السلام عليكم ورحمة الله وبركاته

حدخل الموضوع عطول

هوة مش خطير

بس حبيت اشارككو الراي

انا خريجة من الجامعة قسم علوم الحاسوب برمجة يعني

واعمل بوظيفة مؤقتة في مدرسة

اعمل عالكمبيوتر طباعة وانترنت وشغلات زي هيك (للاسف هالوظيفة تحتاج شهادة دبلوم سكرتاريا وليس بكالوريوس برمجة...معلش خرجت عن الخط لكن مع القهر)

المهم فيه كمان بنتين تشتغل بنفس المكان بنفس الوظيفة

وحدة اسمها (س) والاخرى(ف)
المهم هاي ف هية الي معها القصة
هية اكبر مني ب10سنين عمرها 33سنة

متزوجة من لماكان عمرها15سنة معاها 2بنت و2ولد وكلهم مسؤوليات

واكملت تعليمها حديثا

وكل حياتها بلاوي ومصايب وابتلائات ومشاكل والله يعينها بجد بتقطع القلب وزوجها مريض وهية رجال البيت

اوكي

من اول مااجيت من شهر ونص اتصاحبنا وكنا تمام والكل مستغرب عصحبتنا

ونتعامل كاخوة انا اختها الصغيرة وهية الكبيرة

والله كان شي حلو كتير

بس فيه اشي بالبنت
هيك دايما متحفزة للناس
دايما لانو عانت من مشاكل فظيعة مش ممكن تسدقوها مع اهل زوجها وصلت يضربو زوجها ويسيلو منو الدم فوق ماهو مريض لماعرفو انو بدها تشتغل تعيل الاسرة!!!
ماعلينا من هالقصة الكئيبة
المهم انو يعني دايما عندي احساس انو الناس حتاكلها وتخلص عليها
ردة فعل
لانو المشاكل تركت اثر في نفسيتها
صارت تحس انو العالم غابة والناس بياكلو ببعض طيب منيح؟
هلأ عمرنا مازعلنا

والبنت ميتة علية وتحبني كتيييييييير وتحكيلي كل اسرارها حجات خاصة كمان
طيب شوفو الموقف الي صار مصدومة لحتى الان
مرة هيك بطلع عالكيبورد الي عالجهاز تبعي الي عند المديرة انا هناك اشتغل يعني هناك مكتبي وبحكي
يالله هاادا مش نافع وبغلب بالطباعة بدي اجي اخد تبعك واسرقو منك
استفزاز ومزح يعني

الاهية بتقلي لا مابدي وصارت تضحك

لانو كيف انا سريعة جدا بالطباعة وهية بطيئة فتحتاج كيبورد ممتاز فماحبت ابدلهم
رحت بدي امزح اكتر وقلتلها لاااااااااغير اخدو واوريكي غصب عنك
وصرنا نضحك
ويعني موقف كلو استهبال وهبل ومزح

وانا بطبيعتي طيييييبةجدا والكل بيقول عني لمايجي يوصفني(عفوية وبريئة والي بقلبها علسانها وبنت بتنحط عالجرح بيطيب)

وانا كمان مرحة جدا واجتماعية وقلبي جدا مفتوح وبحب امزح ويعني من هالنوع الطفولي
هلأ قبل امبارح روحت بدري
رحت حابة اعمل مقلب فيها
فبدلت الكيبوردات وقلت للبنت التانية بدي اشوفها حتلاحظ تاني يوم او لا
يعني مزحة هبلة مابتزعل
لانو الاتنين نفس اللون وهيك يعني بدي اشوف قوة ملاحظتها
اما انا لاجاي اورثها يعني ولااخد ملكها الخاص

روحنا
وتاني يوم بالتاكسي اتزكرت وصرت اضحك واقول يلا عاد تنشوف شوحيصير
الامالحقت افوت واحكي صباح الخير(والله العظيم ماحكيتها لسة)
الالقيتها وشها احمرررررررررررررر
وصوتها لاخر المدرسة طالع وبتسرخ علية والله اني دخت هيك وحسيت حوقع من الصدمة منها والله مابستاهل انابالمرة
ولاو كانت معصصصصصصصصصصصصصبة
وبتخانق
قال شو
انااخدت الكيبورد عشان ادايقها واقهرها وحركة مقصودة
!!!!!!
شويعني ماعرفت افهم
والمدرسات كلهم كانو قاعدين
ومصدومين
وانا ماعرفت شو ارد
ماعمري تخانقت مع حد
ومش من هالنوع بتاع سراخ وخناق
سكتت هيك وبجد ماعرفت احكي شي
وضلت تسرخ
حكتلها مزحة وعادي شومالك محنا كل يوم بنمزح
وفعلا والله مواقف اكبر من هيك وبنمزح وننبسط وعادي
حتى الكل شاف الموقف وانصدم اكتر مني
وصارو يقولولها شومالك على شو بتسرخي حرام عليكي الموقف تافه مش مشتاهل زعل اصلا
يعني كلو بجد تفاهة×تفاهة
لا انا شوعملت وقتها صراحة ولعت دمي انحرق بس ماعرفت ارد عليها غير قلتلها خلص انا بمزح كنت وووو
ورحت رجعتهم
وكمان انخبط راسي بطفاية الحرق ودخت وحالي على الله هادا اليوم

وبجد حرقت دمي
وسكتت وماقربت عالمكان الي هية فيه ابدا
وفوق هيك طلعت كل متشوف وحدة تنشر عندها الحكاية
بس الاحلى انو ماحد تحكيلو القصة الاتفه من التافهة الا ينصدم ويقلها طيب وشو الي بزعل بس؟
والكل وقف بصفي لانو اناماعملت شي
وكمان مازعلتها
طيب عفرض فعلا زعلتها
مش انا صحبتها؟مش مفروض تيجي بيني وبينها تحكي؟؟؟
هادا لو فعلا الموضوع بزعل عيب تحكي عالملأ والله صوتها كان عالي جدا واحرجتني جدا
وجرحت مشاعري لانو انا حساسة ورقيقة جدا من جوة وبزعل وبتاثر بالمواقف الي زي هيك
خاصة لمااكون احلى من العسل مع الناس
وبالاخر ينعمل فيه هيك ليش؟
المهم اليوم اجيت تجاهلتها
يعني انا صراحة شفقانة عليها من مشاكلها وعاملة عليها ضغط
بس انا عندي احساس وكرامة ومالي ذنب لتحكي عني هيك مش حرام؟؟؟جرحت شعوري بعمق
لانو بحبها كتير انا
المهم ولاعبرتها وهية كمان ماعبرتني
المهم اجت بنت تتوسط بينا وبتقلها والله الغلط عليكي حرام ماعملت شي وبتمزح وووو والله انها (...)طيبة وتنحط عالجرح بطيب والله انها زي العسل
راحت ردت وحكت وانا عارفة انها طيبة جدا وانها زي العسل
بس هية عملت هالحركة مقصودة
البنت انجنت بتقلها شويعني مقصودة الموقف اتفه من التفاهة
الاهية حكتلها طيب انا من ناحيتي مافيه شي!!!!!!!!!!
يعني كانو انا غلطت بحقها وهية تكرمت علية وسامحتني

بالله ماهي قهرة
المهم الي قاهرني انو انا ماغلطت من الاصل اوكي؟
فوق هيك غلطت معي واحرجتني بين المدرسات وجرحت مشاعري
وفوق هادا كمان مارديت عليها ولارديت الاساءة لانو صراحة صدمتني مااعطتني فرصة اتنفس من مشوار الطريق مش طبيعي بجد
وبالاخر بيجو يقولو الي كبري مخك!!!طيب انا عفكرة مابتلقو مخ الين و اوسع من مخي
ومش عنيدة نهائي
وبتنازل عن حقي عشان الي بحبهم
ومابزعل وبكلمة والله برضى وهيك طيبة جدا
وكلمة بسيطة بتراضيني وخلص المهم احس انو الانسان هادا اعطاني قيمة
بس هية غلطت وسرخت علية وانا مش بنت صغيرة واحرجتني وجرحتني وعملت موقف مالو طعم ولالون ولارائحة
طيب كيف احكي معها؟يعني شوالمدرسات يحكو؟كلهم ماحد عاجبهم تصرفاتها
انا حزنانة والله من طيبة قلبي هيني نفسي نرجع نتصالح
بس هية خلص عاول موقف سيئ هية اخترعتو عملت هيك
انابحب الناس تقدرني وتراضيني لمايزعلوني
عشان نفسيتي انا زي الاطفال بحب احس بحب الناس وحنانهم
ليش هيك تعمل؟
بجد جرحت شعوري ومش عارفة ولامتخيلة انو ممكن انا احكي معها من غير مراضاة لانو وقتها مذلة وشوالعالم تحكي عني؟
عمري بحياتي ماكان الي موقف زي هيك مع اي انسان
ليش تضطرني لازعل منها؟
مابحب ازعل من حد
المشكلة لو غلطت معها بحرف كان شو بصير اجيب الغلط عنفسي وهيك عشان زي اوجد مبرر انو انا اتنازل واصالح اول
مسكينة انا دايما هيك
بس هالمرة مش عارفة القى شي
وهية بس تتحجج بظروفها
ما انا نفسيتي تعبانة بسبب سفر خطيبي
وكل واحد الو همو
ليش تتفشش بخلق الله
واحنا صحبات
كان نفسي تراضيني وتجبر خاطري
كسرت نفسي والله انا بنجرح بسرعة
المهم اليوم بعتلها مسج عالموبايل قلتلها
(((انت اول وحدة فتحتلها قلبي وبالاخر ماتحملتي مزحة وفسرتيها غلط وجرحتي مشاعري ليش هيك؟)))
وبس ماردت
شفتو كيف؟؟؟انا مسكينة وطيبة والله وقلبي مابتحمل قسوة الناس
زعلانة انا ومش عارفة مابحب اضل هيك مع حد
والمشكلة انو انا مست كرامتي لماتسرخ فية عموضوع تافه
بس الي مبسطني انو ماحد عرف الا يوقف في صفي الدليل انو الحق معي
والكل متعجب منها
وبيقولو ياحرام عليكي هالبنت زي العسل ماتزعل حد كيف تزعلي منها؟
وكنت دايما انا ادافع عنها لانو عندها مشاكل مع كتير ناس بالمدرسة
حتى والله بعد هالوقف وحدة اجت تحكي عنها حكي مش منيح وانا صرت اقلها حرام ماتحكي هيك مسكينة
راحت قاللتلي يوه بعد هالي عملتو بتحكي هيك ياشيخ انت هبلة !!!

طيب هلأ شواعمل؟شورايكو؟شوفكركو احست من المسج؟؟؟
شوتتوقعو يصير؟
عفكرة هية بتموت علية كانت والله
وبتمدح فية ودايما تدعيلي الله يسهلها معي ومع خطيبي
وواقفة معي بصفي دايما
ولهلأ اكيد بتحبني

اسفة
طولت
بس حبيت اخد رايكو

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت