بسم الله الرحمن الرحيم
السلام عليكم ورحمة الله وبركاته

انا نفسي اتكلم مع حد في اللي شاغل بالي ومعذبني بس مش قادره اتكلم مع حد لانه موضوع محرج شويه
انا مخطوبه وجوازي ان شاء الله قرب جدا كلها شهور بسيطه
اخذت خطيبي علي اخلاقه ودينه ربنا يحفظه وهو بيقول نفس الكلام
انا لست علي درجه عاليه من الجمال ولكني ولله الحمد مقبولة الشكل
ولكني عندي بعض المشاكل التي اخشي منها كاسمرار في بعض المناطق وترهلات في اخري وكل ما احس ان زواجي قرب اترعب واحس اني وقتها هرفض من خوفي لان قرات وعرفت من بعض من حولي ان الزوج تهمه جدا هذه الاشياء كما انكم تعلمون مانراه من قنوات التلفاز ومافيها ربنا يرحمنا
اشعر احيانا اني اعطي الموضوع اكبر من حجمه واحيانا اخري يصل بي الامر للبكاء الشديد واترعب كلما تذكرت انه موعد الزفاف قد اصبح قريبا حتي اختي لا استطيع اتحدث معاها في هذا الامر خوفا من انها تري انه امرا تافها بسيطا وتستخف بي لكني والله اوقات ابكي واتعصب معاه من غير حاجه وهو يبقي مش عارف ليه انا معاه كده برده بسبب الموضوع ده واحيانا افكر اني اطلب منه يسبني خوفا من هذا الامر ارجوكو ارشدوني اعمل ايه واتصرف ازاي
حقيقي انا بموت من الرعب والخوف بسبب الموضوع ده
ادعولي ربنا يخليكو