السلام عليكم ورحمة الله

اخوتي الاعزاء في هذا المنتدى الرائع 00000


سأكتب قضيتي وانا على ثقه تامه ان مشكلتي في هذا الوقت اصبحت موجوده بنسبة 88\100 في اغلب البيوت

انا متزوجه لي 8 سنوات ولدي ثلاث اطفال بنت وولدين 00000000بدات مشكلتي من السنه الرابعه منزواجي حين اكتشفت ان زوجي له علاقه مع وحده في الجوال وطبعا اكتشفتها عن طريق الرسايل واتصلت على الرقم وعرفت انها حرمه وهزاتها المهم اكتشفت من تاريخ الفواتير ان المكالمات بدت من حوالي 3 شهور كنت حامل في الثاني وفي فترة الحمل تخرب علاقتي مع زوجي لاني اتحوم فيه يعني تصير اخلاقي سياحيه معه(((( المهم صارت القضيه هذه انفجار في علاقتتي مع زوجي وبعدين هدت الامور وتحسنت

بعد سنه لقيت ارقام في جوال زوجي ابو فلانه واسماء مختلفه بنفس الطريقه شكيت في الامر ودقيت من كابينه واكتشفت انها ارقام حريم 00كلمتهم وهزاتهم وخاصه صاحبة الرقم المتكرر بالرسايل وكان اسمها ابو مها000000

زعلت ورحت لاهلي وخاصه زياده على ذلك اكتشفت انه يشرب كل اسبوع في سهرة الشباب

المهم جلست عند اهلي شهرين ورجعت وتغير من جميع النواحي الى الافضل واهم شي ترك الخمر

بعد 3 شهور رجع يشرب 0000000

الحين السنه الثامنه اكتشفت انه له جوال ثاني مطلع الشريحه من شهرين 000 ولقيت الجوال مخبى في السياره

قدرت افتحه ولقيت رقم مها الي كان يكلمها واتصالات ورسايل غراميه منها وللاسف ارقام قديمه لبنات مازال محتفظ فيها

جتني حالة انهيار من هالشخص الي انا متزوجه -----واستخدمت المهدئات كم يوم 0

تناقشت معه الى متى تخوني وانا انسانه حافظتك وحافظه بيتك يوم انك تحب المغازل وقلة الحيا كان خذت من الي كنت تعرفهم قبل مارحت تاخذ وحده ملتزمه 00000

المهم قال لي انا احبك واحب الارض الي تمشين عليها وحلف بامه وعياله قال جعلهم تحت تريلا ان كنت قابلت احد بعد الزواج اوعاشرت احد غيرك 000وكل علاقتي مع هالحرمه سواليف عاديه0

المهم انا كلامه ريحني نوعا ما لاني خفت انه يزني شرطت عليه شرط انه يغير جواله وقال ابشري 00 طبعا ماغيره

اكمل لكم انا وش سويت بمها الشاطره كانت تغازل من جوالها عرفت من الاتصلات اسم صاحب الجوال ورقم جوال ثاني بنفس الاسم وعرفت رقم البيت

طبعا دقيت على جوال زوجها مارد وجوالها ماردت 00000 دقيت على بيتها اكتشفت ان عندها 3عيال عرفت اسمائهم وقلت عطوني امكم

وشكلها كانت خايفه وتنتظر انتقامي حاولو عيالها يصرفوني بس اصريت وكلمتها طبعا ترجتني ان استر عليها وما يوصل الخبر زوجها 0000000
قلت لها ممكن ما اعلمه الا اذا عرفت وش قصتك مع زوجي --- قالت اني تعرفت عليه من قبل مااتزوج من خلال العبث بالتلفون وكل علاقتنا اني احب الشعر واشاوره في كتباتي بس عمري ماشفته

وانا الي اكلمه موهو الي يكلمني وقالت انها تدعي في الثلث الاخير من الليل ان الله يصرفها عن هالعلاقه

المهم عطيت من الكلام الي يسم البدن وقلت لها انك موكفو تربين البنت الي عنك ياحقيره
انتهت المكالمه 0

بلغت زوجي اني انتقمت من المره وقال اهم شي انك ترتاحين


الحين السلفه الي صارت من حوالي 3 اسابيع

نسيت اعلمكم صفات زوجي (((( عاطفي يقدس العمل ومبدع في عمله ناجح اجتماعيا بار بوالديه محب لاولاده متعاون معي في البيت وخاصه انا موظفه)))))))))


اطلب مشورتكم هل حياتي مع زوجي بتستمر كذا هل زوجي يستجيب لأي صوت نسائي

مالحل معه 000000000انا تعبت معه واكره اذا تذكرت انه راعي بنات قبل الزواج وبعده وعلما ان اثارماضيه مارماها مازالت موجوده الى ان تهاوشت معه وقطعت الرسايل والصور

اهاهاهاهاهاها

اه اها اه

عنكم حل مع الحقير الي عندي 0

اختي الحجي ذي ما ينقال !!!

__________________
اللهم اشفي زوجي و احفظه لي

قال صلى الله عليه وسلم ( اذا أتاكم من ترضون دينه وخلقه فزوجوه الا تفعلوه تمن فتنة في الأرض

وفساااااااااااااااااااااااد كبير )

الخيانه امر فضيع
والخيانة من احد الزوجين افضع

ادعي له بالهدايه والصحبة الصالحه وحاولي ان يكون قريبا من الله

حرصيه على قيام الليل وقراة القران وصلاة الفجر مع الجماعه اهديه اشرطة اسلاميه تذكره بالاخره

ان تعيش وحيدا خير لك من ان تعيش مع من لا يؤمن

والسلام

السلام عليكم ..

أول شي يا اختي الكريمة اذكري الله وتعوذي من الشيطان،،

ثانيا يا حبيبتي كلمة (الحقير اللي عندي) هذه عيب وغلط تقولينها في حق زوجك .. هذا أبو عيالك..

الوحدة تقول الله يهديه ويصلحة ويسخره لي ولعيالي وقبلها لمرضاة رب العالمين ..

ثالثا.. الحين صاحبة العلاقة المحرمة ولو عن طريق التلفون تقوم ثلث الليل الأخير تدعي ربها انه يصرفها عن الفعل المحرم وخافت ربها وما فكرت انت انك تقومين ثلث الليل الأخر تدعين رب العاليمن انه يهديه للطريق الحق!!! عجيب امرك يا اختي ..

امر اخر الحين كلمتيها وهزأتيها .. باقي تحاولي تعدلي زوجك وتعدليه حتى حياتكم تستمر مع بعض وربي يوفقكم فيها ..واكثري الاستغفار وشوفي بايش قصرتي مع ربك وحاولي تجتهدي اكثر وتجربي قيام الليل ولو كم ركعة تدعين ربك فيهم ..

وهذا اللي عندي ..

أم _ حمزة

×.. السلام عليكم ..×

×.. أعطيه فرصة أخيره لأنو كل إنسان بيستحق فرصه تانيه خصوصاً إنو في بينكم أطفال و حرام يضيعوا بس لو أبوهم ضل على هالحال أكيد هو رح يكون السبب في ضياع أطفالو ..×

×.. أنا من رأيي تعطي فرصه أخيره لو أثبت لك إنو بيستحق الثقه توكلي على الله و ابقي معاه أما لو أثبت لك العكس فـ كان الله غفوراً رحيماً و الله يهديه إن شاء الله ..×

Salam

حورية لبنان

يا اختي اخطائه الي قبل الزواج لاتاخذيها في بالك

افتحي معاه صفحه جديده ولا تقولين هالكلام عليه ... مهما كان هاذا زوجك ومايصير هالكلام

ادعي انه ربك يهديه ويصلح حاله


الله يسعدكم يارب


هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

الله يجزاك خير يام حمزه كلامك على العين والراس بس لاتلموني انا انسانه من طلعت على الدنيا وانا اجاهد نفسي في المحرمات ماعشت مراهقتي مثل البنات بالعكس ولله الحمد كنت اوجه اخواتي الي اكبر مني وانتقدهم 00

بس الي انا ماني قادره اتحمل اني اخذ واحد مدمن خمر وبنات صحيح الحمدلله ماوصل للزنا بس ولو انك تعيشين دائما في حالة شك امر متعب نفسي وينغص عليك حياتك0

لا تيأسين ان شاء الله ربي يهديه ويصرف قلبه عن الحرام لازم تخلينه يحافظ على الصلاه سمعيه اشرطه كثير حاولي معاه انه يترك صحبه السوء والله يااختي الخمر مصيبه حاولى معاه الله يتوب عليه

__________________

فعلا يختي يمكن الناس متحس فيك بس انا حاسه فيك
لان حياة الشك مررررررهقه مرررره والله انه لو يسوي كل شي قدامي ارحم لانه حزتها بكون كرهته ومعاد يهمني
بس المرهق والمتعب نفسيا اني اكتشف كل فتره شي ويرجع يعتذر ونرجع نكتشف ولاكان صار شي وتبدا الامراض النفسيه والعضويه من كثر مانحاول نعدل وننشبع واخرتها عالفاضي ونموت من الحسره من كثر منقول ليش ليش ليش ونتم نقول ليش ضيعنا حياتنا مع ناس متقدر العشره والمحبه وشكل اخرتها سكته قلبيه وموت استشهاااااااد
اااااه فتحتيلي جروح وخليتيني افضفض
الله يهدي لك زوجك وزوجي ااااامين يااارب