مرحباااااااااا للجميع..
حبيت اسئل كل وحده تعيش مع اهل زوجها بالبيت.. كيف روتينها اليومي معاهم مثل متى تنزل لهم وهل يكون يوميا ..؟ وهل بينكم رسميات ووو الخ
والى كل واحد يعيش مع اهله اسئله نفس السؤال....؟

آآآآآآآة ياقلبي

لي معهم ثمان سنوات

اي شيء تبينه عن الحموله وشو التصرف الى ينفع معهم

تحصلينه عندي خبره

قولي لي اوصاف حمولتك واسلوبهم ومن يعيش معك بالضبط وعطيك الوصية

__________________
سبحان الله وبحمده

هههههههههه شفيك ياقلبي تتنهدين عسى ماشر..؟ بس ماجاوبتيني عن روتينك اليومي معاهم..؟

وش فيني سلامتك مبسوطه

الروتين قلبي يختلف من حموله الى حموله

على حسب من موجود معك بالبيت

__________________
سبحان الله وبحمده

شكلك ماتبين تجاوبين
على راحتك ياقلبي

بجاوب من عيوني

انا ساكنة مع ام زوجي واختة

وحاليا معنا زوجة اخوه موقت يعني

اخت زوجي وزوجة اخوه يدرسون

بعد مايطلع زوجي الدوام ارجع انام

الحد الساعه 11 ونص صباحا تقريبا لان زوجي مايرجع من الدوام الا ثلاث الا ربع

انزل اصلح الغداء

وافطر

طبعا من البدايه وجبة الافطار بالذات مو مرتبطه مع اهل زوجي

لاني ابي اخذ راحتى بالنوم

الغداء الغالب مع اهل زوجي

وبعض المرات مع زوجي

بعد الغداء اروح غرفتى

واجلس فيه الحد المغرب

لان اغلب الايام تكون ام زوجي برا البيت

مانزل العصر الا اذا فيه ضيوف

او كان زوجي موجود بالبيت تحت

انزل المغرب ازين قهوة زوجي

واجلس مع ام زوجي شوي

العشاء مالي شغل فيه على اخت زوجي يكفى الغداء

لا بحالات خاصه اذا زوجي طالب شيء

او عنده طلع يبي عشاء

واذا كنت ابي عشاء

اتعشاء واجلس شوي مع ام زوجي بعدين اروح الغرفتي الحد ماياصل زوجي

=============

هذا قصدك بالروتين اليومي ؟؟؟؟؟

__________________
سبحان الله وبحمده

أنا كنت اعيش معهم ولكن سوف اجيب كيف كان روتيني من اول ما اصحى لحد ما انام وانا شغااااااااله طبعا البيت دائما فيه ناس يعني ضيوف وانا الوافقه لرايح والجاي كنت اخذ اكلي على غرفتي نظرا لمتلاء البيت بالضوف ولا استطيع انه اكشف عن وجهي اطلع على غرفتي ويبلش الكلام من وراي ما ادري ليش
لحد ما صرت انزل فقط اجلي او اطبخ او اكنس واطلع غرفتي كان زوجي يحب السهر اسهر معاه لين الفجر نصلي ونام واحيانا ننام قبل الصلاه (شي يقهر) بعدين بصراحه ابي اتنفس اكشف عن وجهي ما قدرت مثل ما قلت اروح على غرفتي ابقى فيها طول الوقت لحد ما يجي زوجي احضر له شي يوكله وبعدين على غرفتي يعني بختصار ما احب اجلس بالفوضى والمطبخ صغير جدا وزوجي حرج علي اذا كان في احد من اخوانه ان ادخل المطبخ وما احب اجلس مع الناس لانه طول الجلسه ساكته لانه اغلب كلامهم مو زينه
والحمممممممممممممممممد لله الحممممممممممد لله الحمد لله اني طلعت من عندهم على خير
قبل الانفجار وزوجي هو الي كان حابب نبقى مع امه لكن بعد ما نقلنا على بيت ايجار قام يتأسف لانه ادرك
كيف كانت معاناتي لكن ادعو لنا ترى الوضع المادي سئ خايف ارجع بس الله لا يعيدها من ايام
تحياتي لك وياريت لو نوشف رأي الرجاجيل

__________________
سبحانك اني كنت من الظالمين

انا سأعاني هالمعاناه والله خوفتوني لسى ابعرس في الصيف ان شاءالله كنت مقتنعه شوي الله يستر

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

الاخت ريفان والاخت فتحي الباب ممكن سؤال؟؟

__________________
سبحان الله وبحمده..سبحان الله العظيم..

تفضلي اخت سحابه انا في انتظارك

__________________
سبحانك اني كنت من الظالمين