انا بنت زي كل البنات واكتب اليوم في المنتدى واهيا اول مره اكتب فيها لكن كتبت لأني محتاجه لجواب

لسؤالي انا نفسي اعرف هل غلط اني الحب مستحيل يتصحح ولا ممكن يتصحح في ناس جاوبوني بأنو ممكن بالزواج

وانوو الحب الحقيقي الي ينتهي بزواج لأنو يثبت انو الولد يحب مو يلعب لكن اعتقد الفكره تختلف عند اهلي

انا غلط وحبيت واعترفت بغلطي لكن لقيت انو عند اهلي في مجال يسماحوني على خطأي لكن مافي

مجال اني اصححو انا نفسي اعرف ايش سبب رفض الأهل لزواج البنت من الشخص الي تبغا يا ناس انا ما اتكلم عني بس

بتكلم على فكرة انو انا احبو وابغاه لكن حتى لو اني انا ما اتزوجتو كيف ممكن اخلص لشخص تاني وانا الي

ابغى مو معايا وترى يا عالم دي مو مشكلتي انا لحالي دي مشكلة اغلب البنات ليش المجتمع يزعل لمن

الولد ما يا خذ الي يحبها لكن يفرح لمن البنت ما تاخذ الي تحبو وانو كدا اشرفلها ترى البنت تحس والولد

يحس ولو كان في شي حرام حيكون حرام لنا كلنا وما اعتقد انو الحل اني اتزوج واحد ثاني واطلق منو بعد شهرين لاني مو قادره اعيش معاه

وترى اغلب اسباب طلاق المتزوجين دحين بسبب دي الاشياء وممكن يكون مو البنت الولد ممكن ما يكون

قادر يعطي زوجتو كل شي لانو الي في بالو وحده ثانيه يا ناس والله حرام الي بيسير يمكن ما اكون اول

وحده اتكلم في الموضوع لكن انا ابغى بس اجوبه على اسالتي الله يخليكم سا عدوني