مبارك عليكم الشهر

تدرون صار لي موقف عصر قلبي عصار حسيت بالالم والحسرة على حالي يااااارب فرجك

والسبب مو خطبت اختي الي تصغرني ب3 سنوات لا انا احب لها الخير مثل ما احبه لنفسي

تدرون شنو السبب الطريقة الي عرفت فيها هي طبعا خبرتني ان فلانة جايبة ليها عريس ومر الموضوع جان

تجي اختي الي تصغرني ب 12 سنة وهي توها مخلصة مدرسة وجايفة روحها وتقول لي ان هي تدري من

زمان بس امي قالت ليها لاتقول لأحد وهذا الاحد اكيد انا تصورو اختي الصغرة تدري وكل بيتنا يدرون إلا انا

زوجات اخواني يدرون قبلي ليش هذي المعاملة من اعز الناس الى قلبي انا اول وتالي راح اعرف ليش

يسون فيني جذي ويجرحون احساسي طلع انا الوحيدة الغريبة عنهم وانا الكبيرة فيهم كل هذا عشان اني

مو متزوجة ولله مو بيدي البارح وسادتي غرقت من الدموع وكل الي جافني اليوم يسألني شنو فيج وانا اقول

مافي شي عوار بطن شوي ولله نفسيتي تعبت من كثر التفكير قررت اقاطع الكل ولا اكلم احد واعيش غريبة

وسط اهلي نفس ما حسبوني غريبة وزوجات اخواني طلعوا اقرب مني عندهم

بالعكس هذا يدل على حرص أهلك على مشاعرك وحبهم لك.. أكيد الشي هذا مسبب لهم ألم ويخافون تشعرين بنفس الشعور! وضحي لهم أنك مبسوطة لزواج اختك ولا تظهري حساسيتك تجاه الموضوع والنصيب بيجيك سواء تزوجت اختك الأصغر منك قبلك أو لم تتزوج..

هم أكيد غلطوا

لكن عن حسن نية

هم ماعلموك خوفا من جرح مشاعرك

مو لاقيين طريقة يقولون لك فيها الخبر خايفين من ردة فعلك

أتوقع عشان كذا تأخروا ماقالوا لك بينما الكل درى بالخبر قبلك

فإنتي أنظري للموضوع من هذا الجانب

أما إنك تعيشين غريبة بين أهلك وتزيدين على نفسك هم فوق هم فهذا راح يتعبك إنتي أول وحدة

بالعكس اظهري لهم فرحتك فيها وبكل بساطة عاتبيهم اشلون يخبون عليك خبر مثل كذا

عارفة إنها صعبة وصعبة كثير وأنا مريت بموقف مشابه

لكن لازم نسوي كذا لحد ماربي يفرجها علينا

وإن شاء الله إن الفرج قريب

الله قادر يفرحنا بخطبتنا مثل مافرحنا بخطوبة غيرنا

آمين ياكريم

لكن انا ما اطيق انهم يخشون عني شي او اني احس بالغربة وسط اهلي انا الحين ودي ارد ابكي من القهر لكن ماسكة حالي باجر وراي دوام وماابغي عيوني تتنفخ

أختي الكريمه
والله ثم والله رغم أني ماعرفك بس لوكنت في مكانهم لما أخبرتك حتى يكون الزواج قريب جداً وتصرفهم هذا سليم 100% كونهم لايريدون أن يجرحونك ويحبونك ويخافون على مشاعرك ويريدونك تعيشين لحظات السعادة أكثر وقت ممكن ولايشغلونك بشئ يزعجك وأتوقع أنهم يريدون أخبارك متأخرة حتى لاتتأثري أحسني الظن بأهلك فهم يحبونك وأختك تحبك فهي من دمك ولحمك وحتى لوأختلفت معك ففي حالة مرضك لاسمح الله ستجدينها أول من يبكيك وقد تخسر زوجها لورفض مرافقتها لك فسترفض كلامه وهذا هو الواقع الإنسان لايعرف أحبابه إلا في الشدائد أما وقت الرخاء فجميع الناس وحتى الأصدقاء أحباب
وبالنسبة لأختك الصغيرة فهي مراهقة ولاتحسن التصرف وعندما تكبر ستعرف أغلاطها وتندم كل مراهق ليس عليه شرهه والسلام

__________________

لقد ابكيتني انا كنت حابسة دموعي وكلامك فجرها

لا يا اختي لازم تفرحين لفرح اختك
اهم صحيح غلطوا بحقك وبالعكس بدال ما يمشون الموضوع عادي كبروا المساله باخفائهم الامر عنك بس
يا اختي خلي قلبك كبير وعلميهم ان هاذا الشي يسعدك بوقفتك مع اختك علشان تبينين لهم وللناس العكس
وانهم غلطوا بتصرفهم
لاكن صدقيني ان قررتي تنعزلين بيكون من وجهه نظرهم الي سووه معك صح

الله يوفقك ويفرجها لك

أختي الكريمه : مرة 1 وفقك الله
الله لايجعل دمعتك تنزل إلا عند الدعاء وفي الصلاة ولكن لماذا ياترى أبكاك الرد هل لأنه صادق وخرج من القلب ووصل ألى القلب أم بسبب شئ حرك المشاعر وذكرك بجراح معينة
وأتمنى أن لايكون هناك سبب أوتنبيش جراح
والله يحفظك من كل مكروه ويسعدك في حياتك ومماتك

حبيبتي الغالية مرة
والله كسرتي قلبي بدموعك الغالية..دعوت لك دعوة صادقة وأنا افطر الأن
الله يفرج همك ويرزقك ويرزقني ويرزق كل بنات المنتدى ازواج صالحين...امييين
حبيبتي...لا تضيعين دموعك الغالية..استغلي هذا الحزن بالدعاء والتقرب الى الله..وان شاء الله تجدين الفرج قريبا ونفرح بك كما فرحنا لأاختك
حبيبتي..تقربي الى اختك وقبليها ووضحي لها كم انت سعيدة وبعدها عاتبيها..فستحس بتأنيب الضمير عندما تجد سعادتك لها...ووقفي معها بفرحها وستجدين كم سيؤنبهم ضميرهم كلهم
وفقك الله

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ