السلام عليكم ورحمة الله ,,

كيف الحال يا أعضاء المنتدى جميع .. ؟

فالحقيقة أنا مشكلتي أعتبرها أكبر مشكلة وأتمنى إنني ألقى من يساعدني في حلها لإني بصراحه تعبت بكل ما تعنيه الكلمة ( دايم اسنعها بمسلسلات واضحك عليهم والحين عرفت ان راحة الإنسان النفسية أهم من كل شي ثاني ) ,,

ما علينا

يا جماعة الخير أنا مشكلتي بدت من حوالي سنة تقريبا كنت جالس أنا وأخوي نتجاذب أطراف الحديث فوصلنا لموضوع الزواج كذا عرضا فقال انت مين تبي بنت تتزوجها ؟
انا بصراحة ما احب اتكلم في هالموضوع ( لكن حاط وحده في بالي ) فقلت من الخجل انا ما فيه بنت بحياتي انا افكر بدراستي والوظيفة .. الخ

قال لي هو انا ابي فلانة ..!


أيوه عارف انكم فهمتوا ... هذي فلانة اللي براسي

لفلفت الموضوع من هنا وطلعت من هنا
وبعد هالنقاش الأسود بيوم أو يومين
كنت جالس بالصدفة ( سبحان الله ) غيرت مكاني ولحقت الوالده الله يحفظها وسمعتها تحط ارقام في التلفون

الو ام فلان كيف الحال ايش الأخبار .... وسواليف الحريم إلين ما نوصل إلى
بصراحة أنا ابي اقولك ان ولدي فلان حاط عينه على فلانة بنتك ويبيها
هذيك قالت اشاور ابوها وبعد كم ساعة حصلت الموافقة المبدئية على ان يتم كل شيء بعد سنة الى سنتين



من احداث السنة الماضية الى اليوم مو قادر انسى
تكفون يا ناس وش اسوي ؟

احيانا انسى هالموضوع ويروح عن بالي واحيان يضيق صدري بشكل ما تتصورونه

المشكلة

ان اي شيء قاعد اسويه اقول يا ترى وش راي فلانة بشغلي احيانا لما اكتب شعر او خواطر اتخيلها قاعد تقراها يا ترى اعجبها ولا لأ . ؟

او وش رايها لو اشتريت الشي هذا ..
وهلم حرا إلى ان نصل كل الأمور

هذا اللي متعبني

اكثر شي قاهرني انها ما تعرف عني وعن تفكيري فيها ..
بالسعودية انتم عارفين الوضع يختلف كثير عن بلدان ثانية ما يصلح تدق على الوحده تقول والله احبك
يعني الحب من طرف واحد ..

وسمعت ان كذا واحد متقدمين بعد ..

والله و ضعت بالزحمة

تكفون يا ناس يمكن الله يسخر لي واحد منكم يكون استجابة دعاي ؟
آمين يارب

سلام عليكم

اللي الله كاتبه بيصير طيب نفسك فيها ليه ماتكلمت بدري وانت عارف البنت سن زواج خلاص اعتبرها صارت لغيرك الى ان يقضي الله امرا كان مفعولا
انت الان ذابح عمرك وهي مو داريه اكيد بتختار حياها وتتزوج اللي من نصيبها وانتت الله يوفقك بمثلها واحسن

أنصحك بأن تصرف النظر تماما عن الزواج بهذه الفتاة لاسيما إذا كان أخوك قد تقدم لها وتم القبول المبدئي

أخي الحبيب ألا تعتقد أن ماتمر به من الشيطان لكي يصيبك بالحزن

ثم إنك ياأخي لاتعلم أين الخير

ربما يكون الله قد كتب لك زوجة أفضل وأجمل وأتقى منها

حقيقة ياأخي الحبيب عندما قرأت عنوان رسالتك ظننت الأمر أكبر من ذلك بكثير

كل إنسان يأخذ ماكتبه الله له فقط
ومن رضي فله الرضا ومن سخط فله السخط

إن مشاعرك تجاه الفتاة ليست حب كما تظن إنها مجرد إعجاب

فالحب لايأتي إلا بالعشرة الحسنة والمواقف الرائعة


ثم ياأخي الحبيب الديرة ملياااااااااااااااااااااااااااااااااااااااااااانه بنات بأعداد هائلة

ألم يخلق الله في العالم إلا هذه الفتاة

ياأخي الحبيب أسمحلي أقولك إنك تارك الشيطان يلعب في عقلك ويخلي حياتك هم

الأمر لايستدعي كل هذه المعاناة

أسأل الله عز وجل أن يهديك

ثم ياسيدي الفاضل لماذا لم تتزوج للآن مادمت قادرا

واضح من كلامك بأن لديك الحاجة للزواج

صدقني أنك لاتعاني إلا من مشكلة واحدة وهي الوهم فأنت حقيقة ليست لديك مشكلة

مشكورين على الكلام التشجيعي ..
لكن ما هي الوسائل المعينة على النسيان ..

لأني مثل ماقلت : والله أنها مشغلة تفكيري في كل شي ، وكل ما أسوي شي أفكر أنها قاعدة تشوفه أو جالسه تناقشني فيه أو كذا

هههههههههههههههههههههههههه

حلووه مشكلتك ... ياخخي الله ما خلق غيرها يعني ؟؟؟؟

ولا بتسوي زي قاابيل وهاابيل

ياحبيب قلبي .....

الحين الوضع ما صار زي اوول .... وحده والحي كلهم يتهاووش عليها .... اكيد في بنات النااس
اجمل واحلى وافضل بكثيررر من هذي البنوته اللي انتم متهااوشين عليها ....

سبحان الله ... الحين روح اي بنت بس بشرط .. تكون على خلق ودين ... ومتوظف عشان بنت النااس ما تتعب معك

وبأذن الله بيزوجك

ليش لان النااس تبغا الستر ... وماتبي واحد ما يفهم شوو الحياة

عيد النظر في تفكيرك .. وعيه كم مرره وفكر في طريقة تفكيرك اكثر من مررره

الحل اخطب وحده ثانيه ولا عاد تفكر في خطيبة أخوك

خل كل تفكيرك بخطيبتك ودراستك ووظيفتك


الله يوفقك

مو هنا المشكلة ..
كيف اصرف تفكيري عن هالموضوع ..
ولا لو جينا نحسبها بالعقل دون عواطف ، راح تكون له من جميع المقاييس : لأنه أول من قال لأمي
لأنه هالترم هذا ويخلص الجامعه ولقى وظيفة بعد أنا لسى بعيد عن التخرج .. الخ

المشكلة كيف انسى

خلاص طيب مو تقدملها

إن شاءالله ربي يعوضك إلي أحسن منها

وخلاص إرضى بالأمر الواقع

تنسى بأنك تبرمج مخك على انها اختك وزوجة اخوك
كل ما جت الفكرة في بالك اطردها
ابد لا تعطي مجال لافكارك انها تجيبك و توديك
وقبل كل شي الدعاء
ادعو الله ان يعفك ويكتب لك زوجة صالحة
وادعو من كل قلبك بالسعاده لها ولاخيك
راح تلاقي ان قلبك صفا وارتاح

مشكورين على الردود ..

يعلم الله اني مجتاج اخوان في هالدنيا من كثر التفكير الي صار فيني


ادعوا لي معاكم