السلام عليكم و رحمة الله و بركاته

كل زوجة تتوق الى حب زوجها و حنانه.. الى عطفه ورقته ..

أو بالأحرى رقة كلامه و عواطفة الجياشة الفياضة من خلال مدحها..و التغزل بها.. و. و .و . الخ

وكل زوجة تأمل أن بان يكوون أساس حياتها الزوجية قائم على( الحب والأحترام والرومانسية)

ضروري هذي الرومانسية..

وبما أن المرأة كائن تركيبته أساسا يعتمد على المشاعر والعواطف..ويتواصل مع الآخرين من خلال

التعبير عن عواطفة و مشاعره و تفكيره عن طريق الكلام والحركاات والايحاءات..نجد ان الرجل الذي

هو هنا (الزوج)..يكوون على العكس من ذلك.. تعتمد تركيبته على العقل والمنطق دون الالتفات الى

المشاعر الا فيما يتوجب كي لا أقوول أن الرجل خالي من المشاعر بتاتاً وهذا غير صحيح..


** ** ** ** ** ** ** ** ** ** ** ( اذا لا بد أنك )** ** ** ** ** ** ** ** ** ** **

منذ أن تزوجتي..من الليلة الأولى.. وحتى من اللحظة الأولى.. وحتى الآن..

تتسائلين كثيرا عما اذا كان زوجك أحبك؟! بقدر ما أحببته أنت؟!!

وان كنتي قد أستطعتي حقا أن توقعيه_ ( كأنثى) و (كزوجة)_ قتيلاً في متاهاات العشق الحلال و

الهياام العفيف؟!! وذللك بأسلحتك الفتااكه المدمرة والتي تم التدرب عليها مسبقا مرارا وتكرارا وضمن خطة

سرية محكمة..لا يعرف أسرارها ألا النساااء !!

خخخخ حشى أرهااب مو زواج..


** ** ** ** ** ** ** ** ** ** **( اذاً المشكلة )** ** ** ** ** ** ** ** ** ** **

المشكلة ان الزوجة حتى بمعرفتها طبيعة الزوج( التي لا تحبذ الكلام كثيرا..حتى أنه _الرجل_قد يكون لا

يجيد التحدث أصلا عن مشاعره ولا يفقه في هذا الموضوع أساساً) .. ألا أنها تتصرف وكأنها لا تعلم

شيأً..وكذلك الزوج

(حتى أكون منصفة للطرفين).. رغم علمه بطبيعة الزوجة( التي تتلهف لسماع للكلمة الحلوة الطيبة التي

تروي ضماها و تعزز أنوثتها)..و تؤكد جدوى الخطة (المذكورة في الأعلى) من عدمها _خخخخ_ ألا أنه

يتجاهلها و يتجاهل حقها في ذلك..

** ** ** ** ** ** ** ** ** ** ( اذا الحل؟؟ )** ** ** ** ** ** ** ** ** ** ** **

الحل هو ابقووله بس حق خواتي العزيزات (الزوجات ) المحتارات مثلي ..

أما (الزوج) طبعاً راح يعجبه الحل!!

لأني ماراح أتوجه له أبداً.. ولا راح أنتتقده.. بل بالعكس راح أوقف بصفه_بس هالمرة_ خخخخ

وهذا ما يعطيه العذر أنه يتكيسل( ويصدق خلاص) ويقول واااااو ونااسة.. لا و ربي راح أخليه يحس

بالمسؤلية و كلنا

حبايب ولا ايه

طيب.. من وين أبتدي..امممممم...وين .. وين.. أهااااااااااااااااااااااااااااااااااااااااااا لقيتهاا..............

تبوون الزبدة مو ؟؟ ..أدري أدري بس عشاان أشوقكم !!

شوفوا السالفة مايبيلها شي..أحنا الحريم من بدال انعور قلوبنا و راسنا بحبايب قلوبنا .. ليش قالوا؟؟

وليش ما قالوا !! وفلانه قال لها زوجهاا وأنا لااا..و أنا ليش مايقول لي زوجي ومادري شنوووو خرابيط

مرابيط خخخخ والله أضحك على روحي بس الحين


لا وألف لا (سمعوني زين) أنا سويت جذي ومت من القهر أي والله (أحلف) قمت اشوف فلانة وعلانة..وتنبط

جبدي _وتزيد علتي من الأفلام والمسلسلات_ والكلام اللي أسمعه آخ لوكان صج شنو باسوي خخخخ كله

تمثيل × تمثيل بس أحنا عقولنا صج عسسسسسسسسسسسسسسسسسسسل خخ فهموها..

بس فعلا حسيت أنه شي يبط الجبد اللي قاعد يصير..

اللي تبي اتعرف مقدار حب زوجها لها و غلاها عنده اتشووف أفعاله مو كلامه وانا توي أقتنعت من هالشي

الريال ليش قالوا قول وفعل؟؟

وما قالوا قوول وبصل !! لأن الريال حقه الفعل العمل الشغل (يكد) مو فاضي

كلام و غزل صج ما أبركها من ساعه يووم ينطق:14: بس خليه مرتااح وهو يقوول..لا تغصبينه يقوول مثل




بعض الناس اللي هم( أنا) .. صج أفشل ..كنت أطيح فيه أقول له: ماتقوول ما تنطق..أنت ماتحبني؟؟

ويقول: كل اللي أسويه وما أحبج!! وما عبرته وأعتبرته أناني ..واني انا بس اللي احبه وهو لا ..مع انه يقول

أحبج بس أنا كنت أطمع خخ كنت أبيه يقوول (أنتي كياني .. دروبي اللي بدونها أضيغ.. ورموشج موت

والموت لج حلال...الخ ) بس هو طلع مو راعي هالسوالف صج تألمت و حزنت بس شنو كلمه يقولها

وأطمع ابغيرها و لو على الكلام الكلام ما يخلص !!!!

الي تبي اتعرف اذا زوجها يحبها أو لا اتشوووف أفعالة

مو كل ريال يتكلم ويتغزل و يقول حق زوجته هالكلام.. بعضهم مايعرف حتى يصف جملة مفيدة اذا بيغازلك

بس اذا ياج آخر الشهر قالج آمري ..ادللي..أبشري..أش تسوى الدنيا اذا قام زوجك ورزك جدام هلك و

صديقاتك وقبل كل شي جدام هله.. ياااي وناااسة..

عزيزتي ..

كافي على الزوج أعباء العمل و صخب المشاغل دعيه يعبر عن حبه لك بطريقته فالرياييل لهم طريقتهم الخاصة وأنتي أكيد اتعرفين زوجك..

بس هاك دلالات من علامات حب الزوج لزوجته مو شرط بالكلام..

1_اذا مرضتي يمرض و ينقلب هم و كدر و تغيب بسمته ويسهر على راحتك.

2_ما يبخل بماله عليك..اتعرفين راتبه..ويعطيك مصروفك..اذا رحتي معاه السوق تبين تخريين المصروف
ما يخليك تدفعين الا اذا كنتي مو معاه بروحك مثلا لا وبعد يزعل ويرجع لك اللي صرفتيهم.

اذا في مشكلة في بيت هلك والا شي دووم يسأل ويحاول المساعدة.

3_دايم يضحكك..ويشيع في البيت حو الألفة والسرور ..ما يبرطم وانتي معاه الا اتعرفين السبب ويكون قوي.

4_اذا سهيتي يطالع قيج و يتأمل تسألينه ايش فيه يقوول ولا شي و يضحك.

5_ يطالع اللي تحبين في التي.في حتى وهو ما يحب.

6_ما ياكل وأنتي نايمة أو يوعانة ينتظرك واذا حده يصحييك.خخخ

7_يمدحك عند هله حتى اذا غلطتي أو شي يسألونه يدفدف ويقولك اللي صار بضحك.

8_لا زم يغار هذي أكيدة من كل الناس حتى خواتك وربعك.

9_اذا اتغيرتي مثل انك متنتي ماعنده فرق يقولك أحلى مع انك تدرين العكس.

10_ يشوفك أحلى بدون ميكاب.

11_يسافر غصب عنه.

12_ بدونك يصبر بس يومين بالكثير اذا تباعدتوا مثلا.

طبعاً هذي الأشياء تثبت حب الزوج لزوجته وغيرها من الأشياء هذي اللي عندي

والباقي في الجدر ويطلعه ملاسكم!!

** ** ** ** ** ** ** ** ** ** ( أيها الرجل )** ** ** ** ** ** ** ** ** ** ** **
لا تبخل على زوجتك بما يسعدها و يسعدك لان سعادتك من سعادتها والعكس صحيح ولا

تجعل مشاغلك كل همك فهي لها حق مثلك الكلمةالطيبة لها تأثيرها في حالة التقصير فلا

تحرمها الأحساس السعادة والثقة و الاهم لا تحرمها حبك.

الله يجمع كل زوجين بالخير والحب والرومانسية

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

والله حبيتك يا خيال البحرين وحبيت طريقتك بالعرض وكلامك كلللللللللللللللللللللله ميه ميه



وبصراحة انا من يومين الشقيقة ذابحتني وبالفعل تعرفين حب زوجك من المواقف نعم الرجال مواقف


بس والله حلو الكلام ولا وش رايج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يديم المحبة بين كل زوجين ويتهنون ببعض قول وفعل

__________________
استغفر الله .. سبحان الله ..الحمد لله .. لا اله الا الله .. الله اكبر

تسلمين خيو على هالموضوع والله انش رفعتي لي معنوياتي لانه اشكثر كنت اعاتي من هالموضوع الف شكر لج

تدرين وين مشكلتي مو في انه مايقول كلام
بالعكس يقول
وشاعر بعد

بس انا ادا جيت اقول له كلمة حلوة

يقول لي نصابة او عيارة
يقهرني

واقول بس ماعاد اقول له كلام مرة ثانية

اقول له حرام اعبر عن مشاعري لك

بس ادا سويت افعال بدون كلام يعجز حتى عن التعبير

انا يحبطني لا صرت اقول له كلام حلو وعذب ورمانسي ويقول لي نصابة عيارة فتحتي الصندوق

يحسسني انه مزح كلماته بس تقهرني احيانا احسه من صدقه يقولها

خصوصا اني كنت ادا بغيت اطلع او ابي شي اتحايل عليه اعطيه مقدمة عريضة من الغزل والكلام الحلو علشان يوافق بس والله يكون الكلام من قلبي طالع علشانه وبنفس الوقت علشان يوافق اطلع يعني مثل مايقولون اضرب عصفورين بحجر
ويالله يالله اقدر عليه الحين عاد يحس اني ماقول كلام حلو الا علشان ابي شي او ابي اطلع

لانه مايخليني اي مكان اروح قاعد في الرياض واوامره توصل البحرين!!


والله اني من قلبي اقول له هالكلام بس ليش دايما يقول لي عيارة ونصابة

__________________