تعالوا سمعوا الخطابة شنو سوت لي؟؟؟ - منتدى عالم الأسرة والمجتمع

22-10-2007, 02:40 PM

غزالة البوادي

عضو نشيط جدا

تاريخ التسجيل: Jul 2006

المشاركات: 568

تعالوا سمعوا الخطابة شنو سوت لي؟؟؟

السلام عليكم..

خواتي وأخواني كلكم تعرفوني..

أنا أختكم غزالة البوادي..

في مواضيعي السابقة قلت لكم إني باروح حق خطابة..

وبالفعل رحت..

المهم إتصلت لي وقالت..

ان في شخص زين..

ونفس المواصفات اللي تناسبني..

قلت لها أوكي..

أتفقت معاها.. أني ألاقيها يوم الجمعة..

لأني الأيام العادية مابقدر..

لأني أخلص دوامي الساعه 6 المغرب..!!

المهم قالت لي أوكي..

فإنتظرتها يوم الجمعه ما اتصلت؟؟

أتصلت فيها ما شالته..

قلت يلا عسى المانع خير..

في الليل اتصلت لي..

تعتذر بأنها ما قدرت وما ادري شنو؟؟

قلت يلا ما في مشكلة..

قالت لي متى تقدرين أجوفج؟

قلت لها ما أقدر إلا الويك إند..

قالت ما تقدرين قبل..

قلت لها وايد الوقت ضيق بيكون..

المهم..

قالت لي أوكي..

وطبعا هي عطتني مواصفات الشخص..

وعمره.. ووظيفته.. وراتبه..

يعني المعلومات الأساسية..

أنا وايد مشغولة في الدوام..

خبركم أشتغل قسم علاقات عامة وأعلام..

يعني كل اشغال الشركة في قسمي..

فنسيت موضوع الخطابة..

بس الصاعقة جاااات هني!!!

0

0

0

0

0

0

0

0

0

0

0

بعد أقل من أسبوع..

الصبح وأنا توني وصلت الدوام..

جاني رقم غريب على الجوال..

فرديت عليه!!

كان رجل..

قال: صباح الخير..

رديت: صباح النور!!

قال: ((فلانـــــــة!!))..

قلت: من؟؟؟ (بحزم.. وعصبية شوي).. هذا أسلوبي نحو الغرباء!!

قال: أنا فلان؟؟

قلت له: أي فلان؟؟

قال: فلان من صوب الخطابة فلتااانه!!!!!!!

ومن الصدمة..

ما عرفت شنو أقول؟؟

شنو أسوووووي؟؟

شلون جذي!!!!!!!

(( تخيلوا القصة.. راحت عطت الشاب رقم جوالي؟؟)) >>>> ناس ما عندها ضمير!!

حبيت اقول لكم قصتي.. بس عشان تحطون بالكم..

وحاسبوا ترا مو كل وحدة عندها ضمير؟؟

تالمت وااايد من اللي سوته فيني هاذي؟؟ الله يسامحها.. شلون تصرفت هالتصرف؟؟

تعطين شاب غريب رقم جوالي؟؟ وما تراعي مشاعري.. ولا تحترم نفسها!!

حاااسبوا يا بنات.. ولا تثقون بأحد..

وتحملوا بروحكم..

الله يرزقنا بالازواج الصالحة..

ويبعدنا عن هالأشكاال..

دعواتكم لأختكم.. تراني محتاجه دعاء يخفف علي ألم الصدمة..

شكرا لمروركم..

__________________

اللهمـ ياقاضيـ الحاجاتـ..
إقضيـ حاجتيـ وإقضيـ حوائجـ جميعـ المؤمنينـ والمؤمناتـ..
وحوائجـ جميعـ المسلمينـ والمسلماتـ..
اللهمـ آمينـ ياربـ..

22-10-2007, 02:47 PM

غـاليــة

كبار شخصيات المنتدى

تاريخ التسجيل: Mar 2006

المشاركات: 4,281

عليكم السلام ورحمة الله وبركاته

حسبي الله ونعم الوكيل

غيري رقمك ياغزالة وإنتبهي على نفسك ولا تثقي بأي أحد

إعتبريها تجربة وأكيد إستفدتي منها ووكلي أمرك لربك

بإذن الله هو وحده من يعلم بحاجتك للحلال وسيرزقك قريباً بإذنه تعالى .

22-10-2007, 02:48 PM

سمو الأميرة

موقوف

تاريخ التسجيل: Sep 2006

المشاركات: 2,454

لا حول ولا قوة إلا بالله

أختي

ترا أنا مازلت غير مصدقة الموضوع

يعني يمكن هي أعطت رقمك لهذا الشاب لأجل يكمك ويخطبك ......طبعا هذه غلط والمفروض ما تسوي كذا

بس ما جا في بالي شي مو أخلاقي ...

طيب إيش قال لك الشاب بعد كذا ؟؟ ولا إنتي قفلتي على طول

أمر ثاني أختي وأسمحي لي

ليش ما ترجعي تكلمي الخطابة ... أتمنى ترجعي تكلميها وتقوليلها هذه الجملتين بس

كما تدين تدان ... والله ياخذ حقي منك

صراحة حركتها تنرفز إللي ما يتنرفز

الله ينصرك عليها يارب

22-10-2007, 02:50 PM

حـدائق الزيـتون

عضو دائم

تاريخ التسجيل: May 2007

المشاركات: 59

بعد عمري انتي فديتج والله صدقتي والله المفروض مانثق باحد صحيح هي ليش تسوي جذي

تصرفها مره غريب وتصرف مافيه لاتفكير ولاعقل بعدين اختي جربي غيرها موكلهم نفس بعض ولكن خذي الحذر واستفيدي من تجربتك السابقه

22-10-2007, 02:55 PM

^فرح^

عضو متألق

تاريخ التسجيل: Jul 2005

المشاركات: 1,211

الله يحميك .. إمكن هي قصدها تتفاهمون بشكل سريع .. بسسس غلط إنها تعطيه رقمك ..

طيب هل هو كرر إتصالاته عليك !!!

__________________
Hug

22-10-2007, 04:05 PM

ensaaan

عضو مثالي

تاريخ التسجيل: Mar 2005

المشاركات: 1,659

نعم ممكن جدا تعطيه رقمك , وسوتها خطابة بقريبتي , وقامت قريبتي ودقت عليها وهاوشتها , وقالت لها لاعمرك تعطين رقمي أحد , أشوى ماعاد عطت رقمها أحد

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

22-10-2007, 04:24 PM

بنان

قلم مبدع

تاريخ التسجيل: Jan 2004

المشاركات: 1,000

فعلا ناس ما عندها ضمير ..

نصيحتي غيري رقمك ..

وربي يعوضك خيراً منه ..

لأن الرجال خصوصا احنا الخليجيين ..

عندهم نظره خاصة للوحده اللي تكلمهم قبل الزواج

ومن دون علم أهلها .. يعني نظره فيها نوع من الشكوك ..

لذلك .. اصرفي النظر عنه ..

وإن حسيتي ان الرجال ما فيه مشكلة وخسارة تضيعيه ..

قولي له : اعطيك رقم الوالد وانت تفاهم معاه ..لأني ما أقدر اتفاهم معاك مباشرة ..

ووضحي له بأن الخطابة استعجلت وعطتك رقمي .. وأنا ما أرضى بهذا الشيئ ..

الله يهون عليك كل عسير

ويرزقك ويرزقنا جميعاً الأزواج الصالحين

.
.
.
.
.
.

بنان

__________________

22-10-2007, 04:47 PM

toti_froti

عضو متألق

تاريخ التسجيل: Feb 2005

المشاركات: 1,988

اتمنى اختي تردي على الخاطبة وتتصلي فيها لانه الي سوته ماله مبرر ولو بحسن نية
وبعد تخلي حد من اخوانك يتصل على الرجال ويخبره انه الخاطبة تصرفت من عندها ولا احد اذن لها

__________________
سبحان الله وبحمده سبحان الله العظيم

22-10-2007, 04:55 PM

اللؤلؤ المجهولة

عضو دائم

تاريخ التسجيل: Jun 2007

المشاركات: 53

فعلا ناس ماتخاف الله

انا صار لي نفس الموقف وياليت كنت ادري والا حتى انا اللي طلبتها كانت مدرسة عندنا بمعهد وطلبت رقم الجوال على اساس تعطيه الاداريات استغربت في البداية لانهم مايطلبون من المدربات ياخذون ارقام لكن ماتوقعت شي سيء واعطيتها الرقم وللاسف الاقي رجل متصل علي بعدها بيوم يقول عن طريق الخطابة فلانة ناس ماتخاف الله تلعب باعراض الناس لمصالحها

22-10-2007, 04:55 PM

#10

Sun_of_me

قلب المنتدى النابض

تاريخ التسجيل: Sep 2006

المشاركات: 2,500

لا حول و لا قوة إلا بالله

الله يعينك ،، و يرزقك بالزوج الصالح عاجلاً غير آجل

__________________

[poem font="Simplified Arabic,5,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
أسير الخطايا عند بابك يقرع
يخاف و يرجو الفضل فالفضل أوسع
مقر بأثقال الذنوب و مكثر
و يرجوك في غفرانها فهو يطمع[/poem]


	[blink]"و اصبر حتى يحكم الله و هو خير الحاكمين"[/blink]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه