ياناس الحقوني قلبي يحترق لا تلوموني تدرون ليش حبيبي وخطيبي(تم عقد القران)متغير علي مدري ليه حسيت بعد الملكه بدا يتغير بدت تقل مكالماته ورسايله حتى الكلام الحلو بعد والله اني استحمل اهاناته لي وعمري ماغلطت عليه ودايما يزعل من سبب ومن دون سبب ا نا الي اراضيه واليوم كنا متهاوشين ودقيت عليه عشان اراضيه كنت مستنيه منه كلمه حلوه يقولها لي يطيب خاطري فيها تدرون شقالي ( انتي جاهل وانا الحق علي اني اتكلم مع جهال) تخيلوا انا عمري 20 وهو 33 والله ياناس اننا ماخذين بعض عن حب وحاربت الدنيا كلها عشانه بس هو مايستاهل كل كلا مه كنت مخدوعه فيه قولولي شاسوي وشلون اتصرف معاه واوقفه عند حده سااااااااااااااااااااااااااااعوني

عزيزتي........اثقلي عليه........لاتتصلين
ولكن من دون مشاكل....
قللي عدد الاتصالات والرسايل.....واذا اتصل بيني له انك مشغوله وصوتك مشجع ومبسوطه يعني لم تتأثري بعدم اتصاله...كوني قويه....
اذا حس منك هذا الشي (انك تغيرتي عليه) وانك عايشه حياتك سوف يحن
ربما هو تطمن انكم لبعض بعد الملكه فقل كلامه واتصاله
والله يوفقك اختي ويكتب لك اللي فيه الخير

__________________

آدعوا لـي .. " بالزوجة اللي تملى علي حيآتي " ..

ماينفع ووايد اكبر منج

والله ماادري شقول لج لو ماخذه واحد كبرج ولا اكبر منج ب6 سنين بالكثير يمكن يكون في تفاهم من بينكم وكل واحد يقدر يعرف شخصية الثاني

بس جذي مادري اذا بتعرفين ولا لا

استخيري وصلي ركعتين وان شاء الله ماايصير الا كل خير

تقبلي مروري

أنا من رأيي إنه فارق السن ماله تأثير كبير لها الدرجة..
تأثيره أكثر شي من ناحية الأفكار.
ياإختي يمكن يكون بيتغلى عليك ويبي يعرف مقدار حبك له.
أصبري عليه شوي وإنشالله بيصير لك كل خير.
وأكثري من الدعاء إن ربي يوفقكم ويجمع مابينكم على خير.
وإن كان فيه خير يخليه لك وإن كان فيه شر يصرفه عنك..

هــــدّي أعصابك أولاً الموضوع مايستاهل كل الإنفعال هذا

وخاصـــة إنه الإنفعال رااح يلغي تفكيرك ويسيطر عليه وممكن تسوين شي تندمين عليه

اللي صار شي طبيعـي ومهمتك الآن إنك تنسحبين بهدوء لاتكلمينه لحد ماتهدأ النفوس

وبعدها راح يكلمك وإذا ماكلمك بإمكانك تكلمينه وتتحاورين معه بهدووووء

وتعرفين وش اللي ناقصه ؟ وش اللي مضايقة ؟

تعلمي من هالدرس إنه لما أحد منكم يكون متوتر يبتعد شوي ويعطي الثاني وقته

ولاتكبّرين كل شي وتخلينه مشكلة ، تعاملي معه بدبلوماسية المرأه الذكية

وبالإحترام والتقدير تنالين كل ماتريدينه وأنصحك أيضاً بالصبـــر .

وفقك الله .

المفروض يكون عاقل وفاهم ومايزعل على اي شي لأن عمره 33 يعني كبير على الزعل ومادري ايش

يمكن هالأيام مضغوط بالشغل او متضايق يعني على حسب شغلة شنو ؟؟

الله يكون بالعون

__________________

لأن الفرق بينكم كبير بالعمر .. يشوف اختلاف في التفكير
وتجهزي لمواجهات ومصادمات أقوى وأكثر بعد الزواج الله يعينك ..

بالنسبة انك تراضينه على كل حال فـهذا غلط كبيـــــــــر منك
اثقلي عليه ترا الثقل صنعه << على قولة أخواننا المصريين

انا لو منه كان عاملتك مثل بنتي !!! اسمحيلي

احسن شيء انك تدخلين هالمنتدى وتستفيدين من تجارب الناس ولازم تراعين فارق السن

يعني تسمعين اكثر ما تتكلمين.
تحاولين تبينين ان رايه صح حتى لو كان غلط ( اهم شيء ما تظرين نفسك )
واثقلي شوي عليه يعني مو لازم يرد على رسايلك ولا لازم كل يوم تكلمينه ساعتين عشان يثبتلك انه يحبك
وبعدين لو انه صغير شوي كان لاحظتي شوية ( تسرع في اسلوبة ) بس زوجك كبير ويبيلة سياسة

تمنياتي لك بالتوفيق

حاولي تسألية عن
سبب تغيرة عليك
وان لم يرضى الحديث
اثقلي علية شوية