السلام عليكم ورحمه الله وبركاته


حبيت اني استشيركم لاني واثقه في ارئكم ومالي غيركم ارجع له وبدخل في الموضوع على طول


الموضوع ان اختي جاءت مره بيتنا وكانت عصبيه جدا وحالتها نفسيا صعبه المهم جلست احاول اخفف عليها قالت انه في رقم في جوال زوجها دائما في اليل يدق رنه وبعدها زوجها يطلع من البيت ومايرجع الا في وقت متاخر وانها متاكده انهم اصحابه شباب يعني بس بيحاول يخلونه ينحرف زيهم رغم انه انسان طيب جدا ويحافظ على صلاته ولا يفوت فرض وبيتوتي ومو اجتماعي كثير يعني اكثر وقته يكون في البيت علشان كذا ماكنت عايزه يتعرف على شباب سؤ يفسدوه المهم جابت الي هذا الرقم وقالت ارسلي رساله من جوالك نشوف مين الي بيرد اذا كان من الاهل او غير معروف المهم ارسلت رساله قالت ..جمعه مباركه انا سهى طبعا غيرت اسمي وانت مين يا عسل... علشان اشجعه يرد المهم ما رد وبعد يومين اتصل على نفس الرقم وكانت الطامه انهابنت صوتها يجنن انا انهبلت عليه وقالت لي انها بدها تتعرف على ومن وين جبت رقمها قلت لها بالصدفه لقيته وقلت لها انا كمان ياريت نتلاقى لاني حبيت صوتك ونفسي اتعرف عليك قالت وانا كمان البنت طلعت في نفس الجامعه الي انا فيها وقالت لها نتلقى في حدود الجامعه لاني مابقدر اطلع القايك بر الجامعه قالت وانا كمان ...عايزه استدرجها كيف تعرفت على زوج اختي وايش العلاقه الي بينهم بس انا محتاره اكلم اختى والا لا لانها لو تعرف اكيد بتتجنن هي كانت قلقانه انهم شباب تطلع بنت هي الان مسافره ماليزيا مع زوجها رحله فقلت مابعكر عليها رحلتها بس مش عارفه لو تسئلني على الرقم ايش اقول لها ردو عليا الله يخليكم لا تبخلون عليا......

لاتبلغي أختك عشان لاتهدم حياتها ..... لكن البنت بما إنها كلمتك فأنت جيبها على بلاطة وهدديها إن كان مابعدت عن زوج أختك راح تفضحيها خصوصا إنك معاها في الجامعة بس لاتقوليلها إنه زوج أختك يعني لاتوضحي لها القرابة وقوليلها إنك ممكن توصلي الأمر لأهلها وشوفي ردة فعلها وبلغينا باللي يستجد عليك ......

الله يعينك ويساعدك على تفريج كربة أختك ......

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

* حاولي ان تنصحين الفتاة بأن تبتعد عن الزوج.
* وممكن ما بينهم علاقة و لازم تتأكدين اول شي.

__________________
أحبابي إتبعوا شرع الله فإنه الخير

اشكركم على الرد انا في البدايه اكيد لزم اعرف ايش نوع العلاقه بينهم رغم ان ديننا وعاداتنا وتقاليدنا تحتم علينا انه مايكون بينهم اي اتصال من اي ناحيه اي كانت العلاقه بينهم فهو غلطان الله يهديه واشكركم على الرد وان شاء الله ابلغكم باخر المستجدات.....

اول شي صادقيها وحاولي تاخذين رقم بيتهم او تعرفين عنوانهم

وبالتدريج افتحي الموضوع ان شفتي ما سمعت كلامج

هدديها وقوليلها ان ماابتعدت انج راح توصلين لبيت اهلها وتعلمينهم بالسالفه

وابدا ماراح ترحمينها من فضحها امام الملا او قوليلها ابتعدي وان شفت انج ما ابتعدتي لي كلام ثاني معاج


وجري كل الاساليب معاها لان هالاشكال ماينفع معاها الا القوه

لا تقولي لاختك .. لانها اكيد راح تتعب

وانتي اتقربي من هالبنت .. واستدرجيها في الكلام الين تقولك

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

أنا أأيد كلام اللي سبقوني..اعرفي عن حياتها كل شي بس لاتخلينها تعرف شي عنك
وإذا مره لاتقولين لها معلومات صحيحه عنك...وهدديها بعدين ب
بس إنتبهـــــــــــــــــــــــــــــــــــــــــــــ ـــــــي يمكن هي من الناس اللي توزع
أرقام البنات ع الشباب وتنقلب السالفه عليك..
الله يهديه ويبعد عيال وبنات الحرام عنه وعنكم

__________________

ممكن جدا يكون زوج أختك متزوج عليها وهذا أهون بكتير من أنه يكون بيخونها

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

علمينا وش بيصير ؟ وانتبهي لا تقولين لاختك حاجه

__________________
سبحان الله وبحمده .. سبحان الله العظيم

اولا اشكركم جميعا ثانيا ا ان شاء الله ابدا مايكون متزوج والله اختى بتطلب الطلاق على طول وانا ماظن ان العلاقه الي بينهم وصلت للحدود الغير شرعيه الله يستر وعموما انا اتصلت فيها اليوم علشان اقابلها في الجامعه بس هي اعتذرت انه عنده محاضره ونتلاقى بكره انشاء الله