اخواني واخواتي

السلام عليكم ورحمة الله وبركاته

اولا اشكركم جميعا من كل قلبي على من شاركني مشكلتي
ومن افادني بنصائحه

http://www.66n.com/forums/showthread.php?t=116181

ثانيا باركوو لي

انهيت دراسة اول سنتين في دراسة الطيران
والان انا متدرب

واعتبر اول طيار متدرب صغير
الحمدلله الحمدلله

عقبال ما اصير كابتن
دعواتكم بس


ثالث شي
موضوعي كان عن مشكلة زوجة اخي

انحلت
والحمدلله
قامت تتحجب امامي
اصبح لي غرفة مستقلة
صحيح في نفس البيت

لكن بعيد شوي عن الغرف الرئيسية

غرفة لي
فيها تلفزيون
وكمبيوتر

وطبعا حليتها بمساعدتكم لي
ونصائحكم الغالية

بقولكم الي صار

بعد ما رجعو من السفر
انا كنت في الميلس
حيث اني نقلت اغراضي هناك قبل

بداية الايام
تقريبا قعطت الكلام وياها
تقريبا

ما ادخل البيت الا مع اخي اخر الليل
وعلى طول الميلس

حجة الدراسة

الاربعا الماضي
جت زوجة اخوي
دقت الباب

كلمتها من ورا الباب
حجة اني استحم
واتنمى اني ما اعتبر كذووب

قالت : شوفيك ؟؟ متغير ؟؟ ... ما تجلس معانا؟... ماتاكل معانا؟
بداية ترددت اقول لها السالفة
قلت لها دقايق وبطلع

رحت عندها
جلست وياها في الصالة
واشترطت
تلبس الشيلة
استغربت وانا لاحظت

لكن استجابت
يلسنا وكانت قريبة مني
كلمتها
قلت لها بصراحة
انا ما اقدر اتحمل
وانا ما اشك فيج
يمكن تحسبيني اخوج الصغير
بس انا كبرت
كانت تشوفني وعينها في عيني
بعدين صدت
وتسمع

قلت لها
انا فكرت اطلع من البيت
قالت : ليش .. انا سويت شي ؟؟
قلت : انا ما اقدر اقعد معاج في نفس البيت روحنا
بصراحة انتي تغريني (كاش في الويه )
سكتت

عطيتها شرووط عسب اقعد معاهم في بيت اخوي
وقلت لها تتقي الله فيني وفي نفسها
ترد : انا مثل اختك
ردتتها كذا مرة

اصريت انا على الحجاب
لين اقتنعت

وهي اصرت اني ما اطلع من البيت
في بيت اخوي عندهم ميلسين منفصلين عن البيت

في نفس الوقت
قامت ورتبت لي واحد من الميلسين
وخلته غرفة نوم لي
واصبحت غرفتي الجميلة مستقلة عنهم
ومن يومها ما شفت شعرة من شعرها

وما لمستني ابدا

تغيرت الاحوااااال في البيت
والحمدلله

اعذرووني على الاطالة
بس من زوود فرحتي
حبيت ابشركم

فرحااااااان

تحياتي : اخوكم الجرناس

دعواتكم اخوااااني