بسم الله
ايتها الام ماذا تفعلين اذا انضرب طفلك من طفل اخر يكبره سنا من غير سبب
وبالاخص اذا كان طفلك فلذة كبدك من النوع المسالم الذي لايؤذي احد
وبسبب خوفه يسكت وماياخذ حقه بيده
مع اني دائما اقول له اللي يضربك اضربه ابيه يصير قوي شخصيه
وماابي احد يذله ويضربه من غير سبب
وهو يسكت وحتى مايعلمني لاني اوبخه واقول له لاتصير خواف وخذ حقك بس مافيه فايده
ماذا افعل ؟؟
اروح اضرب الطفل اللي ضربه واخذ حق ولدي
ولا اكتفي بتوبيخه يعني اهاوشه بس ؟؟
ولا ايش اعمل
لاني انقهر جدا اذا انضرب طفلي
انتم وش رايكم ؟؟

والله انا مامريت في هذي التجربه

لكن حطيت نفسي مكانك

اذا كان كبير والله يتهزء ويلزم حدوده والله هذا اللي ناقصنا


اما اذا في نفس سنه اتركهم واذا ولدي اشتكى<<<<<يارب يسمع منك اشوف سعود يشتكي

اقوله روح قول لأمه فلانه ترا ولدك ضربني

واذا امه مطنشه ولاعليها

اترك عيالي<<<<<<<<<عجبتني عيشت الجو

اتركهم في البيت ولاأخذهم معايا


هذي حلولي وربي يحفظ لك ذريتك ويحميهم ويسعدك ويفرج همك

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

مااقدر اترك اطفال بالبيت لوحدهم
لازم اخذهم معي
والمشكله ان ولدي يبيهم لو انهم يضربونه
وولدي عمر 5 سنوات
واللي يضربونه اعمارهم مابين 6 و7 سنوات

والله ما عندي خبره

بس انصحك لا توبخينه لا تقوليله لا تصيرخواف بعدين راح يحس انه فعلا خواف ومسكين وبتضعف شخصيته
فيه موضوع حلو بالمنتدى للاخت هاله المدني احذر الأيحاء السلبي لأنه يهدم الشخصيه

حاولي تحسسينه انه يقدر ياخذ حقه او مثل ما قالت الا خت روح الغالي
بس لا توبخينه لان التوبيخ يمكن يضره مايفيد

__________________

من خلال تجربتي

اترك ولدك يتعلم من نفسه
اذا حس انك تلاحظينه

بينتظرك في كل مره تدافعين عنه

اتركيه وراقبيه من بعيد

ولا تحسسينه انك داريه عنه

وهو مع الوقت راح يدافع عن نفسه

طبعا هذا اذا كانو بعمره

ولو كانو اكبر لا طبعا
اسحبي ولدك من المعركه بهدوء لا يتضرر

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

الله يعينك


دائما تمر علينا هالمواقف


ان كان اكبر انا مااسكت اهاوش المعتدي


اما ان كان بسنه احاول اتغاضى

لان المعركه متساويه

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

فعلا موقف لا يحسد عليه

اذا عنده اخوه ادع اخوته يقتصون من الجاني

اذا لم يكن معه اخوته

يخبر المدرسه او ام الطفل


ابني الكبير ،،،، مره رحت للمدرسه و اخبروني ان المدرسه طالبتني

و انا حاطه ايدي على قلبي لا اثير مسوي له شغله

بس جاني الخبر ،،، كسر ايد بنت و اخذوها للمستشفى
لكن المفاجاه انها هيه كانت المعتديه و هو اخذ حقه منها

و المديره تهدي فيه انه اثير ما اله ذنب

بس ما وصل لهلدرجه من اخذ الحق الا بعد المحاوله و التجربه كما قالت اختي ام خالد

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

مممم,, بعدني ما تزوجت و لا صار عندي أطفال يتهاوشوووون... الله يرزقني ادعولي..

المهم مالج بالطويله..

مره أخوي كان رايح يصلي المسجد..

و تعاونوا عليه بعض (أصحابه) .. بالشتم و السلوكيات المشينه..

طبعا أمي انصدمت .. أولا هذيلي زملاء و أصدقاء الطفوله..

و ثانيا راجعين من المسجد أخلاقهم المفروض تكون طيبه..

طبعا الوالده عصبت و بدت بتوبيخ أخوي .. لأنه كان يبجي..

و قالت له بالحرف: "إلبس نعالك و روح بيتهم .. خبرهم أبي أمكم.. و لما تظهرلك .. قولها ولدج فلان ضربني و أنا راجع من بيت الله"...

طبعا إخوي الله يهديه جبان.. فما راح..

و عاااادي ولا كأنهم صارت بينهم مشكله.. تصافوا ..

يعني خلاصه: مممم...

قارني معاي.. طيب؟

ولدج عمره 5 و اللي ضربه عمره 7 .. فرق سنتين .. و تحسين بقهر كيف الأكبر يضرب الأصغر!!

تخيلي انت سائج اللي صار و قمت ضربتي اللي ضرب ولدج ..

الولد عمره 7 و إنتي عمرج (...) و الفرق (...) ,,, أم الولد شو بتحس؟؟؟؟ و شو بتقول عن تصرفج انتي العاقله يا أم العيال تضربين واحد بسن ولدج..

يعني الخلاصه .. هم اللي يتضاربون خل يتصافون بينهم و بين بعض.. و نحن ما علينا غير النصح الطيب,, مهما كان هم أصدقاء و نحن لازم ننمي صداقاتهم و نقومها مب نهدمها..

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

بر الامان
انت ولا انتي ماادري انت ذكر ولا انثى
المهم هذا كلامك لانك ماجربتي ولدك ينضرب
وقتها بتحسين بالقهر اللي انا احس فيه
خصوصا ان ولدي جته فترة منطوي على نفسه ومايلعب مع الاطفال واذا قلت له ليه ماتلعب معهم قال يضربوني
هم اكبر مني انا ساعتها انقهر لانهم كلهم يتامرون عليه ويطردونه
مع انهم كلهم يقربون له وانا اهاوشهم مااسكت بس مافيه فايدة
واذا جبت عيال راح تحس بالقهر وماتبي ابنك يكون ضعيف وذليل
وراح تتذكر كلامي اذا جربت
------------------------------------------------

والله انا رايي

انك تكلميين أم العيال اللي يضربون ولدك

وتخلينها تفهم عيالها

وماينفع تهاوشين العيال وتضربينهم قدام ولدك لأنه بكذا يتعود انك تاخذين حقه .............

__________________