السلام عليكم
اختي المتزوجه لو اقول لو دعيتي الى مناسبه كبيره زواج او حفله وجلس بجانبك بنت اخرى

لا تعرفينها كانت من ضمن المدعوات

المهم بجانبك الاخر صديقه او زميله اشارت الى البنت التى بجانبك وقالت لك في همس


(((((((((((((( ترى هذي اللي كان زوجك بيتزوجها لكن ما حصل نصيب))))))))))))))))))))))




رده فعلك هل تسولفين معاها التى كانت بتاخذ زوجك او تجلسين تفكرين بها ام لا تعرين لها اي اهتمام


ام ماذا


نامل الردود


تحياتي

اخوكم برد ودفى

ياربي صار لي نفس الموقف (بالعكس) بس انا كنت

البنت الي خطبني من قبل زوجها

والبنت الي تزوجها زوجها (صديقتي)

كنا سوا بالجامعه

وقطعتني فجأه واحنا كنا لسا بنفس الجامعه

مدري ليه (ضنيت انها درت وكرهتني)

تمر ..تشوفني ..تسوي نفسها ماشافتني ولاتسلم ولاتضحك!!

وانا ابتسم وهي ولا كانها تعرفني!!!!!!!!!!!!

وانا موقفي موحلو الصراحه

مو حلو تصرفها ..بس بنفس الوقت مالمتها يمكن انها جداً غيوره!

وعليكم السلام . . قد صارت معايا ومو بس وحده لا 3 نساء قبلي وماصار نصيب . . ردة فعلي انو عادي بالمره نسلم ونسولف وخصوصاً ان وحده منهن بنت عمي عادي جداً . . قسمه ونصيب . . تشكراتي

بالعكس اكون عااااااااااادي

اذا هي بدأت الكلام معايه او احد اشركنا في كلام مشترك ماعندي مانع اني اتكلم معاها

بس ماأتعمق بالعلاقه يعني ماتتحول الى صحبه....

مشكوووووره

ام حمودي

__________________

بالنسبه الي

عادي جدا ساتحدث اليها و اتعرف عليها لأعرف ما هي نوعيه النساء التي تعجب زوجي لأنه اكيد تقدم لها لأمر ما اعجبه فيها خاصه ان المصادفه حدثت في مناسبه كبيره
و لكني لن اطور العلاقه معها بحيث يحصل فيما بعد احتكاك بها مع زوجي

__________________

أحاول أعرف عنها كل شيء
و لا أتكلم معها أبدا
إلا في حال هي تكلمت معي أكيد ما بصدها بتعرف عليها ليش لأ ؟

ماأدري شو بيصير موقفي

بس اتوقع عادي

__________________
... لم تخلق المرأة من رأس الرجل لتتكبر عليه ... !! ولا من رجله ليحتقرها ..!!
وإنما خلقت من ضلعه لتكون تحت جناحيه فيحميها ..!!

بالنسبة لي لو ..لو ...ولو حصل الموقف فأكيد بكون عادية جدا ومابكلمها الا اذا هي بادرت

بالكلام معــاي ولن تأتي المبادرة مني مب لشي ..لكن لاني مب اجتماعية..

اختكم...لمنــي بشــوق

__________________

اتوقع عادي لانه ما صار نصيب لانه برضوا انا سبق وانخطبت وما صار نصيب ونصيبي مع زوجي وهو بعد نصيبه معي مو مع اي وحده غيري

وبعدين وش ذنب البنت انه خطبها؟؟؟ احس الموضوع عادي خصوصا في مجتمعنا الخطبه تجي بشكل تقليدي يعني الاهل يشوفون ويخطبون


هذي وجهه نظري


طيب انت تخيلي زوجك يجي يقول شفت اليوم فلان مره حبوب وفلان هذا كان خاطبك بتقولين له؟؟

والزواج اولا واخيرا قسمه ونصيب



تحياتي
دلوعه زوجي

وانه بعد مثلها

__________________