أغضبني فأرسلت له رساله في الصميم!!
أحبائي أحترت كثيرا فيما سأكتبه
بالمختصر حدثت بيني وبين زوجي مشكله سخيفه جدا
ماحدث
أهل زوجي عندي لهم 3 أسابيع في البيت يعني (ضيوف شرف ) حفظهم الله
زوجي من النوع الذي ينام مبكر جدا يعني 9 او 10 ويبيني أنام بدري زيه
أنا ما أقدر أنام بدري بس عشان أرضيه أجلس معاه ألين أحس أنه بسابع نومه بعدين أطلع وأكون متأكده من نوم بنتي
المهم قبل كم يوم كان معصب ومعتفس عطيته العشاء وقال لا تزعجوني تعبان بنام
المهم نومت بنتي وطلعت برا الغرفه على أساس أنه بيريح ولا يبي أحد يزعجه
وإحتراما له طلعت
كانت أخته تعبانه اللي عندي بالبيت جلست معاها واسولف أنا وياها حتى الساعه 2 بالليل
ودعتها وقلت بروح أنام
كانت بالصاله وغرفتي تطل على الصاله
فتحت الغرفه
وأفتح
إلا الباب مقفل
أنصدمـــــــــــــــــــــــــت ماتوقعت أبدا يسوي فيني هذي الحركه وخصوصا أن أهله موجودين
طبعا الموقف كان قدام أخته تخيلوا الإحراج اللي صار فيني
ماتمالكت نفسي رحت اجمع نفسي أخاف أبكي قدامها المهم سألت وش اللي صاير وش بينكم
وأنا من جد محتااااره قالت تعالي نومي عندي قلت ما أقدر رحت في مجلس الرجال برد موت جمده وطبعا كل البطانيات موزعه لأن أهله نايمين
تجمعت شرهه في قلبي عليه كبر الجبال
راجعت نفسي وش أنا مسويه وش الخطأ ليش هالحركه بالذات قمت أبكي من قلبي
المهم أذن الفجر ولا فتح الغرفه إلا الساعه 6 الصباح وأنا واصله حدي من الزعل
دخلت الغرفه وهو طالع تأخر برا أرسلت له هذي الرساله بالنص التالي:
(تيقن أن تصرفك تماما كالأطفال وأنك خسرت الكثير غير أنك أصبحت حكي في أفواه الناس لكن
حسبي الله ونعم الوكيل)
دخل الغرفه وإلا الجوال في الغرفه سألته ليش تسوي فيني كذا ؟؟؟
ماجاوب
وشلون سطى قلبك
ماجااااوب
قلت لو أني مسويه فيك الحركه هذي بالله عليك وش بتسوي
برضو ماجاوب
وجلسنا مانحاكي بعض إلى اليوم ولا ياكل وزعلان والخطأمنه
حاولت أكتب له رساله لأنه مايحب النقاش
لكن ترددت كثير في إعطائه إياها
هل ترون أن الرساله اللي أرسلت سبب في زيادة الزعل ؟؟
وهل تعتقدون لو أعطيه الرساله التي فيها عتب وتوضيح مانحن فيه من شوشره في حياتنا وقتها مناسب
أم أذهب لأهلي حتى تهدأ الأمور ويراجع كل منا نفسه
مع العلم لو تنطبق السماء على الأرض ما أعتذر
أرجوكم أرسوني على بر أريد حل مناسب لنا
نخيتكم يأخوتي
__________________
****
التعديل الأخير تم بواسطة كيان الشوق ; 26-01-2007 الساعة 01:13 PM
26-01-2007, 01:10 PM
ضوابط المشاركة
العرض الشجري