هل انا ضعيفة الشخصية؟؟.........
بسم الله الرحمن الرحيم
كل عام واخوتي الأعضاء بخير وعافية
أدخل على طول في الموضوع
دائما مايقال لي (أنتي ضعيفة الشخصية)
بصراحة انا مهما أحد جرحني وزعلني أسامح على طول وأحن عليه
كثير تمر علي مواقف وزعل مع صديقاتي وأهلي وأقربائي لكن أسامح على طول
مثلا أقرب شي وحدة الله يهديها سببت مشاكل بيني وبين زوجي وكانت للأسف بتوصل للطلاق
وبعدها الحمد لله رجعت المياه لمجاريها بيني وبين زوجي والكل عرف ومنهم زوجي إنها هي الغلطانة
وهي من قريباتي وتقريبا مايمر شهر إلا وأقابلها وسامحتها وأحس إني حانة عليها لأن الكل مايبغاها
بسبب مشاكلها
قلبي يحترق لما أسمع أحد يتكلم فيها أحس إنه لازم أحد يصحيها ويعلمها كيف تتعامل مع الناس
والكل يقولي إنتي طيبة زيادة عن اللزوم وانتبهي لا أحد يضحك عليكِ
كمان لما أخرج لأي مكان وأشوف طفل أو إمرأة أو رجل متسول أحن عليه لدرجة إني والله أبكي
وأتخيل فين عايش وايش بياكل وكيف حياته وأحس بالقهر لما مايكون معاي شي عشان أعطيه
وزيادة على كذا أحلم فيهم كم يوم
والله تعبت من هالأحساس حنونة زيادة عن اللزوم ومسامحة ولا أحب أخلي إنسان زعلان علي
مهما كان مسوي فيني
هل يعتبر كل ذلك ضعف في الشخصية؟؟؟؟؟؟؟؟؟؟؟
أتمنى رأيكم وبكل صراحة
وجزاكم الله خيرا
تـحــيــــــــــــــــــــــاتي
التعديل الأخير تم بواسطة *الماسة* ; 01-09-2007 الساعة 07:29 PM
01-09-2007, 07:27 PM
ضوابط المشاركة
العرض الشجري