السلام عليكم جميعا

كيف لي أن أتمنى الحياة..وأنا أحاول الوصول إلى سطح الماء..لتسحبني أيد خفية في الأسفل لأغرق وأغرق

مر علي كم يوم وأنا بحال رااااائعة جدا..حسيت الحياة حلوة وكل شي يبرق..الطيور حلوة أصواتها..الناس مبتسمة..كل شي كان حلو..الهوا..الشمس..كل شي

اليوم كل شي أسود......أسود

عارفين ليه؟؟ لأني مقهورة ليه ظليت متعلقة بألمي كل هالسنين...ليه خليت فلان يحطمني..ليه ما أبدعت مثل ما كنت أسوي زمان..ليه عطلت حياتي كل هالمدة....

واليوم بس أتحسر..وأندم..زميلات لي مروا بنفس حالتي واليوم تفوقوا علي..تغلبوا على ظروفهم.وأنا جالسة أتألم وبس
واليوم تفوقوا علي...بصراحه حسيت بغيرة قاتلة..غرت منهم..ومن شغلهم..أنا صرت أغار من غيري

أنا أتألم..أحتاجكم..أحتاجكم..لا تواسوني..بس شاركوني ألمي الله يخليكم..

__________________

أسأل الله أن ييسر أمرك
ويفرّج همك ، ويسعدَ قلبكِ عمّا قريب ..

لا تيأسي ..
والله مرت بي أيااااام كثيرة
كنتُ أكره فيها نفسي ..
بل وأقول في أعماقي :
" حتى التغيير للأفضل .. لا أريده "
كنتُ أتمنى الموت فقط ..
ولا يحلو لي إلا الدعاء بـ
" وتوفني إذا كانت الوفاة خيراً لي "

شعرت بأن الهمّ أعاقني عن أشياء
جميلة كانت تعني الكثير ..
لكن ..
" أن تصلَ متأخراً .. خيرٌ من ألا تصلَ أبداً "

و ربنا أرحم وأكرم ..
لا تنسي الاستغفار وقراءة
ما تيسّر من الكتاب..

__________________

يكفيني .. أن أكتبَ
وأن أتسَلى ..
كي تكونَ خيبتي
" جميلة " !

اختي الكريمة انا اكثر منك ...

ماقدر اوصفلك حالتي حاس اني طفشان من حالي ...

تصدقين الحين مالي اي صديق احس ان جميع اصدقائي مملين ... سطحيي التفكير ..

اكتشفت بعد الطلاق ان جميع من اعرفهم لا يستحقون حتى تفكير مني فيهم .


الحين انا وحداني ومبسوط اصدقائي الكتب و الانترنت .

اطلع يوميا للنادي الرياضي وهذي ممكن تضحكين علي فيها ، ما امارس اي نوع من الرياضة مالي خلق والله بس اروح للمسبح اخذ شوط سباحة وبعدها اجلس في الجاكوزي الحار لفترة طويلة ، الماء حار جدا يعطيني استرخاء عميق بعدها اطلع وارد للبيت .


انا لوحدي ساكن ، وبصراحة مبسوط ، احس ان مافيه شي يخليني ازعل او انفعل .

عندي بحث تاريخي قديم عن منطقة نجد كنت اجمع كتب تاريخية واحاول اوضح نقطة تاريخية غامضة في تاريخ المنطقة نظرا للصعوبات و قلة المصادر التاريخية المدونة في ذلك الوقت ...شكلي بارجع اكمل البحث .


حاليا مساري من العمل - البيت - النادي - البيت

ومرتاح


احس اعصابي بدت تهدأ ، حاليا ادور على بنت الحلال بس بهدوء .


نصيحة كل ماشعرتي بالاحباط على طول اخذي دش ساخن للغاية واجلسي فترة طويلة الماء الحار يساعد على الاسترخاء .

الله يسعدك على ردك..

بس عارفة والله العظيم قهر

كنت مبدعه وسمحت لنفسي أستسلم وأنتظر يجيني أحد ينقذني..واستسلمت للهموم والمشاكل..وألحين زميلاتي تفوقوا علي وصاروا بارزين وأنا....تعبت أبرر موقفي

والله أتألم..ما أبغى أكتب..يكفيني بكى..راسي يوجعني

__________________

وعليكم السلام

ياربيه شفيهم بنات القسم اليوم بسم الله عليكم..

عيدي حساباتك مع نفسك وحاولي تستغلين طاقاتك بشهادتك مثلا اشتغلي اذا كنت عاطلة

والله يااختي اني اشتغل بمكان ظالمني وماهم مقدريني الا فيما ندر واذا أخطأت خطأ واحد نسو كل حسناتي

ويلاحقوني يدورن وراي الزلة.. ويوفرقون بيني وبين صديقاتي ومشاكل مالها اول ولاتالي.. واكثر شي اعاني منه الظلم والتفرقة بين الموظفات

ومع ذلك متحملة وساكتة .. حاسة بقهر ماهو طبيعي لكن ساكتة لسبب واحد بس!!

أحب العمل وأكره جلسة البيت.

اعاني من اقاربي ومن نظراتهم التافهة واشوف بناتهم اللي كانو يروني فوقهم الحين صارو يناظروني ولاشي!!

وكل ماجلست معاهم بزارين على 18 و20 وزوجي سوى وزوجي قال ايه انت شعرفك بالرجال!!

انقهر مرررررررررة ومع ذلك احاول بشتى الطرق اكون متماسكة والحمدالله قدرت عليهم

حاولي تغيري من الداخل عشان يخف عليك الألم

مالومك لأننا كلنا تجينا حالات ضيقة خلق لكن الشكوى لله

الله يشرح صدرك

__________________
اللهم لك الحمد والشكر
"ولئن شكرتم لأزيدنكم"

مشكور أخوي Aft على ردك وربي يعينك

شوبارد..أنا موظفة..وعندي شهادات ودورات وعلى قولتك مع الأسف المكان اللي أشتغل فيه والله العظيم هو السبب الأكبر بحالتي..الموظفات اللي معاي غرقوني بالمشاكل التافهه والأعمال السخيفه..ومافيه إنجازات أو روج منافسه..والنتيجة نزل مستواي وطموحي بالعمل

والحين اكتشفت إن غيري طلع فوق وأنا لسى تحت

أنا محتاجه لكم..كل صديقاتي مشغولات عني..كلمت كم وحده وكلهم لاهيين

__________________

هذي مشكلتنا

ننتظر قطار الزواج ..وفي صالة الانتظار ..الذي قد يطول ..

نجلس ونتكأ بل ربما نناااااااااااااااام ..

وقد يفوتنا من الخير الشي الكثير ..

مرت علي فترة كنت فيها مثل ماوصفتِ ..

لكني عزمت على التغير...

لدي عملي ويجب أن أبدع به

ولدي أهل ..ينبغي أن لاأقصر في حقهم ..

ورائي آآآآآآخره ..وقبر وقيامة ..سفر بعيد ..ينبغي أن أتزود له ..

اللهم أعنا وأسعدنا أجمعين ..

كل البنات اليوم ضاااايق صدرهم ....

نفسي اقفل عييني وافتحها الاقي كل شئ حولي اتغير للافضل ...

نفسي يابنات نتقااااابل .. تخيلوووا ... ...

(( الحين المراقبييين يزعلوون ))

المهم ياهمس ياقلبي انتي لسه تحت لانك ماتبغي تطوري .. ... دااائما حطي في بالك انك مو لوحدك بتعاني فيه ناس

كثير زييك وبنات كثير في القسم هذا معاكي يشاركوووكي كل شئ ...

انا نفسي اجلس في غرفة لوحدي وما اكلم احد ولا احد يكلمني من كثر الضيقة والطفش ...

استهدي بالله ... شووووفي الكل شكله سهرااان الليلة معاكي .. ما احد بينام ؟..

الانسان يتقوى بالله فهو معينه في هذة الحياة

انتي من تنهضين بنفسك بقوتك لا بضعفك

ابحثي عن الاشياء الجميلة في حياتك

لا تقولي ليس عندي اي شيئ جميل ابحثي فسوف تجدين الكثير

اذا ارضيت ربك باتبعاعك اوامره واجتناب نواهيه فسوف تجدين الراحة والسعادة

اذا ارضيتي والديك فهنيئاً لك بالفلاح

ولابد ان ترضي عن نفسك وتتركي الاحباط

لا تنظري لمن هم اعلى منك بل انظري لمن هم يكافحون وهم اناس اثبتو انفسهم رغم صعوبة الحياة

انظري لمن هو مقعد لا يستطيع الحراك انظري الى من هو مريض انهكت جسدة الاسقام

احمدي ربك على نعمة فبالشكر تديم النعم

اشغلي نفسك بطاعة الرحمن

وجربي تجربة الاخ الفاضل فسوف تجدين فيها الراحة بأذن الله

فالرياضة تجدد خلايا الجسم وتطرد السموم الموجودة في الجسم وايضاً السموم الموجودة في العقل وفي التفكير

دعواتي للجميع



حفظك الله ورعاك

عليكم السلام ورحمه الله وبركاته
كلناتجينا حالات ضعف الله اعلم فيها شوفي حبيتي كل الي معاي بسني واصغر تخرجو وتوظفو وتزوجو
وانا تخرجت وجالسه لي كم سنه بالبيت لا وظيفه ولا رجال وجالسه ابحث عن وظيفه لكن الشكوى لله
ودايما يجني احسااس انهم كلهم احسن مني الا انا لا هذا ولاهذا ويجني احباط وصياح مو طبيعييي
وفوق هذا اذا طلعت ماسلم من اسئلتهم ونظراتهم لكن اول ماتجيني حاله الضيق اتوضا واصلي وادعي ربي
ان يفرج علي همي والي زي حالتي من جد مالومك انا عشت وقت كائبه فضييع الله يبعدنا عنه
لكن يبقى الامل في الله ارحم الراحمييين انا عندي ثقه ان ربي راح يفررجها علينا كلنا لكن اهم شي الصبر والدعااء
خففي على روحك واطردي اي تفكير يضيق الخلق
الله يرزقني واياكم يارب عاجلا غير اجلاا

__________________