قبل مايخطبني طليقي ويتقدم لي ..كنت بنت عادية جدا .كل همي دراستي وكتبي ..ولما اشتغلت صار همي شغلي والتميز فيه ..ماكان الزواج يجي على بالي كثير ,.بس لما تزوجت بنت عمي وهي من أقرب صديقاتي ..وأصغر مني ..حسيت كأن حد ضربني على وجهي وقال اصحي)..في شي اسمه زواج .
بديت أفكر بالزواج وادعي به ..كانت فكرتي عن الزواج أعتبرها واقعية ..عرس ورجال ..وبعد فترة عيال ..ومش حالك ..
ماكنت أنظر مثل نظرة البنات للزواج على إنه روماسية وحب و((كلام فاضي))أصلاً ماكنت أصدق ان فيه شي اسمه رومانسية ..
كنت احس ان هذا بس في الأفلام العربية ..أما في الواقع فكنت أتوقع إن مافي شي إسمه حب بمعنى عشق وهيام..
كان يكفيني من زوج المستقبل إنه يحترمني ويعاملي معاملة طيبة ..يحبني ..لكن أبدا ماكنت أشترط ولاأتوقع ولا خطر على بالي في لحظة إنه يصرح لي بهذا الحب ..يمكن طبيعة تربيتي تلعب دور ..أنا عشت في بيت كل أفراده ناس تكابر على مشاعرها وماتظهرها ..حتى امي ..تحببنا وتخاف علينا ..لكن عمرها مثلا ماقالت لي حبيبتي ..مشاعرها تجاه بعض نخفيها ..لدرجة إن حتى السلام نستحي نسلم على بعض ..
ولما خطبني طليقي ..فرحت وايد ..قلت في بالي (الله استجاب دعاؤي وبتزوج مثل بنت عمي ومحد بيقدر يقول فلانه عنست) ..
ماكت متوقعة منه كلمة حلوة أبدا ..
في يوم عقد القران ..عطاني وردة ..والله العظيم ضحكت ..قلت يمكن يبي يخفف جو التوتر ..
بعدها بدت المكالمات العادية ..مافيها غير السؤال عن الحال وشوية معرفة ظروف بعض .,وشصار معاك اليوم وإيش كلتي ..
مسجات الغزل ..لما كنت أقراها منه كنت أقول في بالي (مسجات جاهزة مو من قلبه )
بعدها بفترة ..مرضت ولما كنت اكلمه ,,كان صوتي يبان عليه التعب ,,
بدا يغمرني بحنانه وكلامه المعسول ..فز قلبي لأول مرة ..
وبعدها بدا يسمعني كلام الحب والغزل اللي عمري ماتوقعت أسمعه في حياتي ..حسسني إنه العاشق المغرم الولهان ..كان يبين لي إنه مايقدر يستغنى عني أو عن صوتي ويشتاق لي ..وإني فرحة عمره ..
والله العظيم أول مرة سمعت منه كلمة (حبيبتي) حسيت بخوف ورجفة في قلبي ..رحت ثاني يوم الشغل وأنا أتلفت حاسة بخوف ..
وشوي شوي تعودت على كلامه الحلو ...صرت إذا ماسمعت كلمة حبيبتي أتضايق ..صارت الرومانسية أهم شي في عاقتي معاه ..
وطحت في المصيدة ..اللي كنت أعتبره خرابيط وكذب وكلام فاضي ..صار بالنسبة لي أهم شي في علاقة أي زوجين ..
المشكلة الكل لاحظ إنه حابني ..وكان يصرح علنا امام أهله بإنه مغرم ..
حتى إنه أمه مرة قالت لأمي ..
بنتكم إيش سوت في ولدنا ..طول اليوم يتغزل فيها ..
وأنا الغبية صدقت ..ومرت الأيام ..وابتعد ..واتهرب ..وطلب الانفصال ..بحجة إنه معيون أو في سحر ..أو ...ماادري ..مو مهم
أحداث كثيرة صارت في هالفترة ..مشاكل وتدخل من الأهل وشيوخ ..وقران ودعاء ..
والنهاية ..طلاق ..
راح من حياتي ..فقدت الصوت الحنون والكلمة الحلوة ..
والله إني كنت أرتجف من شوقي لكلامه ..لدرجة إني كنت أجيب ماي زمزم ..وأمسح فيها على صدري وأقول يارب صبرني ..
كان يكذب في مشاعره أو كان صادق ماأدري ..
ماعاد مهم إني أعرف ..بس المشكلة ألحين صرت رومانسية ..الله يقطع الرومانسية وسنينها ,,
يعني إذا رب العالمين رزقني وتزوجت (الحمد لله متفاءلة)
يبصير عندي عقدة ..إذا ماسمعت كلام حلو بحس بنقص ..وبتعور راسي الذكرى ..مع إني ماتوقع إن في حد يقدر يقول كلام حلو مثله ..كان شاعر ..يهندس الكلمة قبل مايقولها ..يقولها في وقت ماتتوقعونه ..يفاجئني فيها ..والله لو ماكنت خايفة إني أتذكر واتعب أكثر كنت بكتب لكم أمثلة ..
لما كنت أقول حق صديقاتي عن كلامه الحلو وفي منهم متزوجات ومجربات..كانوا يستغربون ..يقولون هذا فنان ,,ودايما يقولون لي الله يعينج شلون بتقدرين تنسين ,,ومن قال إني أقدر انسى ..
خايفة أتزوج واحد مايعرف الرومانسية ..وتشتغل المقارنة وأتعب ..
وخايفة أتزوج ..واحد يقول لي كلام حلو وأحس إنه غشاش وكذاب ويلعب علي(صار عندي عقدة حسبي الله ونعم الوكيل )
ليش الشبا يلعبون بقلوب البنات ثم يحرمونهم ؟؟..
على بالكم سهل ..تقولون للوحدة (حيبتي وأحبك) بعدين تنحرم منها ..
ماعرف إيش ممكن أقول اكثر ..بس انا فعلا خايفة أحس نفسي صرت معقدة ..ماعندي ثقة بحد ..دايما احس الناس كذابين ..ومشاعرهم مزيفة ..وهذي اكبر سلبية ..طلعت فيها من طلاقي ..
صار عندي سوء ظن ..وخوف وعدم ثقة ..
الله يستر من الجاي ..
أبي منكم تنصحوني وتدعون لي ..

على فكرة ..أنا منفصله قبل الدخول ..

(لما كنت أقول حق صديقاتي عن كلامه الحلو وفي منهم متزوجات ومجربات..كانوا يستغربون ..يقولون هذا فنان ,)
اختي فيه اثر يقول استعينوا على قضاء حوائجكم بالكتمان الله يهديدك اشلون تقولين الكلام اللي يدور بينكم لصديقاتك او اي احد بالدنيا
الحين حسيت ان الدعوه فيها عين والعين حق


اختي اصبري واحتسبي واكثري من قول اللهم اجرني في مصيبتي واخلف لي خير منها
وتيقني من الفرج وربي بيعوضك خير

اما عن انك شايله هم اذا تزوجتي ما يكون مثل طليقك
ابدا لا تشيلي هم لان الواحد سبحان الله يبرمج نفسه لا شعوري حسب الانسان الي قدامه

بس اهم شي اذا انخطبتي كتمي على اخبارك وكلامك مع خطيبك


الله يرزقك بالرجل الصالح الي يصونك ويعوضك خير
حفظك المولى

دروب الخير :
جزاك الله خير على مواساتك ودعواتك ..اعرف اني غلطانه ..من فرحتي بكلامه الحلو ..كنت كأني مكتشفة الذرة وأي أسجل براءة اختراع ..

غلطانة مليون في المليون أعترف ..وهذا درس لي ..

الله يعوض على الجميع ..ويجزاك كل الخير يارب

الله يصبرك اختي

والله انعم على الانسان بنعمة النسيان غيررررررررررررك ملايين من المطلقات الي فقدوا الكلمة الزينة او الارامل الي فقدوا الرومانسية والحنين

الحمدلله عدت على خير

تذكري انك كنتي عايشة في هالكون قبل تعرفيه اذا انتي قادرة ترجعي زي اول

صدقيني الانسان هو الي يبرمج عقله انه يحب شيء او يكرهه

الدنيا ماوقفت على رجااااااااااال

اذا حصل نصيب اسالي عنه زين قبل توافقي

وانتي اطوي صفحة الماضي ولا اقولك ارمي الصفحة كلها وقطيها خارج حياتك وخذي منها درس ان الضربة الي ماتموتك تقويك

صدقيني ماحد بهالمنتدى لو شو ماحكى بيفيدك قد مانتي تشغلي عقلك وتؤمني بانه " لعل في الامر خيرة"

والله يوفقك وخلي راسك مرفوع دايم

هذا عزائي ..إن في كثير مثلي وأسوء مني وصابرين ..الله لايحرمنا وياهم الأجر ..

أنا عارفة محد يقدر يسوي لي شي ..بس كنت حابة كلمة طيبة تخفف عني ..أو دعاء من قلب رحوم يفرح قلبي ..

الله يجزاج خير ..رفعتي معنوياتي ..

حبيبتي للاسف بعض الرجال كذا يقولولها كلام حلو الين مايعلقوها فيهم بس بعدين يتهربوا
لله المستعان ربي يعينك قلبي معاكي

__________________
اللهم اغفرلي ولوالدي وارحمني واسكني فسيح جناتك ياحي ياقيوم

حسبي الله ونعم الوكيل في اللي يسوي كذا ..
مشكورة حبيبتي على وقفتك الطيبة معاي ..

الله يوفقش ان شاءالله يارب و تحصلي علي الا احسن منه و اكثري من الاستغفااار

اااااااااااامين حبيبتي ..الله يجزاج خير يارب ..