السلام عليكم

انا متأكدة ان معضم مريتو بمشاكل الشغالة و مكاتب الخدم بس بصراحة سالفتي معقدة على الاخر كان عندي اثيوبية تمت سنتين وسافرت وبعدها رحت على مكتب كان سعره انسب شي 250 دينار بحريني كلن يا الله وطلبن وحدة جتني بعد 4 شهور وانا توني والدة طلعت مريضة بالسل وراحت وهي تصيح وانا اصيح عليها لانها مسكينة فقيرة و كانمت محتاجة للمال بس طبعا مرضها معدي فمستحيل ابقيها والمكتب حاول اني ابقيها واعالجها قلت له اعطيها المال وهي تتعالج ببلدها بس احطها في بيتي واعرض اولادي للخطر لالالالالالا طبعا المكتب خصم من مبلغن بعدها طلبت ثانية في يوم الي مفروض توصلني امها تعبت وغيرت رايها وما جت اضطريت بعد 6 اشهر من عودة المريضة اخذ وحدة مرجعة من المكتب ويا ويلييييييييييي لسانها طويل ووسخة وما تحملتها كمت رديتها وكلت اغيير واجيب هندية بدل الاثيوبية والمكتب اخرني شهرين وما في حس ولا خبر طبعا كله كذب الى ان طلعت فيزة الهندية يتصل علي المكتب ويقولون طايحة وكاسرة رجولها (الله يعلم صحيح ولا كذب) المهم الاجر يزيد ومن 250 دينار مدفوع شهرين من راتب الشغالة وصلن الة 420 دينار بدون دفع الراتب . اخيرا اختاريت هندية ثانية عندها خبرة في قطر 7 سنوات و عمرها 39 سنة وموتوني وما جابوها فهاوشتهم جابولي وحدة اثيوبية عمرها 19 سنة عمري ما شفت بنضافتها وهدوئها وكالو مؤقتة واشتكت لي عن بيتهم الاول تكول 23 نفر وما يصير اكل غير وجبة وحدة باليوم و انام 1 ليلا اكوم 5 صبح وفوق هذا كله ابنهم يتحارش جنسيا في وانا اخاف منه وامه مرة جابت سكينة وحطتها على رقبتي يعني البنية مدمرة فكلت ليش ما اخذها اني المكتب رفض واصر يرجعها بيتهم الاول وانا احاول اكول لهم يتحارش فيها يكولون احن ما لن خص حرام ما حرام ولا حياة لمن تنادي رجعوها المسكينة وهي تصيحححححححححححححححححححححح لحد ما انا وزوجي صحن معاها انا اعطيتها رقم الشرطة كلت لها اذا احد لمسك اتصلي عليهم وهم يشوفون شغلهم فيهم

المهم انا الغيت الهندية بس المكتب رفض وكال راح تتأثر مصالحن مع مكتب الهند وانا اكول صارلي 2 شهور وانا انتضر ما فاد معاهم

مشكلتي العويصة ان الخدامة وصلت وطلع عمرها 48 سنة ما فيها تتحرك وتكلف زوجي هل مبلغ يعني صعبة نرجعا وكالو لو ترجعوها تدفعون فلوس اكثر

يا ريت الي عنده خبر بهل امور يساعدني ما اعرف وين اشتكي عل مكتب الي كذب ونصب علي واتمنى تكون عن تجريبة والبنت الي يتحارشون فيها شلون اساعدها لان اكوم واكعد وانا افكر فيها المسكينة

والله ارفعي خطابك على رئيس مكاتب الاستقدام ...وصدقيني يفيدوكي ...اكتبي خطاب الى رئيس الاستقدام

وقولي

السادة / مكتب الاستقدام المحترم

السلام عليكم ورحمة الله وبركاته وبعد :

اتقدم بطلبي هذا راجيا من الله ثم منكم تسهيل اموري في استقدام شغالة لمنزلي الخاص، حيث أني قد قمت بطلب عدة شغالات الى منزلي، وقد تم حضور بعضهن الى المنزل ، لكن للاسف الشديد قد استقدم لي شغالة مريضة بمرض السل ، وقد اكتشفت هذا المرض، ثم راجعت مكتب الاستقدام فما كان منهم الا ان قيل لي بان أعالج تلك المريضة، وقد انتظرت كثيرا في التجاوب مع مكتب الاستقدام لكن وللاسف الشديد ، ياتون بخادمات ................................ ( وتكملي حادثتك )



او تصبري على نفسك

ومايحتاج شغالة


الولهان

اخي الكريم شنو مكتب الاستقدام وين الاقي بيا وزارة

وينكمممممممممم والله حيل رايدة جواب

انتي في البحرين؟

__________________
اللهم اشفي زوجي و احفظه لي

اي نعم بالبحرين

وينك اختي ام انفال