مباعده بيني وبين الحرام ....
أنا كم مره جاتني دعوات من ناس معي في الدوام لحضور حفلات في نوادي ليليه , وكم مره جاني أكثر من واحد يعزمني على سهرات حمراء وخرابيط , وأنا حتى مغازل في التلفون ماعمري غازلت مثل أغلب شباب اليوم الله يداهم .... يعني ايش يبغون بالضبط ؟؟ هل أتصرف مثل شباب اليوم وأروح أغازل بنات الناس , ولا أروح أدخن ؟؟ ولا أروح الدسكو ؟؟
هذا اللي يسونه أغلب الشباب اللي في سني وانا الصراحه ما أبغى اسوي زيهم ......... خل يقولون عني طفل أركب السيكل وألعب بلايستيشن وما إلى ذلك لكن ما أرتكب ماحرم الله ..... أنا صحيح انه فيني اخطأ ومحد معصوم عن الخطأ لكن مش لدرجة انه حتى هواياتي تعتبر أخطاء .....
وعلى فكره ...... حتى لو تزوجت ما راح اتك هذي الهوايات لانه أصلا أسلوب للترفيه عن النفس ........ أبغى أعرف .... هل هذي الهوايات فيها ضرر علي ؟ هل اللي أسويه خطا ؟؟
أنا لازلت شباب في بداية عمري وما أبغى أتصرف مثل شايب في الـ 40 أو الـ 50 من عمره .....
أنا أعرف السنع .... أروح للمجالس وأتكلم كلام موزون مع اللي أكبر مني وأشاركهم مواضيعهم وأبدي رايي معاهم وأنصت لهم إذا تكلموا , لكن بعد كل هذا مايعني انه مالي الحق في اني امارس هواياتي المفضله واللي ممكن يعتبرها البعض لعب أطفال ؟؟
شوفوا الشيبان في الغرب ....... ماشاء الله يوصلون للـ 50 و 60 سنه وتلقاهم لحين في اوج صحتهم لانهم يمارسون هواياتهم بدون حدود للسن , فتجد بعضهم يركب السيكل يتمرن الصباح , وبعضهم يروح يلعب طائره ولا كرة قدم ولا بولينج ... إلخ ... وتلقاهم فاهمين في الانترنت والكمبيوتر والسيارات (( حتى انه بعضهم يدخل سباقات ويحضرون الفورميلا ون والراليات ))
أما شيابنا ....... ماشاء الله مب الشياب , الواحد من يوصل 30 سنه قام يشتكي من كل ضلع فيه وانه جسمه كله متكسر ؟؟ طيب ليش ؟ بالنسبه لي أعتقد انه السبب هو الكسل والنظره حق رياضة ركوب الدراجات الهوائيه أو لعب الكره وغيرها من الرياضات على انها لعب أطفال ... حتى في مجال التكنولوجيا غالبة شيابنا مايعرفون حتى يرسلون رسائل SMS ولا حتى يعرفون البلوتوث ,,,, يسمعون فيها لكن يفكرونه قمر صناعي ؟؟
انا مشكلتي طويله عريضه (( مع اني اختصرت كثير )) لكن انتوا ايش رايكم ؟؟ هل اللي انا اسويه خطا ؟؟ هل هذي الهوايات تقلل من قيمتي أمام الناس ؟
أرجوا انكم تشاركوني وتبدون رايكم .......
03-09-2006, 10:33 AM
هل هواياتي تقلل من قيمتي أمام الناس ؟؟؟
:20: 
>>>> ولو انه يقهرني دايما يغلبني !!!!
لكني والله انبسط لما نلعب مع بعض نغير
ضوابط المشاركة
العرض العادي
