بسـم الله الرحمـن الرحيـم ..



بكتب مشكلتي لأني خـلاص ضاقت بي الوسيعه وصلت لحد تمني المـوت بدل مـاأكون فرحانـه

نفسيتي دمـااار

صلوو على النبي ( صلى الله عليه وسلم ) ترى بفضفض يعني بكتب معلقه اللي مستعجل لايقراء

اتخبطت قبل برمضـان من شاب ولد نـاس لو بكتب عن أخـلاقه من هنا لأسبوع مابوفيه حقه

تتمناها أي بنت وإذا فيه شباب تنخطب فهو انخطب من طيبته وحنيته بقول بعض أفعاله

مرره بمشـوار مع آهله وتعدو من المعهد اللي يدرسون فيه خـواته وشـاف بنت تنتظر سيارتها بعد الدوام

وشمس والشـارع فاضي وقف وخلى أخته تسـأل البنت إذا تبغى أحد يوصلها إذا مطولين أهلها

ودايم كذا حنـون لدرجة ( رفقـاً بالقوارير ) من قلبه عنده الأنثى كـائن ضعيف لازم محد يزعله أو

يقسى عليه أو يغلط عليه .. كرريم بالهـدايا وهذا اللي شفته على أخواته .. شكلاً مقبـول على حد مااذكر

.. مابقول ملتزم بس خلوووق ويصلي ويعتمر يعني قايم بـواجبه الديني ..

نجي لي طبعـا زي باقي البنـات جات أمي والفرح مرسوم على وجهها فـلان خطبك لو تشوفون حالتي

يوم قالت لي تقولون حاكمين علي مؤبد مووت انتفضت ارتجف خوف أول ماراحت عني أمي بكيت

استهديت بالله واستخرت ثاني مره استخرت شفته بحلم كان وجهه منور ومريح لدرجة أني صحيت

فرحاانه مااقدر اوصف الأرتياح اللي احس فيه واستخرت ومازلت استخير نكمل بعدها بفترة سألتني

أمي عن ردي وقلت طيب ( نجي لشـئ هو كان مصمم قبل يتقدم رسمي ويعرف أبويا أني أكون موافقه

يعني الكلام محد يعرفه غيري وأمي ) بعد موافقتي بـأيام جاء مع رجـال يخطب رسمي المشكلة

أنهم ماعطونا خبر قبل وأبويا ماكان موجود بس أخويا الكبير وصارت زيارة عادية من باب المعرفه بس

ومافتحو الموضوع بعد ماوافقت انقلبت نفسيتي دمار تمنيت أني قلت لا صدوود مني

والحالة مستمرة من سئ لأسوء ليه أحس كذا ؟؟ المشكلة كلها في الأحلام هذي هيا اللي

جنت عليا كل ماأستخير ( صارت الإستخـارة زي الدواء بس عشان اشوفه في الحلم وارتاح )

أشوف وجهه دايم منـور ومريح وافرح اصحى مرتاحه كم سـاعه بس بعدين ارجع لحالتي

مدري ايش الهبل اللي فيني تتطورت الحالة وصرت مااطيق اهله واتجنب اي اجتماع هم فيه

والمشكلة أنهم خلاص عرفوا أني وافقت وفرحانين مرره

طبعا جاء العيد ماشاء الله من فرحته يوم عن يوم يجي يعيد علينا وهو ماصار شئ رسمي

راح تقولو فين موقع الشوفه من الإعراب هو قبل يخطبني بفترة شافني بالغلط وبس ويمكن على شان كذا

ماطلب شوفه وأنا مستحيل أقول ابغى شوفه ( يصير البنت تتطلب ؟؟ أحسها عيب ؟؟ )

قبل أسبوع ارسـل على ايميلي ( لا أحد يسألني من وين جابه يمكن من أخواته وكمان هو علم أخوي

اللي مرره صحبه معاه واستـأذن منه ) المهم الرسـالة عادية يعني وماتوقع أنه ينتظر رد مافيها شئ ارد

عليه كان تمني لي الخير ومشتاق لليوم اللي اكون معه وكذا مافيه اي تصريح بالحب

لما قريت الرسـالة مو المفروض أفرح ؟؟ لا أنا والهبل اللي فيني تضايقت ليه مدري انصدمت

وماحبيت الكلام ولا لمس قلبي ولا شئ بالعكس تمام ..

أمس جـاء عشان يتمم الموضوع ويحدد وشكله مستعجل مرره

أنا لما عرفت رحت غرفتي وبكيت لحد مانمت

النهـاية


ابـغى حل للي أنا فيه تفسير ؟؟ آتمنى أحس بريع فرحته

خـايفه أقول " لا " لأني احس اتأخرت كثيررر والوقت يمشي والموضوع يتطور وماني عارفه ايش

آسوي أنا أستحي من أمي كيف أقولها كيف اشرح اللي بنفسي لها ؟؟

وربي ماني جاحده ولا تكبر ولا غرور وشايله هم كسرت خاطره مابغى أجرحه

وخـايفه يكرهوني وبصراحه كمان خايفه يكرهني أو اغير شئ بطبعه ونظرته للأنثى واصير دمرت

شئ حلو فيه .. صرت آتمنى أن تجي وحده تقول أننا أخوان بالرضاعه هههههه ادري هبل بس من

اللي فيني آتمنى يرجع الزمن لورى واشتري راحتي

سـؤال للبنات فيه وحده حست نفسي تكتب بشوف كيف حلتها وإذا تم الموضوع وتزوجت

تغيرت ولا كيف ؟؟ أنا عارفه لو تم الموضوع مابيظلمني بأذن الله بس اللي خايفه منه أني آظلمه

ويجي يكتب مشكلته هنا زوجتي باردة المشاعر ترى بطبعي رومنسيه واوزع حنان بس ليه

هالأدمي كأنه محلوف علي مااعطيه شئ


خـلاص خلصت آخيرا معلقتي آتمنى تتجاوبو معايا إن شاء الله تكتبو نكته بس اي شئ انسى

اللي أنا فيه

مرحله واتعدي كل البنات تقلايبا يمروووون فيه واعتقد انه كل خوووف من المسؤليه هذا ينسف الفرحه اذا كان هو مثل ما وصفتي حنون وخلوق توكلي على على الله
والف مبروك مقدما

شكله الولد معروف بأخلاقه وأخاف أحد عطاك عين عليه ..

شي وارد جدا ..

لاتنسين أذكار الصباح والمساء والورد اليومي وسورة البقرة ...

وفيه كتاب يباع عن الرقية إذا كنتِ بالسعودية اسألي عنه في المكتبات الكبيرة "نسيت اسمه" اقريه وارقي نفسك ماله داعي تروحين مشايخ ولاشي ..

واشربي موية زمزم بنية الشفاء ..

وادعي ربك كثييييييير، انتبهي تضيعين الولد من بين يديك ترى وجوده نادر بهالزمن ماشاء الله تبارك الله ...

عزيزتي مشاعر الخوف من الارتباط هذه طبيعية وخاصه اذا انت ماتعرفين الشاب الا من كلام الناس واهله

لكن السؤال ليه انت خايفه منه يعني ايش اللي مو مريحك ؟؟

اذكر في خطبتي ماكنت مرتاحه لاني حسيت انه انفرض علي فرض يعني اهله جدا صحبه مع اهلي وامه قبل وفاتها كانت مثل الاخت لامي اضافة لهيك انه كان في جدا ضغط من عائلته كل يوم جاين وبكل ثقه اول مايدخلون وين عروسه ولدنا >>>>>>>> واكثر شي كان مو مريحني انهم ماكانوا من مستوانا ابدااااااا
يعني كانوا جدا على قد حالهم و زوجي حاليا كان دارس لحد ثانوي >>>> يعني كان عدم ارتياحي منطقي وتمت موافقتي (بصراحه كنت خجلانه ارفض بسبب الصحبه الكبيره بين اهلي واهله مع انه ماكانت لي اي علاقه مع خواته ) وكنت ندمانه ليه اوافق من غير ارتياح للعائله وماانكر اني غلطت لكن الحين عرفت كيف اتعايش مع زوجي واحبه وافهمه رغم عيوبه وعيوب اهله >>> كله راجع للبنت وكيف تربيتها صدقيني اذا الشاب اخلاق وعائله نفس مستواكم الاجتماعي والتعليمي غير وصفك انه طيب وابن ناس لازم تفكري كويس ليه عدم ارتياحك ايش السبب الحقيقي..

وان شاء الله اذا كان مكتوب لكم الزواج ليه تظلميه ؟؟؟ تعودي تعطي خليك مرنه حبيه واقنعي نفسك انه ربنا كتبلك اياه ان شاء الله لخير في دنيتك واخرتك ...

فكري كويس ولاتخلي الشيطان يوسوس لك ..

تحياتي..

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

حبيبتي لاتخافي

تذكري وصية الحبيب عليه الصلاة والسلام (من اتاكم من ترضون دينه وخلقه فزوجوه)

واستخيري ربك والخيرة فيما اختاره الله وياريت تقولي كم عمرك ^^

انا يوم انخطبت تجيني نوبات بكاء وخوف ويوم ملكت يجيني شعور مادري كيف!! والغريب انه اذا صرح لي بحبه وقال احبك احس بمغغغغغغغص واحس ان كبدي تحوووووم ودي استفرغ الله يكرمك والقارئين!!

مع اني والله احبه ومعجبه فيه وبأخلاقه بس مادري ليه!!؟

والآن الحمد لله تدريجيا بدأ يقل ذاك الشعور الغريب


تعوذي بالله من الشيطان ولا تعطينه مجال للوساوس
وتوكلي على الله

وربي يوفقك ولاتنسي الأذكار والمداومه عليها

والله خير الحافظين

اختك امولا

__________________

ثـوب نشل شكرا على المرور أول شئ

اممم نفس كلام صحبتي تقوللي أني خايفه زيادة عن اللزوم وهذا الشئ اللي مخليني كذا

على العموم شكـرا على رأيك وبحطه في بالي وبحاول اتغلب على الخوف ..

جنة الدنيـا << حلو إسمك


من ناحية أخـلاقه فهو ينشرى بجد خلووق بسوي اللي قلتي لي عليها بأذن الله أنا طبيعي بقول أذكار الصباح والمساء باقي الأشياء الثـانية بسويها إن شـاء الله ومرره شكرا على المسـاعده
وإذا كان من نصيبي مابيروح وإذا مو نصيبي فالبنـات اللي فيهم الخير كثيررر وربي يعوضني

أختي 2×2
عزيزتي شعورك هذا عادي ومافيه شي ولاهبل ولايؤدي للجنون ...
انا كنت زيك لما ابويه قالي وقعي على العقد رميته وجلست ابكي انتو ماصدقتوا على الله تفتكوا مني ووووو
مع اني كنت موافقه بس حركات بنات
المهم وافقي الله يصلحك وهذي نعمه من رب العباد ولاتجحديها
وشكله ابن حلال مادام مرتاحه في الاستخاره
وجا وطلب يدك خلاص عادي السكوت علامة الرضا واسعدي نفسك ولاتكدري خاطرك وخاطر امك وابوك والخطيب المنتظر
والله معاك

__________________

كريستـال وربي يوم اقراء وصفك لحالتك كأنه أنا تمام مرره ارتحت بديت اشك أني مخلوق فضائي
من الهبل بس اشوا احد زي .. وبديت كمان افسر تجنب اهله هما تقريبا نفس الشئ عروستنا وكذا
وأنا ماحبيت تصرفهم يعني لو يطنشوني يمكن احبهم ؟؟

المستوي متقارب .. أنتي اقلمتي نفسك مع زوجك وأهله
تمنيت أني أحبه من غير ماأحاول اتقبله تمنيت أني اتلهف له

شكـرا على ردك إذا ربي تمم علي راح ازعجك

أمـولا .. نفسي أنتي كمان هذا اللي احس فيه يوم اشوف لهفته ويوم قريت الرساله حسيت بقرف ونفسك تمام ..
أنا عمري 22 سنة اممم إذا سألتي عن العمر عشان تشوفي صغيرة وخبله
ترى وربي عاقله بس بهالموضوع عقلي بإجـازه

أمولا فهمت من ردك أنك مخطوبه لسه ماتزوجتي طيب كم بقي هالشعور عندك وخطيبك زعل
من ردت فعلك لما يكلمك ؟؟

وبس شكـرا