السلام عليكم ورحمة الله وبركاته
مساء الخير


أخواني أخواتي الاعضاء
عندي موضوع مشغلني وأبي أخذ رايكم فيه


أنا ان شاء الله عازم على الزواج خلال هالسنه او بالاصح الصيفيه القادمه (( أدعولي ان الله يوفقني ويرزقني بنت دينه وخلوقه وعلى قدر من الجمال ))
وماقد خطبت الا مره وحده وماحصل نصيب ماعنهم مارفضو والا أنا رفضت بس المشكله كانت في عدم أمكانية الزواج
خلال السنه هذي او حتى اللي بعدها عشان كذا أعتذرنا لهم والله يوفقهم ويفقنا ..

أدري بتقولون وين المشكله الحين طيب هالحين بدخل بالموضوع


أنا لي بنت خال عمرها تقريباً الآن على وشك الدخول في 29 مابعد تزوجت مع ان والله العظيم ماينقصها شي جمال دين اخلاق ثقافه طيبه خريجت كليه ماشاء الله عليها بس النصيب مابعد جاها وانا دايم أسأل أمي عنها لاني شايل همها ويوم أشوف معانات البنات بهالقسم تطري علي وأدعي لها

بعد ماجينا من الديره سألت الوالده الله يطول بعمرها عنها قلت يمه وشلون افلانه ماجاها نصيب للحين ؟؟
قالت والله ماجاهم احد نصيبها وقف
حزت بخاطري وحسيت بحزن وتمنيت لو سمعت عنها خبر يفرح المهم قلت الله يوفقها ونسيت

وقلت للوالده هاه دورتي لي عرووووس لاني انا دايم اقول للوالده برمضان تقولي اصبر لين الناس تعيد تراك اشغلتنا أحد يروح يخطب برمضان
المهم قالت لي العروس جاهزه .. انبسطت انا وحسيت بتفائل .. قالت لي فلانه بنت خالك .. بصراحه ماصدقت وقلت للوالده اما أتزوج فلانه أكبر مني بسنتين .. وانا اللي أنظر لها نظرة أخو .. ولا عمري فكرت مجرد تفكير أني أتزوجها مع أني معجب بخلاقها وبجمالها ودينها من يوم انا اصغار بس مسألة زواج يختلف الوضع مدري ليش

المهم الوالده بدأت تقنعني .. وتقول والله مافيها كلام .. وراح تسعدك لان نفس الصفات اللي تبيها موجوده فيها
هي فعلاً كل الصفات اللي أبيها فيها موجوده بس المشكله الاساسيه أكبر مني بسنتين وانا حاط أبالي من يوم فكرت بالزواج اتزوج وحده أصغر مني بثلاث سنين او اربع ؟؟


وانا أنسان قلبي رحوم واذا تذكرت ان هالبنت تعاني بمسألة الزواج يحن قلبي عليها ..


وانا الحين محتار ومسألة العمر بيني وبينكم تخوفني .. ؟؟ .. خاصة ان البنت توقف عن سن الانجاب في الاربعين تقريباً






برايكم هل فارق السن يأثر ؟؟ وأبي رايكم بمشكلتي وأبي مشورتكم الله يوفقكم




أخوكم رجال

عادي بس سنتين؟؟؟؟

الرسول تزوج خديجه وكان عمره 25 وهي 40
وانجبت منه 4بنات و2ولدين
وكانت اول وحده يتزوجها
ولم يتزوج عليها في حياتها وفاء لها
لانها وقفت معه بدايةايام النبوه
واول من اسلم من النساء

اذا كانت عاجبتك توووكل على الله

واذا كنت تفكر في الانجاب
البنت توها صغيره
يمديها ان شاء الله تجيب لك16طفل
اكثر الحريم يوقفون على45 وبعضهم 50

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

16 طفل ياليت والله
أكيد أفكر بالانجاب .. لان الاطفال زينة الحياة الدنيا

الله يجزاك الف خير على ردك وابدا رايك

والله يخلي لك خالد وابو خالد



اخوكم رجل

والله انا ما اييد الرجال الي ياخذ وحده اكبر منه
لكن في المقابل هناك الكثير من الزيجات تكون ناجحه اما عن الاولاد فليس كل من كبر عمرها قل انجابها والحين الناس يكتفون4او5اطفال والله يوفقك

ممكن اعرف ليش ماتأييدين ؟؟



الله يجزاك خير على مروورك وردك

بالعكس


العمر ماله دخل بالعكس تكون عاقلة ومتزنة...


وبالنسبة لسن الانجاب حنا عندنا الحريم هالحين ما شاء الله إلي الـ45 والـ50....

بعدين في هالظروف المادية الصعبة كم ولد بتجيب...؟!

أستخير وشوف وش ربي بيوجهك له...

الله يكتب لك ولها ما فيه خير وصلاح...

ما تدري.. يمكن ربي ما كتب لها عرس للحين لأنها مكتوبة من نصيبك باللوح المحفوظ...!

__________________

هذا اللي معجبني اكثر فيها العقل والاتزان

وانا سواءً اخذتها او مخذتها مستحيل اتزوج وحده من 22 وتحت


الظروف الصعبه .. !!! قصدك الغلا وووالخ يابنت الحلال الله بيعين ..


الله يجزاك خير أختي


وشاكر لك ردك

اخوي الزواج لازم ينبني على قناعة تامة بالطرف الآخر

وانا حسيت انك مو مقتنع ومحد يتزوج تعاطف مع الطرف الآخر !!!


لاتتسرع وتظلم البنت معاك خذ فرصة اكبر وفكر واستخير

الله يوفقك بالزوجة الصالحة

__________________




لم يخلق الدمع لامريء عبثا

الله اعلم بلوعة الحزن

الكلمة هذي تضيق الصدر

واضح انك راحمها رحمة وهذا يااخوي زواج يعني كلها سنة بالكثير وتتعود عليها وتتعود عليك واخاف يجي يوم وتتندم

اذا انت مقتنع توكل على الله اذا بس راحمها عشان عمرها انصحك لاتتقدم لها اولا يمكن تتندم لأنك اخذتها بغير قناعة

ثانيا يامانسمع بنات كبار ويتزوجون النصيب ربي يجيبه ان شاءالله

والله يكتب لك الخير ويوفقك ولاتنسى الاستخارة

__________________
اللهم لك الحمد والشكر
"ولئن شكرتم لأزيدنكم"

السلام عليكم ورحمة الله وبركاته

أرى أن موضوع أن تكون الزوجة أكبر من الزوج شيء اعتيادي ويحدث كثيرا خصوصا هذه الأيام ,, لكن يجب أن تكون مقتنعا بذلك وألا تتزوجها لمجرد الشفقة ثم تندم !!

برأيي الشخصي الرجل هو القوّام على المرأة سواء كانت أصغر منه أو أكبر منه والدليل الأخوة الذين يعتنون بأخواتهم البنات ويتولون المسؤولية وتكون كلماتهم هي الكلمة الأخيرة ...

ولا تضع برأسك كونها أكبر منك إذا عزمت الزواج منها ,, أي تجاهل هذا الأمر وتناساه تماما وستجدها بإذن الله نعم المرأة ولن تشعر بالفرق . باحترام المرأة لزوجها وطاعته والإخلاص له والتزين له سيذوب فارق العمر .. وكل امرأة لها أسلوبها .. وهناك من فضل المرأة الأربعينية على العشرينية لأنها تهتم بنفسها وتبدو أصغر من سنها بكثير ,, وأعرف قصة عن أحدهم حيث يبلغ من العمر 27 تقريبا وتزوج على زوجته العشرينية من أرملة تبلغ الأربعين تقريبا وفضلها على زوجته لأنه شعر بدلالها وغنجها وحبها له وطبعا لأنها تبدو أصغر سننا ..

وبالنسبة للإنجاب هو رزق من الله ,, فمن يضمن لا سمح الله أن لا يتزوج عاقرا حتى لو كانت أصغر منه بسنوات كثيرة ,, أو حتى يكتشف مشكلة لديه هو لا قدر الله


وفقك الله أخي