السلام عليكم ورحمة الله وبركاته ...
احيي جميع الاخوان و الاخوات في هذ المنتدى المبارك , واطلب منكم المشورة و الرأي في مشكلتي اللي هدت حيلي و طيرت النوم من عيني ..

انا تزوجت قبل 3 شهور من احد قريباتي , بدأت المشكلة من ثاني يوم كلمتها فيها في فترة الملكة , مع اني ما اسمعها الا الكلام الحلو والطيب الا اني تفاجأت أن البنت تزعل و تغضب من دون أسباب أو على اسباب تافهه , و لما تزعل ترفض تتكلم او حتى تطالع فيني لما اكلمها ,وهذا يحسسني بالاهانة , والمشكلة ان هذا يتكرر يمكن بالاسبوع 5 او 6 مرات , نفسها شينة طول الوقت , واذا اصريت عليها تتكلم فانها تتكلم من دون ادب او احترام , قبل امس كانت كالعادة نفسها شينة , بعدين رحت اراضيها مع اني مااذكر اني اخطيت عليها , تفاجات انها بدال ماتفرح اني جاي اراضيها , رفعت صوتها علي وسبتني , وبين الكلام اللي قالتي لي "انت كذوب ! ". ويشهد الله اني ماقصرت معها بشي و مدللها وكل يوم موديها لاهلها ...المشكلة اني اذا شديت عليها على طول تزعل و ترفض تتكلم , وعندها قدرة عجيبة على كذا , حتى انها مرة ناقشتها بموضوع انها لازم تجلس بالبيت ولو حتى مرة او مرتين بالاسبوع , و لا اعجبها و قامت زعلت و جلست يومين ماتتكلم ,, انا اللي مضيق صدري قلة الاحترام اللي عندها , اضافة الى عدم الطاعة , اذا طلبت منها شلغة ولا اعجبتها تقوم ترفع صوتها وتوصفني باوصاف ماترضيني ..
بسبب مزاجها هذا كل شي خرب ,, سافرت معها 3 مرات كل مرة تخرب السفرة بسبب زعلها المتكرر هذا ... كل نهاية اسبوع تسويلي مشكلة وتخرب اجازتي.... والمشكلة انها لما تسوي كذا و ازعل عليها انا ماتفكر تجي تراضيني ...

فيه مشاكل ثانية بعد مضيقة صدري , مثلا حبها للسيطرة , تبغى تسوي اللي براسها والا بزعل ,,, ايضا عدم تقديرها و احترامها لاي شي يجي من عندي...

البنت هي اصغر خواتها و كانت مدللله يمكن هذا احد الاسباب .... انا بصراحة كلمتها عن هالمشاكل و ماهي راضية تتغير , تقول اني انا السبب ...
انا بصراحة مليت و تعبت نفسيا , حتى النوم ماني قادر انام زين بسبتها ووزني نقص من الهم ,,حياتي كانت كلها سعادة قبل الزواج و انقلبت من يوم عرفتها ..... مااخفيكم سر اني مااتصور نفسي اكمل باقي حياتي بها الشكل ...


ودي تقولون لي رايكم ..

والله يفرج همي و هم كل مسلم


الإشراف : تم تعديل العنوان بما يتناسب مع النص ..

السلام عليكم
.
.
.
أخي الكريم ... أنت تقول
"بدأت المشكلة من ثاني يوم كلمتها فيها في فترة الملكه"
يعني طبعها كان واضح بالنسبة لك
هاي البنت إذا من أولها تصارخ وتعاتب وتزعل لأتفه الأسباب ... ليش كملت معها ؟!؟!؟
كيف كنت تحس اتجاهها في فترة الملكة وكملت معها لين تزوجتها ؟!؟!؟
.
.
.
أمّا وإللي صار صار
أنا أنصح بشغلتين رئيسيتين
أولاً: انصحها ... يا بنت الحلال هذا الكلام كما يصير ...
إذا كانت بتزعل من أقل مشكلة ... شو راح تعمل بكره !!!!!؟!؟!؟!؟
ثانياً: اهجرها ... بين لها إنك زعلان منها ومن حركاتها وانت مش راضي
ون تطور الموضوع خبر أبوها يا أخي ... بنتك تعمل كذا وكذا
.
.
.
أسأل الله أن يفرج همك ويسعدك
.
.
.
نسأل الله العفو والعافية
والله المستعان

__________________

مشكور اخوي فلسطيني على الرد ... أما مسألة لماذا لم اتراجع في فترة الخطوبة ,,, فترة الخطوبة كانت مجرد 3 اسابيع , ولايمكن الحكم على اخلاق اي شخص من خلال فترة بسيطة , ولم اتوقع ان تتطور المشكلة الى هذا الحد ...

ياكثر البنات اللي من النوعيه هذي

...............................

اسمي النوعيه هذي انا (المراة النكديه)

لاانها دايم تكدر جو اللي معها

الله يعينك ويصبرك

وبصراحه مااعرف لها طريقه اول حل وان شاء الله يفيدونك الشباب

اسيرها

__________________
*الزمن يا صاحبي ماله امان
والعمر يمشي وكل شي محسوب
والقدر مكتوب والمخفي بيان
وحظي العاثر طلع اكذب كذوب
كنت انا طيب وكل قلبي حنان
واحسبولي طيبتي ضمن الذنوب
اذكر اني كنت ناجح من زمان
بس احس اني تعلمت الرسوب

هذي ومع احترامي لها فاهمه الحياة الزوجيه خطأ تحسب بزعلها ونفسها السيئه بتمشي الحياة.. أول شي لاتعتذر منها الا اذا كنت غلطان واذا هي ماتكلمك بأحترام أزعل انت بس بدون كلام مجرد انك تلتفت عنها في الفراش بتموت قهر انو لسى عروس ومايتغزل فيني ويناظرني خلك كذا لين تجي لحد عندك وتعتذر عندها فهمها انك تحبها بس أسلوبها معك وعدم احترامها لك هوالي مضايقك..خلك واضح وصريح معها في كل الي ودك فيه والي بتبنون عليه حياتكم الزوجيه هذي عشرة سنين مو يوم او يومين بكره بيجيكم عيال الأحترام المتبادل بين الزوجين أساس نجاح أي علاقه فهمها اذا فيه شي مضايقك تعالي وتفاهمي بأسلوب موب تزعلين وتروحين وتستنيني اجي أراضيك..هاذي أخوي مبين ماعندها فهم كافي لمعنى الزواج صح أصبر عليها بس سو الي قلتلك عليه وان شاء الله كل أموركم بتكون كويسه بس نصيحه لاتخلي أحد يتدخل بينكم أبدآ حلو مشاكلكم بنفسكم,,وبالنسبه لأهلها تراك جالسه عنده طول عمرك مايضر لو حددتي لك كم يوم تروحين لهم وبيتك له حق عليك وانت أجلس معها في البيت خلها تحب بيتها ترى فقدة الأهل مهيب سهله وخاصتآ على قولتك هي آخر العنقود,,آسفه عالأطاله بس من جد أتمنى افيدك

__________________

	اللهم لك الحمد كما ينبغي لجلال وجهك وعظيم سلطانك

حبيبي يقولون الفرس من خيالها ..

ما في امرأة تتجرأ على زوجها الا وهي عارفه أنه ماراح يقدر على عليها

لو وجدت زوجتك من شخصية الرجل الصارم وحزمهم ما تجرات عليك ..

وما في رجل يهين كرامته ورجولته الا بإذنه ..

واضح انك لين حتى أتيت على كرامتك ورجولتك , فلا بد م الحزم في لين ..

والا أصبحت ألعوبة في يدها ..

اهجرها كم يوم ولا تعبرها .. وبين لها أنك ناوي فراقها ..

واركد وارزن ترى الرجل اذا أحست المراة بضعفه أمامها أستهانت برجولته

مع أني اشوف أن الأخ رادع متحامل على النساء في أغلب ردوده إلا أنه صدق في مسألة الهجر والصرامه..وإذا لم ترى القوامه منك الآن فستظل تعاني من تسلطها طوال حياتك الزوجيه..
أغلب بنات الوقت هذا مثل صفات زوجتك لهذا حسسها أن فراقها سهل عندك وأنه بأي لحظه ممكن تتركها وإذا زعلت اتركها ولا تراضيها حتى لو جلست شهر يعني اقلب السالفه وصير أنت اللي تزعل وراح تشوف أنها هي اللي تراضيك..

اخي شوف بداية الزواج اكيد يكون هناك شد وجذب
والظاهر انها من النوع المدلل
لذا واجب الشدة معها شوية
يعني اذا اخطات هي لا تروح تراضها ابداً
الا إذا كنت انت اخطات عليها
كي تتعود ان تعتذر
وانصحك بأشرطة حول كيفية معاملة الزوج
وطاعتة واحترامة اهديها لها
اجلسو سوياً على النت واقرو مواضيع في هذا الصدد
واقولك انة مع الايام بتتحسن خصوصاً لما يصير في اطفال
يروح الدلع كلة

والله كلامك زين العقل عليك بالحزم ثم الحزم ثم الحزم ولا ترضيها ابدا لمن تعرف انها هي الغلطانه وتيجي وترضيك

__________________
[SIGPIC][/SIGPIC]

أخي الآن و قد تم الزواج أعتقد انك لا تملك إلا الصبر

عن أبي هريرة. قال: قال رسول الله صلى الله عليه وسلم:
"لا يفرك مؤمن مؤمنة. إن كره منها خلقا رضي منها آخر" أو قال "غيره". [رواه مسلم].

__________________
.
.

استودعتك أهلي في سوريا يا من لا تضيع ودائعه