السلام عليكم ورحمة الله وبركاته


احس اني مقهووووره من زوجي ومن حياتي احس من القهر ودي اشب هالدنيا كلها بغاز وافتك منها

امس كنت رايحه المطعم مع زوجي وصار موقف تافه قمة التفاهه على نغمة جوال صوتها عالي جاتني

رساله وحذف النغمه عصبت وبعدين عديتها المهم هو خلص وانا باقي لي اكمل عصيري واطلع

المهم طلعت من الغرفه لأنه مطعم عوائل وماحصلته مافيه الا عمال المطعم فلبينين وانا بس لحالي

بصراحه خفت مره ظنيته بالحمام يغسل يده قلت مستحيل يطلع ويخليني لحالي بالمطعم الساعه

2 الفجر المهم فجأه سمعت صوت هرن سيارته تخيلوا طلع من المطعم وراح جلس بالسياره وخلاني

لحالي والمطعم مافيه اي زباين مافيه حولي الافلبينين انقهرت وبكيت على طول وركبت السياره

وانا ابكي مقهووره وقلت له مافي رجال يسوي كذا وهو ساكت ولاعلى باله رجعنا البيت ولاكلمته

احس اني كرهته من هالحركه مو اول مره يسوي هالحركه مره في مكه خطف الشارع لحاله

كان معصب وراح مشى عني وانا بعيده عنه خطفت الشارع لحالي بين زحمة الناس والأمم اللي جايه

مهما كانت اسبابه المفروض انه مايعمل معي هالشي هو رجال المفروض يتصرف بعقلانيه وحكمه

ويخاف علي والله اني احبه واموت فيه وهو بعد يحبني وحارب الدنيا علشان ياخذني لكن بعد

هالموقف بديت اعيد حساباتي في كل شي احس اني كرهته والله حرام عليه الله مايرضى

بهالشي ولارسوله وين قدوتنا الرسول صلى الله عليه وسلم في تعامله مع زوجاته كيف نتوفق

في حياتنا وهذي اعمالنا اتمنى من كل يقرى موضوعي لايبخل علي بالرد

وعليكم السلام ورحمة الله وبركاته ..


أنا توقعت أن زوجك ضربك ... او حبسك في البيت لاسبوع .. حرمك من الاكل ...!!!


حرام عليك أختي ..


أنتي قلتي أن زوجك يحبك ,,, وضحى علشان يتزوجك , ويموت فيك ...


تكرهينه علشان بس تركك في المطعم وذهب للسيارة ...؟


تنسين كل هذا الفضل , وكل هذا الاحسان , وتكرهين زوجك والدنيا لاجل موقف عادي جداً ..؟


قولي الحمد لله يذهب بك الى المطعم .. أقسم لك بالله بعض الزوجات من تزوجت ولا مرة ذهبت للمطعم ..


ولا مرة طلعت للسوق ... هو الذي يشتري لها , حتى الملابس الداخلية ...!!


وبعضهم حتى الحج لم تحج , ولم تعتمر ..ولم تشاهد مكة ..


شاهدي قناة (( بداية )) وأنظري الى الرسائل والزوجات ..


أنا لا أساعد لزوجك .. ولكن لا أريد موقف عادي جداً يأثر في حياتك ..

وقد يكرهك زوجك , او يتزوجك عليك ...


اذا كرهتي موقف من زوجك ... حاولي تقولي له , بشكل لطيف وهو مسترخي ..

وخاصة وقت الجماع او في الفراش لان نفسيته تكون هادئة جداً ...


حفظك الله ورعاك ... وأبعد عنكم الشيطان.

أخوك همطاف

__________________

والله اني مانسيت افضاله بالعكس لكن قهرني موقفه مره حنا مجتمع محافظ كثير فهمتيني غلط

بعدين في اشياء في حياتي اكبر من كذا محد يدري عنها يالغاليه ولولا حبي له وتضحياتي

ضحيت باهلي علشانه كان مازعلت منه هو عندي بالدنيا كلها انا زعلت لانه ماتعودت انه

يسوي معي ولاتظن اني شريره علشان يتزوج علي والله بالعكس يصارخ علي قدام اهله

وعادي والله مره علشان جاتني الدوره وماحملت بس عرف والله وربي شاهد انه عصب علي

واخذ ثيابي ورماهم بالارض كلهم وقال جهزي شنطتك بعد الدوره بطلقك وانا ماسكه ثيابي

وابكي ومع ذلك رحت له وعاملته بكل حنان وحب مابي اخسره لاني بس احبه انا ماعندي عيال

ماتت علي بنت وسقطت مره ثانيه لي سنتين متزوجه هو عصبي مره مره لاتفهميني غلط والله

لولا غلاته كان عادي مازعلت انا بروحي نفسيتي تعبانه علشان الحمل وجى وزاد علي

أختي ماضي موادع


أصبري على زوجك ... قد يكون أعصابه مشدودة بسبب عدم الانجاب

أن شاء الله عندما تنجبين راح تتحسن أموركم الزوجية ..

وصدقيني ماراح ينسى وقفتك معه , او صبرك عليه ..


وحاولي التقرب له , وعدم الابتعاد عنه , واشباعه عاطفياً ..

اهديه وقت العيد وكل مناسة حلوة ..

أفرحي بفرحه واحزني بحزنه ...

والله يوفقك أختي ..


أخوك , وليس أختك

همطاف

__________________

انا فى ظنى اختى الكريمة
ان زوجك ظمن حبك له بشده وانه ماراح يخسرك مهما عمل من تصرفات تضايقك
انا انصحك انك تخففين من اندفاعك له وعدم تلبية طلباته بالخروج مثلا او رفض
بعض التنزه خارج البيت البعض وليس الكل وعدم البت فى الكلام العاطفى اليومى
لمده قصيره حتى يبادر ولكن كونى لطيفه بالتعامل معه وشكرا


الأخ الفاضل : يرجى منك مراعاة حدود التخاطب بين الجنسين ..

وفقك الله ..

اشكرك اخوي همطاااف جزيل الشكر وابشرك انا الحين بعد ماقريت الردود والله ان قلبي صفى

وان شاء الله اول مايصحى بروح ابوس خشمه زي كل مره هههههههههههههههههه

يموووووت علي من الضحك اذا سويت هالحركه مراح اخلي الشيطان يتهنى اليووووووم هههههه


واشكر كذلك الدكتور خالد وكلامك صحيح هو بنفسه يقول انتي ماتستغنين عني والله كل مره يزعل مني

حتى اذا هو غلطان احرق الجوااااااال من كثر الاتصالات والرسايل وهو احيانا يحن ويرد ودايم يحقرني

ومايرد علي بس مهما كان هو زوجي وتاج راسي

الله يخليك له ويخليه لك

بس حبيبتي .. ماينفع كذا لازم تدلعي عليه اثقلي شوية خليه يحس بمرارة زعلك عليه

هو ضامن انك بترجعيله مهما صار عشان كذا يتغلى ويثقل

حاولي تعيدي حساباتك في تصرفاتك معاه ..

صح احنا لازم نتنازل اكثر من الرجال بس مو لدرجة نكبر روسهم

والحرمة الشاطرة تعرف كيف تخلي زوجها يرضى بدون ماتراضيه

ونصيحة لك ,, وقت الزعل لاتقصري معاه في اي واجب من واجباتك

او في حق من حقوقه عشان لايمسكها عليك زلة ..

حاولي تجلسي معاه في ساعة صفا وتقوليله عن كل شي يضايقك

صدقيني انا اسوي كذا وماتنفع الا هذي الطريقة حتى لو كان عصبي

حاولي تمتصي غضبه ..

مثلا اذا كان معصب وهو في قمة عصبيته روحي وبوسي راسه او يده وقوليله حقك علي

شوفي كيف راح يبرد وراح يشوفها كبيرة منك ..

ولازم تعطي لاهلك قيمة قدام زوجك عشان لا يحسب انك ممكن تبيعي اهلك عشانه

كذا بيقول هذي مافيها خير لاهلها كيف بيكون فيها خير لي ..


والله يوفقك ويسعدك ياااااااااااااااارب ويهدي سركم

ودايما ادعي

" اللهم اجعله سكنا لي واجعلني سكنا له واجعل بيننا مودة ورحمة"

دعواتك لي ..

بسم الله الرحمن الرحيم
هذا كلام فى الصميم وانا كنت هقوله
لذلك سأضيف فقط


اعتقد ان كل رجال الارض بهم عيوب الا سيدنا النبى محمد صلى الله عليه وسلم
وكذلك نساء الارض
لذلك زوجى به عيوب وزوجك ايضا وعلينا ان نتعامل مع هذه العيوب ونتعايش معها مادمنا نريد الاستمرااار معهم
ولكل رجل كلمة مرور او كلمة سر مع كتالوج خاص به يجب ان تبحث الزوجه عنه وتعرف كيف تتعامل مع زوجها و فى الغالب فى نهاية العام الاو ل أو الثانى تكون قد توصلت لهما
وتعرف كيف تروض هذا المارد
هل فهمتينى اختى ؟؟؟

__________________
سبحان الله وبحمده سبحان الله العظيم

اللهم بارك فاطمه واحفظها من كل سوء

والله هى بنوته واحده ولكن بسبعه ما شاء الله
= = = = = = =

معليش حبيبتي هدي بالج ..

الله يفرج همج ويسخره لج يارب ..

ردود جميلة

وأنا مع ( دلوعة زوجها ) ،،،


حاولي أن تمتصي الغضب بسرعة ،،، يعني اعتذري فوراً

وسيعود لطبيعته

أعنقد أنه حساس شوية ، يعضب بسرعة ، لكنه يعود بسرعة ،، لذلك سهلي له طريق العودة بالاعتذار المباشر والملح ....




!

__________________