انا دخلت هنيه عشان مااكون مقصره باي مكان بهالمنتدى الغالي


وخواتي هنيه عزيزات ع قلبي مع اني ماعرفكم بس المحبه من الله


المهم ..............


السلام عليكم ورحمة الله

هذي أول مشاركة مستقلة لأختكم al3ion

واتمنى أنها تعجبكم

وهي ليست للمتزوجات ولا المقبلات على الزواج
ولكن هي للآنسات

وافضل من اللف والدوران على طول ببدأ في الموضوع

آنساتي وبنوتاتنا الحلوات
اللي خاطرها تعرس
وتعرس من فارس أحلامها
اللي دوم تحلم فيه وتتمناه شريك لحياتها

عــــليــــهــــــا

القيام بالخطوات التالية
أولا:
الدعاء
الدعاء
الدعاء
لكن مب أي دعاء
الدعاء اللي يكون من قلب صادق في حسن النية

يعني شنو من قلب صادق في حسن النية؟
يعني مب وحدة تقوم تدعي انها تبي تتزوج عشان تكشخ بفستان عرس ولا عشان شهر عسل ولا عشان شي ثاني.
لا ...لا.......لا مب هذا الدعاء المطلوب والصحيح للي تبي تتزوج

لكن
الدعاء الصحيح انها تقول
((( يااااااااارب ارزقني الزوج الصالح عشان اعف نفسي عن الحرام وعشان اغض نظري عن الرجال وعشان اساعد زوجي في اعفاف نفسه بعد
ويااااارب ياقادر على كل شي ارزقني الزوج الصالح عشان اجيب عيال صالحين واربيهم تربية اسلامية واخليهم دعاة وأئمة وحفظة قرآن .
وياااااارب يارازق ويا واهب النعم من لي غير ادعوه ومن لي سواك ارجوه
يااارب انا فقيرة لجودك وكرمك
ياااارب انا ابي احفظ نفسي
وياااارب ارزقني زوج يخافك ويتقيك ويعرف حقوقك يا الله
وارزقني الزوج اللي مايظلمني
واللي بيعني على طاعتك وعبادتك ...واكملي انتي من عندج وقولي اللي في خاطرج))))
لكن انتبهي
لا يكون شي من المواصفات اللي تبينها في زوجج حرام
ولازم نيتج اولا واخيرا رضا الله عنج.......


الدعاء بعد حاولي يكون في أوقات اجابة الدعاء
يعني دايما بعد ما تسمعين الاذان ادعي
وحاولي تقومين الليل بشكل يومي وادعي بعد ركعة الوتر او فيها
وادعي لما ينزل المطر
وادعي لما تسمعين صوت الديك
وادعي بعد ما تصلين فرضج
وادعي وادعي وادعي
وايد ولا تملين
والحي كثيرا
فالله يحب الملحين في الدعاء

ادعي وانتي موقنة بأن الله هو القائل في كتابه (( ادعوني أستجب لكم ))
أدعي وانتي متوكلة على الله وانتي متيقنة بأن الرسول عليه الصلاة والسلام قال (( لا يرد القضاء إلا الدعاء))

>>>>>>>>>>>>>يتبع

مع حبي اختكم

العيون

الخطوه الثانيه



هي
العمل الصالح

طيب شنو يعني؟؟

يعني حاولي تحافظين على عمل من الاعمال الصالحة
وحاولي تخفينه عن الناس
وخليه لرب العالمين بس

مثال لأعمال صالحة بسيطة جداجدا

ذكر الله ( المحافظة على أذكار الصباح والمساء))
صدقة في الخفاء (( كل ما تروحين مكان وفيه كشك للتبرعات الخيرية ساهمي فيه ولو ب 5 ريالات كل مرة))
إبتسامة في وجه مسلمة
يقول الرسول عليه الصلاة والسلام (( الابتسامة في وجه اخيك صدقة))
الدعاء للغير في ظهر الغيب
زيارة محارمك (( عماتك أعمامك خالاتك خوالك))
زيارة لمرأة كبيرة في السن من عائلتج ( حتى لو هي بالمستشفى)
صيام يومي الاثنين والخميس ولا صيام الايام البيض من كل شهر
المحافظة على السنن الرواتب
المحافظة على ركعتي صلاة الضحى
وغيرها الكثيييير.

بناااااااات
سووا عمل صالح لوجه الله
وبعدها اسألوا الله مقتربين له بهذا العمل بأن يرزقكم الزوج الصالح.


يتبع

الخطوة الثالثة:

هذي عاد خطوة بسييييييييطة
وابسط من الاولى والثانية بواااااايد

واسمها

((( الإستغفار))))

تدرين شلون.؟؟

كرري دايما
(( استغفر الله واتوب إليه))

طيب ليش؟؟

لأن الله تعالى يقول في كتابه
َيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَاراً وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ [هود : 52]
لان الاستغفار يجيب الخير وكل الخير كأنه مثل المطر المدرارا

وانتي رايحة دوامج..
وانتي تنتظرين في موعد
وانتي وانتي راجعة من دوامج
وانتي زهقانة ومتمللة ولا تعرفين شتسوين..
وقبل ما تنامين
وانتي تتصفحين النت

طول هالاوقات ((((( استغفري الله ))))



اتمنى ان الخطوة الثالثة كانت واضحة

وتبقى لنا الخطوة الرابعة الاخيرة
واللي هي اهم خطوة

يتبع

أما الآن فنصل للخطوة قبل الأخيرة::

وهي


ترك شيء لله

يعني بنات ابتعدوا عن المعاصي صغيرة كانت أو كبيرة
وانتوا ان شاء الله بعيدين عن الكبيرة منها

لذا خلوني اعدد شي من اللي وايد بنات يشوفونه صغير
لكن يمكن يكون كبير...

ياحبيبتي يا من تريدين ان يستجاب لدعاءكِ

ابتعدي عن نمص حواجبك وحفهم
ابتعدي عن سماع الاغاني الهابطة
ابتعدي عن متابعة المسلسلات والافلام الماجنة الفاضحة
ابتعدي عن الضحك والتغنج في الاسواق والاماكن العامة
ابتعدي عن الشات مع الشباب
ابتعدي عن التبرج والميكب اب بدون تغطية وجهك تغطية محتشتمة
ابتعدي عن العباءة المخصرة
ابتعدي عن البنطال تحت عباءة مفتوحة
ابتعدي عن الغيبة في الناس والكلام من وراء ظهروهم بما لا يرضيهم
ابتعدي عن كثير وكثير من الصغائر التي قد تعودنا عليها.

لان ما ينفع تدعون وانتم تعصون من ناحية ثانية
الدعاء لا يستجاب لعاصٍ


عشان كذا يا حلوات لازم تنتبهون لهذي الناحية

وفي شي مهم بقوله
وهو
ان ترج للمعصية مايكون بهدف انج تتزوجين
وعشان الله يستجيب دعائج
وبعد ما متتزوجين
تعودين لتلك المعصية

لانج بعد هذا تحكمين على نفسج بالهلاك في الدنيا قبل الاخرة.
فلا خير في حياة معاها معاصي

يتبع

واخيرا اقدر اقولكم


عن شرط نجاحج في كل الخطوات السابقة

الشرط هو


الصـــــــبــــــــــــــر

لازم تصبيرن وانتي تدعين الله
ولازم تصبرين على العمل الصالح
ولازم تصبرين على ترك المعصية
ولازم تصبرين في انتظار فارس الاحلام

ولازم تكونين متوكلة على الله
ومؤمنة وراضية بقضاءه وقدره
حتى لو تأخر وصل فارس الاحلام
لان في النهاية اذا التزمتي يالصبر والثقة بالله والتوكل عليه
صدقيني ان يجيج اللي تتمنيه وتحلمين به



وفي الختام ابلغكم سلامي
وادعوا الله لكم بان يحقق لك كل احلامكم


محبتكم في الله

العيون




اسفــــــــــه على الاطاله......بس حبيت افيدكم يااخواتي فالله

وبالتوفيق جميعا


منقول لللامانه

الله يجزاك خير على التذكير والنصح

ويجزي جميع المسلمين خير ان شاء الله

شكرا عالمرور الطيب

جزاك الله غيرا أختي الفاضله ..

كلام سليم .. بارك الله فيك و وفق بك

جزاكى الله خيرا
ووفقك للخير دائما

__________________
اللهم إني أسألك من الخير كله، عاجله وآجله،وأعوذ بك من الشر كله، عاجله وآجله، ، اللهم ما قضيت لي من قضاء فاجعل عاقبته لي رشدا

الله يبارك فيكم حبيباتي وتسلمون

وبالتوفيق للجميع ان شاء الله