يا اخواني واخواتي

انا اكتب لكم وقلبي يتقطع زوجي حبيبي كل دنيتي يكلم وحده

من اول كنت شاكه فيه بس احسن الظن فيه واقول يمكن يتهيأ لي او انا موسوسه

لكن تاكدت من الموضوع من ايام الملكه تبادلنا انا وياه بالجوالات ولقيت فيه رقم باسم وحده وفيه رسايل حب وغرام بس مااعطيت الموضوع بال قلت من قبل الملكه يعني ما يصلح احاسبه على الماضي لكني حفظت الرقم في بالي ومالحظت اي تصرف على زوجي من ناحية المكالمات او علاقته فيني تغير كل شي حلو وهو انسان طيب وحبوب ويحبني لكن مره قال لي ارمي الفاتورة حقتي بس قطعي الاوراق قبل لا ترمينها ويوم شفت اغلب المكالمات لها الرقم والمدة طويله واشوف التاريخ بعد زواجنا بس ما ناقشته ولا شي قلت يمكن رقم احد اصحاابه بس القهر والشك ذبحني كرهني فيه قلت لازم اتاكد ما ابي اظلمه واخرب بيتي يوم دقيت على الرقم ردت وحده انا ما تحملت وسكرت
كل يوم ابي انسى ما قدرت نفسيتي صارت زفت وحياتي جحيم ماكنت اتوقعها منه لانه دايم يتكلم على اللي يكلمون وهم متزوجين ويسبهم المهم قبل يومين لقيته داق على هالرقم وبصراحه هنا ما تحملت رحت واجهته لكنه انكر في البدايه يوم قلته كل اللي اعرفه ووريته الرقم اعترف وقال لي غلطة وماراح اكررها اناصراحة بكيت لين انفجر راسي وسالته انا مقصرة معه بشي او مو مرتاح معي يقول لي قال لي بالعكس انا احبك بس هذي كنت اعرفها قبل الزواج ومن زمان ما اكلمها وهو يكذب علي توه مكلمها يوم وريته جواله وقلت له توك داق عليها اعترف وتاسف يقول ما احبها بس اكلمها كذا انا اقول له لو كنت ناوي تتوب كان ماخليت الرقم في جوالك ولا خزنته باسم رجال كان مسحته بس هو ندم وقال لي والله ماعاد اكلمها ولا اكلم غيرها قلت له باروح لاهلي اغير جو الين تهدا الامور رفض وقال لي ما اقدر استغني عنك وانا احس انه صدق ندمان بس ماني قادره انسى والله ما اقدر انسى كل ما تخيلت انه يكلمها اموت قهر واجلس ابكي والله اني ادعي له ان الله يسخره لي ولا يملا عينه غيري بس مشكله ليش الازواج اغلبهم يخونون ابي اعرف السبب
ابي نصيحتكم وش اسوي الله يخليك اعدي السالفه وكأن ماصار شي والا لازوم اعاقبة والله اني احبه ومو هاين علي والله لي كم يوم ماذقت طعم النوم ولا الراحه والا الاكل نفسيتي مرة زفت

آآآسفه على الاطاله بس والله من اللي فيني مافيه احد افضفض له الا انتوا