السلام عليكم ورحمة الله وبركاته ...
اخواني واخواتي ...
ممكن ادخل بالموضوع بدون مقدمات ... لاني محطمة نفسيا ومتدايقة كتتير ونفسي اشكي لحدة همي وما يسير ينظّر علي او يصرخ علي ...
ممكن تستحملوني .. وتساعدوني ... وتنصحوني ... انا فعلا تعبانة .... وحاسة راسة رح ينفجر من التفكير ...

وبعتذر عن طول الموضوع ... قبل ما ابدا ...
ورح اكون صريحة واحكي كل اللي بقلبي ... وكأني بحكي مع حالي ... فارجوكم ... لا تطلقو علي الاحكام وتتهموني بالغرور او اي صفات اخرى ... انا بس بدي افضضفض ... والاقي حل يريحني ... استحملوني


انابنت اتخرجت من الجامعة السنة ، دارسة هندسة ، والحمدلله تخصصي مطلوب كتير ، واول ما تخرجت توظفت ، وبراتب منيح كتير ...
المهم انا الحمدلله على قدر عالي من الجمال والدين والاخلاق ، ومن عائلة مستواها الاجتماعي عالي ، ووضعها المادي جيد جدا ... ( ارجوكم لا تحكو مغرورة ... انا والله عمري ما كنت مغرورة غير باخلاقي وديني ...)
المهم ...
قبل ما انهي دراستي تقدم لخطبتي عدد كبيير جدا من الشباب كل واحد احسن من التاني ، جميعهم على مستوى من الاخلاق والدين والعلم ومن عائلة محترمة ... بس انا كانت دراستي صعبة كتتير فما كنت قابلة ارتبط قبل ما اتخرج ...
المهم ... بعد ما تخرجت باسبوع تقدم لخطبتي شاب ... طبيب ، ومن عائله متواضعه جدا ، ووضعه الاجتماعي والمادي اقل مني ومن كل اللي تقدمولي قبله بكثير ...
طبعا انا بالبداية كنت رافضة فكرة اني ارتبطت بطبيب نهائيا ... بسبب طبيعة عملهم المتعبة نومهم خارج البيت ... المهم اهلي اقنعوني واصرو انه انا اشوف الشب وبعدين ارفض او اقبل ... وفعلا شفت الشب ، وما بعرف كيف مشي الموضوع بسرعة ووافقنا وقرأنا الفاتحة ... وكان موعد كتب الكتاب بعد اسبوعين ... وطبعا بهاي الفترة كنا نحكي مع بعض بالتلفون ...
والمشكلة بتبلش من هون ... انا كنت اكون مبسوطة وانا عم بحكي معاه .. بس قبل كتب الكتاب بكم يوم صرت احس انه مش الانسان اللي بيناسبني .. وانه حتى اقل من المستوى الديني اللي كنت افكره فيه ، بمعنى انه انا تنازلت عن كل الامور المادية والاجتماعية عشان اخلاقه ودينه اللي طلعه اقل مما كنت فاهمه بكتيير ، يعني دينه لا يتعدى الالتزام بالفروض الرئيسية ، علما انه انا ملتزمة كتتير ...
وبعدين بلشت تصيير مشاكل مادية ... .وبلشت احس كم انا رح اتغلب ماديا بالعيشة معاه ...
ويوم كتب الكتاب ... صرت ابكي واحكي لاهلي انه انا خلص ما بدي اياه ... وطبعا اهلي صارو يصرخو علي وفكروني بتدلل ... واجى المأذون ... وكتب الكتاب وطلع ...
قلبي ارتاح شوي ... بس بعد كم يوم رجعت اعاني من نفس المشكلة ...
يعني الملخص انه انا خايفة اعيش طول عمري بحسرة وندم انه انا كان ممكن اعيش حياة احسن من هيك بكتير ... مش بس على الصعيد المادي بل والديني والاجتماعي ...
ع فكرة انا ما بكره خطيبي ، بس كمان ما بستلطفه ... ولا بحب اشوف او بالاحرى ما بتفرق معي اذا شفته او حكيت معه او لا ...
وهلا شو اعمل ... هل اتركه لاني ممكن اكون بظلمه وبظلم حالي ...
صحيح ... انا اكتر شي معقدني انه بيحسسني من كلامه انه انا المحظوظة اللي هو قبل فيه ...
وبصراحه كلامه بيدل على انه انا ما كنت الاولى بحياته ، وانا كان كل طلبي من ربنا انه ارتبط بانسان انا الاولى بحياته مثل ما هو الاول بحياتي ...
وكمان اتضح انه كتير مهتم بموضوع وظيفتي ، عشان يعني اساعده بمصروف البيت ، علما انه انا كنت مفكرة استخدم راتبي حتى اكمل دراسات عليا ... يعني طموحي كله راح
ساعدوني الله يخليكم ، بشو بتنصحوني .. انا خايفة اضل عايشة بعقدت الندم طول حياتي ... ولا تنسو المجتمع ونظرته للبنت اللي كانت خاطبة وتركت ...
بستنا نصائحكم على احر من الجمر
والله يجزيكم الخير

صلي الخيرة و ادعي ربي يدلك و ينورلك بصيرتك و ترا الزواج دا عمرك لازم تختاريه بتأني من غير أي ضغوط لأن الزواج دا حياة تانية و لا زم ما تتزوجي الا و إنتي مقتنعة بالشخص الي بدك ترتبطي فيه تماما و الزواج ما في مجاملات أبدا

انا فعلا استخرت كتيير ... وفي كل مرة كنت استخير عشان خطبتي من اي شاب كنت اكون متضايقة كتير واكره الشب اللي متقدم لخطبتي ... لكن هاد الشب اللي هو الان خطيبي كنت مرتاحة لما شفته وما كرهته ابدا ... بس انا خايفة من حالي ...
الله يجزيك الخير على مرورك وردكking-n-quean

طبعا من الصعب ان تجدي شاب ان تكوني الاولى في حياته


ولكن المشكلة الخطيرة انك غير مقتنعة به

من جوانب كثيرة

من الافضل ان تكون مقتنعة بزوجك .

اختي استخيري ربك

اختي المهندسة
اما انك استخرتي الله فيجب ان تكوني على ثقة كاملة بمن استخرتيه وبما انك قلت في كلامك انك لا تعرفي كيف سارت الامور وقراتم الفاتحة وبعدين تم كتب الكتاب فهذا تيسير من الله وكوني على قناعة ان الامر لو لم تكن نهايته الى خير لما يسره الله لك لانك استخرتيه لذا وبرايي ان تصبري ولا تتوقعي ان اي شيء تتمنينه ياتيك كاملا بل لا بد من بعض النواقص التي تكمل فيما بعد بالمصارحة وبعض التنازلات فانا متاكد ان سالنا خطيبك لافادنا بان هناك بعض الملاحظات عليك وبعض النقاط سيحاول تغييرها بعد الزواج.

عزيزتي الزواج هو كخلط الماء البارد والساخن فنرى ان البارد ترتفع حرارته بعض الشيء والساخن تنخفض حرارته بعض الشيء ليصلوا الى ما يسمى التوازن الحراري وعليك انت وخطيبك ان تجلسوا سويا وتتحدثوا بصراحة وصدقيني ستنتهي الامور كما تحبين وترضين

ملاحظة بالنسبة لدينه فهناك الكثير من النساء الاتي اعدن رجالهن الى طريق الله بعد الزيغ والضلال ولله الحمد خطيبك بما انه ملتزم بالفروض فهو قد تجاوز الكثير من المراحل ليصل الى الالتزام بالسنن ان شاء الله

وفقكم الله.......

عزيزتي..

حطي شروطك في فارس أحلامك.. (شروط واقعيه).. وشوفي كم منها ينطبق عليه؟

فإذا الوضع الإجتماعي والمادي والديني غير مناسب..و إذا شخصيته غير مناسبه..

لماذا ارتبطت فيه؟؟

عموما.. خلي في بالك إن مو أهلك اللي رح يتزوجوه.. إنت اللي رح تتزوجيه وتعيشي عمرك كله معه..

كوني واقعيه.. مافي إنسان كامل.. لكن إذا الأساسيات غير موجوده فأنت لست بحاجه له..

وطمنينا عنك

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

حتى أنتوا بمصر نظرة الناس للمنفصلة مثلنا!!!


الله يكون بعونك

اشكركم جميعا على مروركم ونصائحكم الغالية علي فعلا
والله اني محتارة ... انا نفسي ما بعرف كيف وافقت وكيف تم الموضوع ... كنت كأني انسانة تانية ، فجأة نسيت كل الشروط والمواصفات اللي كنت حاطتتها ببالي ... انا في البداية كنت اقول انه مدام انا استخرت فخلص الخيرة فيما اختاره الله ... بس بعدين لما صرت احس بهاد الندم ، وصرت ما انبسط باتصالات خطيبي ... صار عندي قلق من شكل مستقبل حياتي معاه ...
وعلى فكرة ( عبير الرياض ) انا مش بمصر انا بالاردن ... وللاسف بنعاني بشدة من مشكلة نظرة المجتمع للمنفصلة ...
وبحب اركز على نقطة ... انه خطيبي شخصيته مش سيئة بالعكس ... لكنها اقل من الشي اللي بنيته من مقابلاتي الاولية معاه ...
والحيرة كلها تكمن من الفارق المادي والاجتماعي اللي بينا ... واللي كنت متغاضية عنه بسبب الدين اللي اتضح انه اقل من اللي كنت مفكرته ...
جزاكم الله الخير على مروركم اخواني ... واكيد رح اخبركم اذا صار معي شي جديد...
وبستنا المزيد من نصائحكم

استخيري لإن الشئ هذا بيبقى معك طول العمر إن ما تغيرت مشاعرك و نظرتك من دحين