أخواني أخواتي أحلا تحية مني لكم....

بصراحه انا عندي موضوع ودي أخذ رايكم فيه وانا شبه مقتنع به ولكن حبيت أني قبل لا أصمم عليه أني اخذ رايكم أستشيركم..

أنا طبعاً أعتبر انسان متزوج في الوقت الحالي وزاجي بمشيئة الله بيكون في الصيفيه ((وقت الموسم)) بس في بالي شي ودي أسويه وأقوله لزوجتي طبعاً أنا مادري هي بتوافقني الرأي ولا بتسوي فيها مربية أجيال؟؟ المهم ماطول عليكم أنا في راسي أني ماخليها تنجب ألا بعد سنتين من زواجنا لأني بصراحه ماعندي مزاج على قرف الوراعين وصياح البزارين وتوابعها الي كلكم عارفينها ، وبعدين بصراحه أنا أنسان ناوي احلل شبابي وأستانس أنا وزوجتي...بمعنى آخر أنا ودي أعيش أنا وياها السنتين الجايه أعتبرها عشيقه لي!! بس لاتفهموني غلط وتقولون أني أقاعد أناظر لزوجتي بنظره دونيه وأني أساويها ببنات الليل لا حاشا والله ذي زوجتي وغلاوتها عندي تسوى الدنيا ومافيها بس كل مافي الموضوع أني ودي أعيش معها سنتين تكون أحلا سنين عمري أنا وياها بس أنا خايف أنها ترفض وإذا رفضت ودي أقنعها بس مادري شلون أبي أقنعها؟؟ أبي إذا فيه أحد يقدر يقولي أيش أسوي في ذيك الساعه أكون ممنون له طوووول السنتين الي أبي اقضيها معها وبس!!!

أشكر لكم تواصلكم وياليت البنات يفيدوني اكثر شلون ألف راس البنت

أخوكم
حــــا@كــــم>><<Ha@K@em

الف مبروك...

والموضوع ما يبغي له خطط..البنت بطبعها تحب تجلس فتره من دون عيال .ويكون باتفاق من اول ليله..انا مثلا طلبه مني زوجي اول الايام وانا كنت متمنيه اني اجلس كم سنه وفعلا جلسنا ثلاث سنين وبعدين جتنا بنت قموره ملت علينا حياتنا..

الله يوفقك ويبسطك ..

اخوي .. فكرتك حلوه واتوقع انها توافقك
بس انصحك انك ما تخليها هي اللى تستخدم مانع لانه اعتقد انه ممكن ياخر الخلفه بعد كذه
غير ان الناس اللى حولكم "اهلك اهلها "ممكن يضايقونكم بكثر الاسئله بقصد الاطمئنان فالافضل ان يكون اتفاقكم هذا معلن لمنع المضايقات لانها بجد تاثر في البنت كثييييييييييير
ونصيحة اخيره استخيييييييييير لانك استشرت وباقي الاستخاره قبل لا تفاتحها بالموضوع وسبحان الله ما تدري وين الخير
الله يوفقكم

اؤيد رأي الاخت حرفيـــــــــا.. و اعتقد انك ان بينت لها ان السبب هو ان تبقى هي ملكك خلال هذه الفترة و ان هذا كله بسبب حبك الشديد لها سوف تقتنع فالمرأة غالبا عاطفية و تقنع بالعاطفه ..

__________________

أن تشعل شمـــــــعة .. خيرا لك من ان تلعن ... الظـــــــلام

ايه و الله معاك حق
أنا و زوجي مو مخططين على حمل حاليا بسبب ظروف دراستي و كمان زوجي ظروف شغله صعبه شوي في الوقت الحالي و احنا عايشين بمدينه غير المدينه اللي عايشين فيها أهلي و أهله غير إن تونا ما صار لنا 5 أشهر متزوجين يعني لسه بدري علينا إحنا عارفين طبعا إن إذا ربي كتب لنا حمل فما نقدر نعترض على حكمه لكن إحنا ما نسعى للحمل و أهلنا عارفين كذا كويس بس مع هذا ما يمنع كل مره بمناسبه ولا بدون مناسبه أسئله و تعليقات
مره من المرات أمي اتصلت علي و أنا نايمه قالت لي مو عادتك تنامين هالوقت قلت لها عارفه بس كنت حاسه اني دايخه شوي فقلت أنام لي ساعتين أوقف راسي قالت لي دايخه؟؟؟ شلون؟؟ قلت لها ماما ما فيه شي بس حسيت راسي يدور كذا فقلت أنام شوي قالت طيب و غيرت الموضوع (طبعا هي عارفه انها لو قالت لي اللي في بالها كان نرفزت عليها فعلشان كذا غيرت الموضوع ) المهم عاد ما مرت 24 ساعه إلا و خبر "حملي" منتشر في العائله الكريمه و طبعا بما إن اللقافه صفه وراثيه فينا ما ضل أحد ما اتصل علي يعطيني نصايح عن الوحام و كذا و اللي يسوي لي حسابات متى راح أولد و متى اختباراتي يعني باختصار صارت حوسه و اللي زادها يوم عمتي تتصل على ولدها (اللي هو زوجي) و تعاتبه تقول له شلون زوجتك حامل و ما تقول لي؟ و حضرته استغل الفرصه و قعد يمثل عليها يقول لها من وين عرفتي؟؟ و إحنا كنا ناويين نترك الموضوع سر شوي و (...أنا ..) نفسيتها تعبانه علشان دراستها بتتعطل و تعرفي الوحام متعبها شوي..........إلخ
المهم عاد بعد كل هالتمثيل يوم قال لها الحقيقه ما صدقته و ما اقتنعت اني مو حامل الا يوم جاتني الدوره

__________________

قرف الوراعين وصياح البزارين

مسألة قدرة على تحمل المسؤلية وأذواق ووجهات نظر.



لوطلبت هي مني ذلك ..أرفض ..

لأن الأولاد نعمة من نعم الله.... تزيد التألف والمحبة بين الزوجين وتقوي الروابط بينهم ، كما أن الحياة الزوجية ليست فقط أستمتاع وجنس ...

ولن تخرج من ملكك بعد أن تنجب أولاد ...

الانجاب نعمة كبيرة وفي رايي لايمنع الانجاب ان تتمتعو بحياتكم مش سنتين العمر كلو 0 هل انت تفتكر بعد سنتين اذا انجبت زوجتك يعني السنين الحلوة تنتهي لا ابدا خلي كل حياتك حلوة بدل سنتين لكن اذا كانت هنالك اسباب مثلا الزوجة لسه بتدرس او في اي ظروف ثانية لا اعتقد في شي ممكن التاخير سنة او سنتين او حسب الظروف ثاني شي قد يسبب استخدام الموانع مشكلة صحية انتم في غني عنها طالما ليست هنالك ضرورة لذلك نصيحتي ان تترك الامور تسير طبيعية ولا تحاول التاخير مع تقديري الشديد لرايك ولحبك لها

__________________
لكم تحياتي ...أخوكم حجي

الاولاد نعمة من الله، كلام سليم وصحيح ،،، ولكن ايضا رأي كاتب الموضوع، ليس فيه اي شيء ضد كلام الله عز وجل، فكل ما يطلبه هو ان يعيش فترة من الزمن، تكون زوجته له وحده، دون ان يشاركه فيها مولود او صغير،، وهذا من حقه، خاصة انه يوقفه عن اللجوء الى الحرام ( ومعاذ الله ) ،،،
النصيحة ان تتفق مع زوجتك المستقبلية، وان تبدي لها وجهة نظرك كاملة، وكن على قناعة، اذا كنا نحن قد فهمنا وجهة نظرك، فكيف بشريكة حياتك،، اتوقع انها لن تمانع، خاصة وانك تطلب منها التفرغ اليك،،،
نقطه اضافية، انا مع رأي ( العروسة ) بحيث لا تستعمل هي اية موانع وذلك لعدم التأثيرات الجانبية التي قد تؤثر على الانجاب وتؤخره في المستقبل،،،،

الف الف مبروك، حياة ملؤها السعادة نتمناها لك، حافلة بالحب والاتفاق

__________________
الحياة امل

الف مبروووك ..

إنت قلها و راح تقول لك : (( على يدك يا عم ))






تحياتي

مافيها شي يمكن هي ببالها بعد وخايفه تقولك وترفض؟؟؟
وياكثر البناات المخطوبات واللي متفقين مع ازواجهم انهم يأجلون موضوع الاولاد

يعني مثل هالاتفاقيات مطلوبه قبل الزواج ولابد تفاتحها بالموضوع

واذا حبيت تفتح الموضوع فهمها غرضك منه..يعني قلها قبل كل شي ودي اعيش انا وانتي اطول مده لحالنا..ودي نروح ونجي هنا وهناك بدون ارتباطات..بعدين قلها وش رايك نأجل فكرة الاولاد كم سنه؟؟؟( يعني فهمها انك ماتبي اولاد بالسنوات الاولى عشانها)

لأن في رجال الله يهديهم كثااااار بعد الزواج يغصبون زوجاتهم انهم ياخذون موانع حمل عشان مايربطه فيها شي ولا هو مرتاح معها

عشان كذا لازم تفاتحها بالموضوع قبل الزواج حتى ما تحسب انك غيرت نظرتك لها

والف مبروك والله يسعدكم ويهنيكم يارب ويرزقكم الذريه الصالحه