السلام عليكم ورحمه الله وبركاته



سؤالي الى كل زوج عنده ولد ماذا تحس تجاه ولدك؟؟؟؟

طيب اذا انفصلت عن زوجتك وتحبك بسبب مشاكل او لحكمه ألاهية ؟هل ستنسى ولدك

اذا اتزوجت وخلفت تاني هل حتنسى ولدك؟


اذا عشت من غير مايكون عندك ابو في البيت وانفصل عن امك هل تحب ولدك يعيش زيك وتوصل لدي درجه الحقد وقسوه القلب؟


وليش الرجال قاسين القلب بس للفساد ما احلاهم طيب مع الاولاد ايش ذنبهم بدي القسوه مو علشان انت رجال تحسب لازم تكون قاسي وحازم ليش ما تشوف نفسك وانت بتفسد احسن منك مافي وتكون محترم وشخصيتك 180 درجه تغير ايش علشان تحس بالرجوله الكدبيه ليش الضحك بره البيت واول ماتدخل تقول كانك داخل على اعدائك وليش تفضل اصحابك على بيتك وترى كل شي لو وقت واعطي كل ذي حق حقه واذا تحسب باسلوبك الجاف انك بتفرض رجولتك انت غلطان انت بتعمل جفوه كبيره بينك وبين زوجتك وليش ماتقدو برسول الله صلى الله عليه وسلم كان رسول وينشر الدين الاسلامي ويجاهد بس والله لما يدخل على اهل بيته يعرف انهم مساكين تستنى الوقت اللي تقعد فيه معاها ليش مالهم حق عليك اولادك يحتاجوك تقدر وانت طيب برضك تفرض احترامك ومخافتك بس ايش الفرق في الحالتين الاولى انت فرضتها بجفاء وتنفير وكره والتانيه انت فرضتها بحب وموده واحترام وصدقني ماراح تنقص من رجولتك كدا بالعكس حتكون من جد اقتديت برسول الله اللهم صلي وسلم عليه وبرضا ربك وبتوسيع رزقك وبنور من رب العالمين لانو خيركم لاهله............................

ومو كل الرجال بس الاغلبيه كدا وبعدين ايش حتستفيدو من دي الدنيا الفانيه لانك لو مت ماراح تاخد معاك ولا شي غير عملك وصلاتك واهلك ودينك لا حيكون في اصحاب ولا فلوس ولافسادك ولا اسمك ولا شخصيتك ولا عيلتك بالعكس حتتحاسب على بيتك واولادك لانكم كلكم راع وكل مسؤول عن رعيته بس فين كلامي دحين بدل مايكون في كل بيت تشوفو نادر الله يهديكم ويفوقكم ويفوق ابو ولدي معاكم بس اسفه كان سؤال بس ما دريت عن نفسي


وشكرااا


افتكر انك قدوه اولادك ويحبوك وانت مسؤول عنهم ولا تكون اناني وبس تحب نفسك ايها الرجل...................