ياخوان وياخوات
حبيت اسالكم ..انا مااحب احد يقرب لي شئ او يلمس اغراضي جوال ...الخ ايما يكون !!
واسمع واقرا ان الزوجه دايم تفتش جوال الزوج واغراضه ..وانا صراحة لو يصير هالشئ هذا ابزعل مرررررة..
هل هذا من حقي ؟؟؟؟ولا لا ؟
مع العلم اني ايضا لااحب ابدا ان افتش اغراض الاخرين ..وايضا زوجتي ..ولست من النوع الشكاك ..واذا هي ناويه مش ولابد فلا يردها الا الباب ..اقصد ان مااومن بالمراقبة ...

وش رايكم ...
تصدقون لو اشوف زوجتي جالسة على اللاب توب حقي كان كسرت راسها

قولوا رايكم بدون مجاملة ضروووري

مع احترامي لرائيك هذا كلام غيرصحيح فحريتك تنتهي عندما تبدء حرية الاخرين وما في رجل في العالم بحب يجيب وجع الراس لبيته فكل ممنوع مرغوب فانت عندما تمنع زوجتك من خصوصية ما فانت كانك تشجعها عليها وبالتالي تعامل بصراحة وستكتشف ان زوجتك تصبح لامبالية تجاه الموضوع وعمرك ما تشعر زوجتك انك مخبي عليها شيء

مافهمت اخوي !!
كيف...انا احب الصراحة ..لكن مااحب احد يمسك اغرضي ؟!
خصوصا الجوال والاب توب !!!
اعلموني اذا مخطي ؟!

بصراحـــــــــــــــــــــــــــــــــــــــــــــ ــة مو من حقك ما سوت جريمة مجرد لاب توب يعني شنو بتكون خاش فيه !!!
عموما عااااااااااااااادي جداً اذا مسكت شئ من اغراضك حب الفضول يعني انت بعد بيجي اليوم الي اتفتش في اغراضها ..
تقبل مروري .

__________________

هلا اختي ..
والله ماني راعي هالشغلات ..لكن مااحب احد يفتش علي ..طيب يعني انا غلطان !!!
كل الرجال من اقاربي يحبون يفتشون على زوجاتهم .......
وانا والله فريي انا مااحب الوصايه والتدقيق ...
خلوني اقولكم شغلة الان انا اكتب في المنتدى واخذ راحتي من دون احد يعرفني ..طيب اشرحلكم مشاكلي وتعطوني افتراحاتي ..طيب تصوري زوجتي بدت تطالع مشاركاتي وانا اتكلم عنها ..واقول لوحدة مثلكم شوفي يااختي ..وبارك الله فيكم >>>>>>>>>>>>>>>>>>كان اروح في خبر كان
هذا من ضمن الاسباب ..
طيب انا ارسل لاحد الاصدقاء رسائل خاصة وشكر وتقدير ودعاء ..واحيانا يشرح لي مشاكلة واعطيه بعض الحلول ............طيب اذا فتحت جوالي وشافت هالرسائل ..انا صراحة انقهر

اذا تبوني اشرح زيااادة والله اقول ...........................................

ليش اتروح في خبر كان ؟ هاذي كلمات عادية جدااااا مو كل الفتيات تفكيرهم صغير ، يا أخي السالفة جدا بسيطة وانت مكبرها ...
اسال الله لك الزوجة الي اتفتش اغراضك وتحاسبك على كل كلمة
لا أخوي الله يرزقك الزوجة الصالحة الفاهمة التي تعينك على الحق ...

__________________

انا احس ان انت تجيب الشك لنفسك اشمعنه الموبايل والللاب توب يعني اكيد بكون في شي واللي واثق من نفسه ما يخاف انت لا تمنعها علشان لا تشك هي فيك انت خلك عادي وتصرف طبيعي ولو شفتها مره مسكت شي من اشيائك اقعد معاها وتابعها وشوف هي وش ناويه تشوف وابتسم وقول لها بطريقه مؤدبه انك ما تحب احد يتعبث باشيائك ولا ترى انت راح تتعبث باشيائها وخلك مرن ولا تعصب الامور وصدقني مع الوقت بتشوف انها ماراح تهتم باغراضك

__________________
Nweerh

شوفي اللاب توب قيه شغلات خاصة فيني ..مثلا مذكرات شخصية ...افكار ..مااحب اي ادمي يشوفها !!
الجوال مثل ماذكرت فوق ..

اخوي مع الاخوة حق اذا انت تشدد على الشيئين هذان دون غيرهما معناه في (ان)

شوف انا زوجي دايما تارك جواله عادي ماعمري شفته خباه او خاف اشوفه وتصدق عمري مافكرت افتحه واشوف مسجاته >>>>>>>>>>> لانه لو خايف اشوف شي كان خاف عليه وماخلاه تحت ايدي

وبصراحه انا اذا شفته خباه وخايف عليه الفضول بيذبحني ايش اللي مخبيه علي اكيد شي غلط

وبعدين الاب توب المفروض انه مشترك بين الزوجين واذا حبيت يكون لك ملف شخصي اعمل باس وورد لنفسك وقول لزوجتك انها لاتفتحه مع اعتذار انك تحب انه تكون لك خصوصياتك مع وعد انك ماتخالف في خصوصياتك دينك واوامر ربك فإذا زوجتك ماراقبتك ربك شايفك لاتنسى..

تحياتي..

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

الحقيقة ان البنات تفكيرهم غررررريب ...
اللهم اعني على تفكير النساء
يعني طيب انا مافتش على جوالها ولا عن اغراضها ..مع انه المفروض ادقق عليها ..لكن انا عندي حاجة انو البنت اذا بتفلت الله لايردها ومالها داعي وجع الراس!!!
وبعدين تقولين الاب توب يكون مشترك ..الحين شايل هم السرير الواحد لاني ماتعود .تصدقون اني نصدمت قريت موضوع في المنتدى وحده تشكتي عن زوجها ماينام معها وانما بنام في الصالة او اي غرفه!!
طيب انا احب يكون شوي الواحد مستقل وحر ..ماادري على هذا غلط !!!ولا لا

لعلمك انا احب الاجتماعات وخصوصا الاسرية بس ابغى ان الواحد يجلس مع نفسه شوي