مشكلة الشعر عندي
السلام عليكم ورحمة الله وبركاته
كيفكم بنات حواء؟؟ إن شاءالله الكل بخير ومايعاني الي اعانيه !!!
ان شاءالله خطبتي راح تكون الشهر الجاي و اريييد منكم مرهم او دواء او وصفه بس المهم تكون مجربه ومضمونه ونتايجها سريعه او اي حل سريييييييع
ومشكلتي هي ان في وجهي شعر خفيييييييف مايضر ولا يبان بس احسه يقتم وجهي ، وبدونه تكون بشرتي اصفى واحلى وافتح
انا السنه الماضيه حفيت وجهي وصارت بشرة وجهي صافيه وناعمه وبيضه وحلوووه لمدة اسبوعين بس ، بعد الاسبوعين تفاجأت بالحب الي صار فيني والي دام معي شهر ونص اضطريت فيه اتعالج عند دكتورة لين ماراح واختفى نهائيا ورجعت بشرتي مثل ماكانت... ورجع معاها الشعر
انا بصراحة ماحب احد يقرب مني تماماً ولا احب انا اقرب وجهي لاحد لاني ماتكون عندي ثقه عكس لما حفيت وجهي وراح الشعر..... لانه هو مايبان الا من قريب
واخجل اقابل خطيبي بعدين والشعر في وجهي ، الا يمكن يكون هو في زاويه وانا في زاويه عساس مايشوفه 
وبرضو خايفه احف ويطلع فيني حب من جديد مثل ماصار اول مره ، بس مشكلتي انو لو يطلع الحب بتكبر المشكلــــه لان خطبتي الشهر الجاي وماراح يمدي الوقت اتعالج فيه.. وفي نفس الوقت ماقدر يجي يوم عقدي وانا بهالصورة
يعني راح احف لا محاله ولا مفر ......
فأريد منكم نصايح اسويها او شيء احطه على وجهي قبل او بعد الحف ، عساس مايطلع فيني حب ، او على الاقل يخففه ...
انا لما سألت الكوافيرة قالت لي بعد ماتحفي على طول غسلي وجهك بماي ورد باااااااااااااااارد .. وان شاءالله راح اسويه بس مدري حاسه ان الحب راح يطلع بعد لان الكوافيره نفسها قالت لي راح يطلع المره الاولى والثانيه والثالثه لين ماتتأقلمي 
الشيء الثاني اذا عندكم اي نصيحه او اي شيء لحالتي لا تبخلوا عليّ فيها لانو انا جسمي كله يعاني من الشعر " ولما اقول كله اعرفوا يعني ان مافيه ولا منطقه خاليه من الشعر ".. واكيد قبل الزفاف في الاشهر الجايه يعني راح ازيله كله ان شاءالله بس برضو خايفه من الحب والاحمرار
انا بشرتي ناعمه وحلوه بس مشكلتها الشعر ، ومشكلة ازالة الشعر عندي هو الحب الي يطلع فيني لان بشرتي حساسه
يدي من فوق ازلت الشعر بالحلاوه بعدين صارت لي حكه فيها مو طبيعية ، وتفاجئت بعدها بالحب والاحمرار الي صار فيها وللحين اثره باقي .. مع انه من زماااااااااااااااااان شايلته انا ، وهذا يمنعني البس شيء بدون كم عساس الحب لايبان
يعني حتى يوم عقدي راح اضطر البس شال مع الثوب لهذا السبب
نفس الشيء صدري يعاني من هذا الشيء .. ماحب البس شيء يخلي صدري يبان حتى في المناسبات لهذا السبب
ساعدوني يجزاكم الله كل خير
التعديل الأخير تم بواسطة * بنت النور * ; 24-11-2006 الساعة 06:35 PM
24-11-2006, 06:28 PM
ضوابط المشاركة
العرض الشجري