اخواتي البنات

بأدخل في الموضوع على طول

اكيد كل وحده فينا عندها اكثر من فستان سهره ........................صح ولا.... لأ


وتلبسيه مره مرتين بالكثير وترفيعيه في الدولاب.......صح ولا ..لأ


بعضها ضيق ...صح و ..لأ

بعضها بطلت موضته....صح .ولا... لأ




احكيلكم موقف

من اكثر من 6 سنوات كان عندي فستان زواج اخوي

جات اختي الكبيره في المدرسه قالت لي ان في بنت في المتوسطه فقيره جدا ويتيمه وامها تبغا تزوجها

فقالت لي اختي عندك ملابس نجهز فيها العروس الصغيره


واعطيتها كم فستان ومن ضمنهم الفستان السهره


اليوم تمر البنت عند اختي في المدرسه ومعاها طفلين




تقولها: شكرا يامعلمه على الفستان

انت يسرتي زواجي وزوجتي اخواتي الأربعه فيه ودحين اعطينا الفستان لوحده من البنات زواجها في الحج

تصدقي يامعلمه ان كل شي هان لما شوفنا الفستان

كنت كل يوم ابكي قبل زواجي وأأجل الزواج

واقول كيف اتزوج وانا ماعندي فستان انزف فيه على زوجي وافرح مثل باقي البنات)




ماتصدقوا يابنات قديش انا فرحنا اني دخلت الفرحه في قلوب اكثر من بنت بمجرد فستان واحد


وعلى فكره الفستان اصفر يعني ماهو ابيض مثل ماكلنا نحلم بس شوفوا الفرحه كيف دخلت في قلوبهم

وخلينهم اجمل عرايس في عيون ازواجهم.





هيا يابنات كل وحده تفتح دولابها وتطلع فساتين السهره وتوزعها

حتى لو كان غالي


اصلا مارح نلبسه


انا عندي فستان عنابي له 4 سنوات مالبسته ولااقدر البسه لأنه ضيق عليه وبنفس الوقت متحسفه عليه

لكن اليوم بأطلعه



هيا يابنات خلونا نيسر زواجات البنات بفستان عسى الله ييسر زوجاتنا اجمعين



ويارب يرزقني ويرزقكم يابنات الأزواج الصالحين

ويرزق الشباب الزوجات الصالحات

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ماشاءالله تبارك الرحمن موقف رائع

فعلا ياروح الغالي
انا مابين فترة وفترة آخذ ملابسي اللي ماحتاجها وأوديها للجمعية وبعضها فخم جداااااااا

وياليت لو اعرف ناس ومادتهم صعبة ...ماعندي الا الجمعيات الخيرية

الله يعطينا على قد نيتنا

ومشكورة ياالغالية على طيب نيتك وتذكيرك جزاك الله خير

__________________
اللهم لك الحمد والشكر
"ولئن شكرتم لأزيدنكم"

__________________


شرح الله صدر من شرح صدري بهذه الصوره

جزاك الله خير وإدخال الفرح في نفوس المحتاجين من أعظم

أعمال الخير التي بإذنه تعالى يدفع بسببها البلاء

أذكر سمعت احدهم بالراديو يتصل مع شيخ عن الصدقة فيقول

كنت مسافر للعلاج وقال الأطباء أنه ميئوس من علاجي فعدت

الى هنا ونصحني من نصحني بالصدقة ، فتصدقت ولله الحمد

شفيت تماما ولكني لم اطمئن فسافرت لنفس الأطباء بالخارج

للتأكد وذهلوا من شفائي وطالبوني في ايضاح ما استعملت

من دواء فقلت لهم كان دوائي ( الصدقة ) فسبحان الله العظيم

كلامك روووووعة ..جزاك الله خير ..

أنا عندي فستان كان المفروض انه لحفلة خطوبتي ..بس ماصار نصيب ..مستعدة أعطيه للي تبيه ..

بس فستان العرس اللي شريته ..والله مو هاين علي اعطيه لحد..أتمنى وادعي ربي أكون أول من يلبسه ..

وناوية اني اتصدق فيه ..على طول بعد زواجي إذا ربي أكرمني ..

يارب تعطينا على نياتنا يارب

ماشاء الله عليك ياختي

بصراحه انا ولله الحمد اتصدق بملابسي العاديه بس ملابس سهره ولاعمري سويتها


بس والله فكره


جزاك الله كل الخير

__________________

يا سلااااااام عليك

كلامك رائع ..

وانا والحمد لله أجمع فساتيني وفساتين خواتي الي مانلبسهم واغسلهم و واخليهم كأنهم جدد

وبعدين أضعهم في كرتون كبير وأكتب عليه فساتين سهره

حتى اسهل على رجال الجمعيه المهمه ولا يقعدون يفتحون الكراتين ويفرزونهم وهذا ياخذ من وقتهم الكثير

علشان كذا اضيف على كلامك الملابس الي نبي نتصدق فيها لازم تكون بحالة جيدة ونظيفة

والصراحة حتى الملابس الي انا البسهم دائما احب أعير هم صديقاتي وقريباتي أذا كانوا محتاجينهم بمناسبة وانا ماني معزومة



وجزاك الله خير ياروح الغالي على هالنصيحة والتذكير

__________________
صبرٌ جميل والله المستعــان ،،
الحمدلله على كل حال ،،

صدقتي عزيزتي

بس انا بعد مثل شوبارد ما اعرف احد أعطيهم للجمعيات

أسأل الله مثل مايسرتي على غيرك ان يسهل ويسر ويعجل بزواجك قولي آميييييييين

ويارب يرزقنا جميعا الزواج الصالحون بالقريب العاجل

جزاكِ ربي كل خير على التذكير

جعله في موازين حسناتك

__________________


سبحان الله وبحمده عدد خلقه
ورضا نفسه وزنة عرشه ومداد كلماته

والله إنتِ يا أم سعود مافي منّك
الله يسعدك ياااارب
فينك يا أبو سعود تشوف
الله يجيب خبر طيب عنك عاجلاً غير آجل
آآآمين ..


أنا والله أوزعها مع إنها جديدة
أحياناً عشان الدولاب وزحمته ..
الله لا يحرمني أجرها ..
ويجزيك خير يااارب

__________________

يكفيني .. أن أكتبَ
وأن أتسَلى ..
كي تكونَ خيبتي
" جميلة " !

الله يجزاك الف خير ...

كالعادة سباقه للخير اختي روح الغالي..

انا نفس الشي عندي فستاتين ملكتي وزواجي مرمي في السطوح .. شكلي خلاص باخذ بنصيحتك واصدقهم ..

__________________


اللهم فرج كربتي ويسر امري واكتب لي الخير يارب