انا اليومين دول اعصابى بايظه خالص ومش عارفه اتلم على روحى ونفسى اروح اعد فى مكان مكلمش حد خالص
حاسه بلود جامد اوى اوى عليا ومش قادرة استحمل اى حاجه وبتعصب بسرعه اوى اوى ومش بعرف اتعامل مع اى حاجه بحكمه وروح كويسه ولا باكل ومش طايقه حد خالص وبعيط من غير سبب
مش حاسه باى حاجه حلوة فى الحياه ولا مستمتعه بايامى وبتمنى الموت من كل قلبى
انا مخنوقه ومش قادرة اتعايش مع اى حاجه
انا مبقتش عارفه انا ايه مضايقنى بالظبط بس عارفه ان اللى فيا ده ترسبات من حاجات كتييييييييييير
مبقاش ليا حتى روح على المذاكرة وبقيت حساسه بشكل فظيع ممكن لو سمعت مشكله حد اكتئب ومبقيتش بعرف اسيطر على مشاعر الغضب ومخنوقه من الدنيا كلها ومش عارفه اعمل ايه لنفسى علشان اخرج من الدوامه الفظيعه اللى انا فيها دى
مش عارفه احس بالفرح والله انا حتى بكتب وانا بعيط وانا عارفه انه اكيد فيه سبب بل فيه اسباب بس انا مش قادرة افكر فيها من اللى فيا والله مبقيت بستحمل كلمه من حد وحاسه انى مش طايقه الناس كلها ومش طايقه الكليه ولاليا نفس اعمل اى حاجه وانجازى فى اليوم تقريبا صفر عارفين لما يكون حد مريض وبيضربوه بكرباك علشان يشتغل انا والله مش عاوزة اضايقكم حاسه ان ارحم حاجه ليا الموت ولا حد بيرحم ولا حد بيطبطب ولا حد بيخفف امال الواحد عايش ليه باه مش قادرة استحمل والله مش قادرةحالتى صعبه خالص مش عارفه استمتع باى حاجه انا بنهار
انا عمرى ما كنت كئيبه كده والله انا كنت كلى نشاط وحيويه وحياه وكنت بعرف ادلع نفسى اوى لكن دلوقتى الكاركتر بتاعت شخصيتى اتبدلت ومبقتش عارفه ازاى بقيت كده
كل اللى قادرة اعمله انى احط ايدى على خدى واعيط انا مذهوله منى
تعبت من الجو الجاف اللى انا عايشه فيه جفاء فى جفاء ادعولى ربنا يريحنى باى طريقه انا خلاااااااااااااااص مبقتش حتى قادرة اغير من نفسى علشان اتغلب على ده حاسه انى منهكه ومبقتش انفع لاى حاجه وعايشه حياتى كده وخلاص