السلام عليكم ورحمه الله وبركاته

مشكلتي مشكله وحالتي حاله مو عارفه من وين ابتدي ولا ادري اذ ينفع الحين اقولها ولا خلاص انتهى الموضوع.. هو اصلن انتهى !! بس يمكن محتاجه افض فض

انخطبت وللاسف الشديد تمت الموافقه طبعا بعد السؤال عن الشاب والكل مدحه وكانت رفيجتي دوم

تمدحه لانهم كانو من منطقه وحده ..

المهم بعد ماتمت الملكه بشهر جاء عشان يشوفني شافني وعجبته تبادلنا الارقام

خذ رقمي ولا اتصل الا ثالث يوم !! هو طول فتره الخطوبه 8 شهور نادر اتصاله عادي تمر ايام مايتصل

علاقتنا بين مد وجزر ما احس انا احنا مثل باقي المخطوبين !!

هو انسان عنيد نحيس وباااااااارد عمره ما غار علي ولا حسسني بهالشي كنت اتعمد اسوي اشياء

عشان اشوف ردت فعله ومكان يرد عادي عنده اشغل خطي الساعه 12 وحده بالليل مايهمه ...

امدح شخص اقول حلو شوف شكله ولا يهمه << كلامي هذا عشان انرفزه او اشوفه يغار وهو عادي اقولكم بررررود العالم فيه انا مسميته القطب الجنوبي


مره بعد الخطوبه وصلت معانا وطلبت الطلاق رد هداني ويقول أي شي فخاطرك بيسير ومن هالكلام

واستمريت معاه انا احبه وهو يحبني بس مو قادرين نتواصل مع بعض رغم الحب بس مو قادره استحمل

تصرفاته معاي بعدها اكتشفت خواته وايد متحكمين فيه وهم الظاهر يخبرونه لا تقولها ولا تخبرها أي

شي . ولاتكلمها فكل وقت هو قليل مايتصل او يسال عني.. وهو كلش مايسولف عن أي شي واذا سولف

اقل من القليل وعن اشياه مدري تافه شنو اكل شنو شاف بس..ماعرف اي شي عن علاقاته الخارجيه ولا يسولف عمره ماجاب طاري ربعه ويوم سالته عصب وقال مو شغلج ولا يسولف عن شغله وحتى عن اهله عمره ماسولف عنهم..

المشكله يقول يحبني وانا احبه ومرات يوصلني القمر بس تصرفاته ماتدل انه يحبني


تعبت كثير تعبت قبل الزواج بسبوع وشوي طلبت الطلاق منه اختلفنا على سبب تافه والناس تقول على سبب تافه تطلب الطلاق لا هذا دلع هذا وهذا ...

مادروا انها تراكمات كثيره بس الحين انفجرت اصريت على رايي ..كلمني مره وطرش لي مسجين يقول انه شاريني !! ويبيني
رفضت مافكر يتصل بعدها ترك الامر لهله يتصلون ويحاولون وانا ارفض ...والحين انا برفع قضيه طلاق

وهو وافق بكل سهوله احسه باعني ومايستاهل حبي له هو انسان غريب !!

بس الغريب اكثر اني تحسفت اني طلبت الطلاق مدري اللي سويته عدل او لاء..

السموحه اذا الكلام مو مترابط اكتب وقلبي متشتت وماعرفت شو اقول
..
ارجوكم ادعو لي الله يفرج همي جد محتاجه لدعائكم لي وجزاكم الله خير

اختي تعوذي من ابليس

و تواصلي انتي وياه لحل وصلح

انا اعتقد انه هو فعلا شاريك بس ما عطيتيه الفرصة الكافيه

دامك تحبينه و يحبك و متاكدة من حبك له و من حبه لك

اقترح انك تحاولين تصلحين الموضوع

__________________

استخيري حبيبتي... لأنه لو نحن جاوبناج ما راح انعرفه كثرج... فيمكن انكون صح ويمكن نعطيج حل خاطئ استخيري وما خاب من استخار ان شاء الله

__________________
ادعولي ربي يفرج همي... محتاجه لدعواتكم

اختي القلب الحزين بصراحه قصتك تشبهه كثير قصتي وانا انفصلت صارلي 6 سنوات تقريبا ولاسباب كثير منها تحكم خواته واهله فيه احسه ماله شخصيه والسبب الثاني اهله ماحاولو يراضوني لما زعلت بالعكس كبرو المسئله واهو ماكلمني ولا حاول يغير رايي بس نصيحتي لك ياختي اذا حاسه نفسك تحبينه وماتقدرين تنسينه خلي احد يتوسط بينكم ويصلح الامور والله يوفقك بحياتك ويسعدك .

نصيحه من اختك روز لو انتى فعلا واثقه من حبه ليكى اتصلى بيه فوراااا واسأليه انت عاوزنى وبتحبنى وشارينى ولا لا؟ ولو كان الجواب نعم تراجعى عن قرارك حرام تضيعيه من ايديكى مادام انكم بتحبو بعض اتصلى انتى بيه وعاتبيه وقوليله كل اللى مضايقك منه وهتشوفى هيرد عليكى ويقولك ايه صدقينى لو كان بيحبك هينسى اى حاجه وحشه بينكم وهتصفوا لبعض ودى نصيحه عن تجربه ....وطمنينا عنك

__________________
بِسْمِ اللهِ تَوَكَّلْتُ عَلى اللهِ ، لا حَوْلَ وَلا قُوَّةَ إِلَّا بِاللهِ

أختي الكريمة هل صار بينكي وبينه حوار عن بعض هذه الأمور التي ذكرتيها؟؟ أعتقد أن ماذكرتيه شيء بسيط ولكن أنتما بحاجة أن تتعلما أسلوب الحوار والمصارحة بينكما ....ونقطة اضافية ...هل خطيبك هذا حريص على الصلاة ؟؟ تذكري أنه لابد من وجود الدين والخلق !

الصراحــــهـ مافي سبب مقنع عشان تطلبين الطلااااااق.

لا حبيبتي اتسرعتي واايد..

وهالفتره الواحد ما يعرف الطرف الثانــي عدل وكيف تفكيره وكل واحد يحاول يكتشف الثـاني..يعني يبالج فترره..

حبيبتي دام هو متمسك فيج لا اتطيرينه من ايدج وهذا يدل انه هو يحبج ويبغيج..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

الحقيقة لم اجد في كلامك اي سبب مقنع

يجعلك تطلبي الطلاق

اعملي قدر جهدك لتلافي الموضوع

والعودة عن طلبك المتسرع للطلاق

هذه نصيحتي وسامحيني على صراحتي

الله معـــــــــــــــــــــــــــــــــــــــــــــك