ساعدوني يااخواني انا في مشكله كبيره وماادري شلون احلها اناعمري20 سنه تعرفت على واحد من الاهل عمره33 سنه وعلى فكره انا وحيده امي وابوي المهم بدى يكلمني واكلمه على اساس اننا اهل


وشوي شوي تطورت العلاقه بعدين جا خطبني مع اهله وتملكنا وخلص الموضوع واتفقنا ان العرس بعد سنتين لماا خلص دراستي الجامعيه وبعد الملكه كان دايما يجي يشوفني ويقعد معاي بعض المرات لوحده وبعض المرات مع اهله مع العلم انه هو ساكن في دوله ثانيه تبعد عننا اكثر من سبع ساعات المهم

هاذي الزيارات بدت تضايق الجيرا ن ويتهاوشون مع امي مع انهم مايعرفون انه شافني لان انتم طبعا عارفين العادات عندنا المعرس مايشوف العروسه الا ليله العرس


حتى اذا جا ينام في غرفتي وعلى سريري واناانام في غرفه ثانيه المهم امي شافت انه لازم نقرب العرس والا يبطل الزيارات حتى تخلص السنتين ويجي موعد العرس وبعد مشاورات معاه اتفقنا ان العرس بعيد رمضان واتفقنا على كذا

وفجاه غير رايه وقال انا ما عندي فلوس اجيب شقه يااما تسكنين مع اهلي اوتستنين شقتي الي ماجرها لما تفضى بعد سنه ونسكنها

انا انصدمت بكلامه لاني اعرف ان معاه فلوس وهذا ماكان كلامه قبل بالعكس كان متلهف علي وينتظر اليوم الي نكون فيه مع بعض بس بديت الا حظ اني من يوم عطيته كل الي يبيه(لايروح بالكم بعيد بس ضم وقبل وجنس فموي وشاف جسمي وشفت جسمه)

صار مايبي العرس مثل الاول والمشكله اني ماادري شاسوي هويبي يشوفني ويقعد معاي ومايبي عرس اللحين

ماادري هل امنعه انه يشوفني يمكن يتحرك بس هو يزعل اذا ماشافني مده ويسويلي مشاكل ومايرضى الا لما اقوله تعال واترجاه بعد او نسوي عرس واعيش عند اهلي

واشرط عليه مااروح بلده الا لما يحطلي شقه لوحدي بس انا مااضمنه يمكن بعدين يغصبني اروح معاه وعلى فكره ابوه هو الي يبيني اعيش معاهم بنفس البيت لانه عرض علي الفكره والظاهر انه سمع كلام ابوه


الصراحه انا محتاره جدا واسفه عشان طولت عليكم وانصحوني الله يخليكم شلون اتصرف معاه

الاشراف:
تم تعديل العنوان لينايب النص.

أختي أنت أخطأتي خطأ كبيرا في التعمق معه في حياتك حيث تتجرأين عليه لدرجة الجنس الفموي المفروض خطبة أو ملكة وخلاص الوجه من الوجه أبيض حتى ليلة الدخلة كثير من البنات واولياء أمورهن تساهلوا مع الخطيب ومع المتملك ثم شعروا بالحسرة والندامة بعد إنسحاب الخاطب أو المتملك المفروض الخطبة لاتستقرق 3 أشهر لأنها إذا طولت جابت الملل ومن ثم تغير نظرة الصاحب لصاحبة 00وكذلك الملكة المفروض لاتطول أكثر من شهر 0 نصيحتي أن تتزوجين منه فورا ولا تنتظري لأنه ربما غير رأيه فيك مستقبلا 0 الشيء الثاني نصيحة لكل فتاة أن لاترتمي بهذه السهولة في أحضان الخاطب أو المتملك لأنه سوف يزهد فيها وربما يغير نظرته نحوها ويقول هذه ماتصلح التي أستسلمت لي بهذه السهولة هي صيد سهل سوف تنصاد لي أكيد أنها لها تجارب مع غيري 0 فنصيحتي لأخواتي الكريمات أن يثقلن ويحكمن عقولهن قبل عواطفهن وليعلمن أن الزوج الذي كاتبه الله سوف يأتي بدون أستسلام للرجل والله الموفق

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

عزيزتي....
انا مريت في نفس التجربه .. واستشرت الوالده (الله يخليها لنا) وقالت اغلب الرجال المقبلين على الزواج ويكون الموضوع خلاص جدي (ماكو فكه) يخافو مو من الزواج لا من المسؤليه ...
وسايرتو ونفذت الكلام اللي يبغاه واناراح اكمل سنتين متزوجه واول سنه مشيتها بالمسايره وجيتو بالكلام الطيب وبعدين السنه الثانيه نقلت من بيت اهلوا من غير مشاكل .....
وصديقيني هو خايف من المسؤليه .... بس اذا الموضوع طول وماصار الزواج بهذي الفترة لا تسوي معاه اللي كنتي بتسوي هو صح زوجك رسميا بس .......... انتي فاهمتني
واتمنى اني اكون افدتك وساعدتك نسبيا..
تحياتي:
اختك: انثــــــى حالـــــــــــــــــمــه

اللي اشوفه انك تسمعين كلامه وتروحي معاه بيت اهله..وزي ما تفضلت الأخت الكريمة(انثى حالمه)

انك تعطينه الكلام الطيب اللي يرضيه ..وإن شاء الله تتسهل وتنقلي بيت لوحدك

\\يارب فرج كرب اختي وازل عنها الهم والحزن\\ آآآمييين

تقبلي اعذب التحايا ((طيف سحابة))

__________________
سكنت القلب قبل لاتدق بابه .... مدري أنا ساكن بقلبك ولاََ واقف على بابه

مرحبا اختي
انا كانت قصتي نفسج ورحت معاه الى بيت ابوه ولكن بعد المسايرة والكلام الحلو والدلع نقلنا في شقة ابروحنا بعد 8شهووووووووور . يا ريت ما تتخلين عن زوجج وتصبرين عليه

__________________
ليس كل ما يلمع ذهبا

أختي بصراحة الجيران ما عندهم سالفة والمفروض امج ما تعطيهم وجه وزوجك من حقة يشوفج خلكم ع نفس الحال لين تتزوجين وخل الجيران يتذابحون ؟؟؟؟؟؟؟؟؟

__________________

با اختي الغالية

أسأل الله أن يفرّج همك وهم المسلمين

انصحكي بما يلي

الالتجاء الى الله في كل وقت وخصوصا في الثلث الاخير من الليل , وهذا الامر تفعله اكثر النساء الموفقات السعيدات

وأسألي الله التيسير

ثانيا : الاكثار من الاستغفار , من لزم الاستغفار جعل الله له من كل هم فرج ومن كل ضيق مخرج ورزقه من حيث لا يحتسب

ثالثا : يا اختي قال النبي صلى الله عليه وسلم إذا جائكم من ترضون دينة وخلقه فزوجوه (فزوجوه مباشرة )

وإذا كان زوجك على دين أو بالاحرى ليس من اصحاب المعاصي(لأن الذي خان الله وضيع مصيره نفسه)

يخون الناس ويضيع من هو تحت يده , اما ان رضيتي دينه وخلقه فخذية حتى لو بقيتي في بيتك الى ان ييسر اللهم له مسكن

أسأل الله لك التوفيق والنجاح

__________________

ابتداء من 1 رمضان القادم ستبدأ الحملة الاسلامية الكبرى لمقاطعة امريكا

عموما انتم ازواج بعد الملكة

ولكم كل ما للأزواج في كل التصرفات
كلا مك هذا صحيح ولك الحق في طلب بيت مستقل

__________________

أرى ان طاعة الزوج واجبة و لازم انك توافقى انط تسكنى معاه فى بيت اهله و بالمعاملة الحسنة و الاغراء ممكن أنك تخليه هو اللى يطلب منك انكم تنتقلوا لبيت .
ماهى حلوة بحقك أن والد زوجك يقول انك تبى تتحكمين بالولد من الاول و بعدين انت بالموافقة تكسبين قلب زوجك .

__________________

اللهم أنك عفوا تحب العفو فأعفوا عنا

اسمحي لي جنس فموي ورايتم اجساد بعض وقت الملكه
امممممممممممممم وش بقيتي للزواج
طبعا زوجك شبعان منك لذلك يتهرب من الزواج طبعا اكيد مااخذ الي يبغاه ليش يحمل نفسه مسؤليه وعيال وهم في نفسه يقول اخذ الي ابغاه وهي في بيت اهلها اريح واوفر وافضل

عفوا على صراحتى
لكن صدقيني هذا تفكير الرجال ماكان لازم تكون سهله المنال يعني الثقل حلو
تكفي القبل والضم الخفيف ايام الملكه

عموما اسرعي وتزوجي لايغير رائيه وعادي بالمسايسه والتفاهم والدلع بيطلعك بيت لحالكم واول ماتفضي الشقه انقلي عليها


وبعدين جيرانك اش دخلهم مدامكم مملكين مالهم سلطه عليكم كل واحد حر في بيته والله ياربي


الله يسر امرك استخيري
تحيتي

__________________