عدى على انفصالي كتير وماما و بابا لسة نظرة الحزن في عيونهم
مع اني ماسكة اعصابي من اول يوم
والحمد الله ربي مصبرني
كل ما اروح فرح صحباتي او قريباتي
او العب مع اطفال العيلة (لاني معروفة مرررة احب الاطفال) على طول الدمعة تنزل
اشوفهم بس اسوي نفسي مني منتبهة
اليوم دق منبه جوالي و كان في يد ماما (يوم ميلاد حبيبي)
ما قدرت تمسك نفسها
انا عادي اخدت الجوال و صكيته و قعدت اتكلم مع اكبر اخواني و اضحك معاها على موقف سار..
بعدها راحت غرفتها ولمن رحت عندها لقيتها بتصلي الوتر و تبكي وهية تدعي
قلبي مررة واجعني عليها سواء هيا او بابا
حبيبي مرض لمن عرف الخبر
وكانت اول مررة اشوفو يبكي فيها
(مع انو ماما و بابا من الناس اللي مؤمنين انو قضاء بس انا عارفة اني مني هاينة عليهم خصوصا اني انا بنتهم الوحيدة)
مني عارفة اش اسوي غير اني ادعيلهم ربي يجبرهم و يفرحهم باي خبر قريب انشاء الله
يارب تجبر اهالي كل اللي انظلمو
ولاتحرموني من دعاكم