ما كتبت مشكلتي الا لاني ارتحت وايد من تعاونكم ويا بعض واتمنى انكم تعطوني الحل لمشكل عسى الله يحل مشاكلكم كلها ...

مشكلتي هي اني ما احب زوجي من قبل ما اتزوجه ولحد الحين مافي حب وانا الحين كملت وياه 7 سنوات وعندي اثنين عيال والله العظيم اني حاولت بكل الطرق اني احبه بس ما في فايده بتقولولي ليش اتزوجتيه وانتي ما اتحبيه بقولكم ذيك اللحظه كنت اشوي صغيره وقلت ماعلي بتزوج ويمكن ييجي الحب بعد الزواج مثل ما يقولون واتزوجت وانتظرت الحب ييجي ولا جا وجلست احاول واحاول بس مافي حب ولا في استمتاع باللذه الجنسيه ابدا ما ارتاح ويا في الجنس واذا عاشرنا بعض يكون بدون مداعبات وبسرعه بسرعه لين ما يخلص وانا اتريا ان يخلص بسرعه لاني ما اريد مش حاسه بالاستمتاع ولا باللذه بس حط وخلص وخلاص والحين صارلي تقريبا 4 شهور وهو ما يعاشرني خلاص ما عت اتحمل زياده للصبر حدود ونا خلاص مليت من الصبر دخيلكم شورو عليه شو اسوي والله اني افكر بالطلاق شو فايدة زواجنا بدون حب يعني احنا متزوجين بس اسم ومع هذا كله اتزوج عليه وبعد ما اتزوج تعبت كثير والله اني تعبت نفسيا وهو مش حاس فيه ولحد الحين انا تعبانه وافكر اني اطلق

عزيزتي بس بذكرج ان الطلاق ابغض الحلال عند الله وبعدين انتي عندج بيبيين يعني في اطفال وغريبه ماجه الحب بعد الزواج كل هذي السنين اكيد في شي غلط بالموضوع سبع سنين مو شويه كفيله تظهر لج المشاعر بس اكيد انتي تعزينه لان اكيد في اشياء حلوه بينكم كفايه الاطفال من احلى الاشياء .. دوري على الغلط في حياتك وحاولي تصلحينه لان حرام تضيعي الاطفال اللي بينكم والله يكون في عونك ويسهل عليك ويحببك في زوجك ويخليه يموت عليك وما يشوف احد غيرج

والله انا بنفسي مستغربه ليش مافي حب وبعدين كيف ما يشوف حد غيري اذا هو راح اتزوج عشان يجيب عيال ولا فكر في مشاعري بس همه راحته وسبحان الله شوفي كيف ربك كريم قبل زواجه باسبوع انا طلعت حامل

كيف يتزوج علشان العيال وانتي عندك منه 2 ؟؟؟

شهر واحد بين اي زوجين تولد التودد قبل الحب .. وانتي 7 سنين وماعمرك حسيتي حتى بالتعود ..


شوفي حبيبتي اول شي شيلي من بالك فكرة الطلاق .. لانه ابغض الحلال .. وماف سبب مقنع لطلب الطلاق ..



حبيبيه في نفسك .. الرجل بطبيعته مايميل الا اذا شاف شي ملفت سواء كان بمظهرك او حتى طريقة كلامك او حتى دلعك وانوثتك .. الفتي نظره عليكي ..

لا تنظري لعيوبه .. وانظري ايش سوا لك .. انظري لعيالك بالله مو احسن هديه قدمها لكي ؟؟؟


عزيزتي اصلحي حالك وحال زوجك .. لانك انتي الكسبانه والخسرانه بنفس الوقت لكن يفرق بحسب قرارك انتي ..


الله يصلح حالك

__________________


اللهم فرج كربتي ويسر امري واكتب لي الخير يارب

حاولت معاه بكل الطرق من لبس واغراء وانوثه بديت انا اللي اتقرب منه صراحه سويت كل شي بس مافي فايده

سؤال


ما هو مفهومك للحب؟

نويره حبيبتي انا كملت معاه 4 سنوات وما جبت عيال سقطت 3 مرات وهو قالي اذا اتريديني ما اتزوج حيبيلي عيال قلتله اصبر هذا شي مو بيدي انا بس هو الله يهديه ما صبر وعلى طول راح واتزوج وسبحان الله قبل زواجه باسبوع انا طلعت حامل اللهم لك الحمد ....

بس قوليلي كيف تجبرين نفسك انك اتعيشين مع شخص انتي ما اتحبينه ولا قادره مع كل المحاولات والله اني رح استخير اذا اطلق ولا لا لاني تعبت من هذي العيشه مش حاسه اني متزوجه مثل باقي المتزوجات اللي يحبون ازواجهم

حبيبتي نينجا مو شرط يكون في حب بين المتزوجين بس اكيد في عشره وانا صراحه الوم زوجك انه يلومك على الانجاب لان هذا بايد الله مو بيد احد والحمد لله جبتي اطفال .. بس المطلوب الحين انك تحاولين تخلين حياتك حلوه مو شرط تحبينه حبي نفسك واعتني بنفسك واطفالك وخليك على طول انيقه ومرتبه ومهتمه بنفسها من ثقافه او رياضه او اي شي يسليك ويغير حياتك وعيشي معاه يمكن هو راح ينتبه لك لم يشوفك مهتمه بروحك وتعملين لنفسك واطفالك .. اشغلي وقتك ولا تفكرين فيه خلي اولوياتك لك وللاطفال يمكن كذا تجبرينه يرجع لك بس لم تحسينه ابتعد او حاول يتقرب اهتمي فيه يعني مو تنطنشينه بالمره حتى لو مافي حب

ما تجدينه على زوجك ليس لك فيه سلطان , فالمحبة من الله , فهو يحول بين المرء وقلبه

فاطلبيها من الله , ولا يدفعك ذلك الى معصية زوجك أو أديته فهنا تنالين الإثم وتلامين

اما زوجك فقد شعر بذلك من ناحيتك , فسب سنوات ليست بالسهلة , ومن حقه أن يجد

امراة تحبه , وحتى يسهل الأمر عليك تخيلي العكس ان زوجك يكرهك وأنت تحبيه فما رأيك