السلام عليكم اخواتي العزيزات
حبيت ابلغكم اني و لله الحمد ولدت بالسلامه و جبت ولد و الحمد لله
و راح احكيلكم كيف كانت الولاده
بالنسبه للي كانو متابعات معايا
انا كان عندي طلق يستمر و ينتظم و يرجع يروح و لمدة اسبوع كامل و رحت المستشفى مرتين بسبب انتظام الالم و قالولي ان الرحم مفتوح من 2-3 سم يعني بالعربي ارجعي بيتك و لمن تحسي انك بتموتين من الالم تعالي
المهم جا موعدي مع الدكتوره و رحت للموعد
و انا في انتظار اني ادخل لها
جاني طلق شبه منتظم
لمن دخلت قالتلي الدكتوره خلاص انتي دخلتي مرحلة الولاده كل اللي قبل كان استعدادااااااات!!!!!
روحي بيتك جيبي الاغراض و تعالي
و ما صدقنا خبر رحنا جبنا الاغراض و رجعنا مره ثانيه الفجر الساعه 2و نص
دخلت غرفة الولاده .... انا كنت طالبه ابرة ظهر و ركبوها ليا
راح تقولوا اجل ولادتك كانت سهله!!!!!!!؟؟؟؟؟؟
المهم
بعد ما ركبوا ابرة الظهر و كل شيء كانت الساعه 4 الفجر
جت فحصتني دكتوره قالتلي يا اما انه 5-6 او 6-7 و الاغلب 6-7
المهم قلت الحمد لله بولد بسرعه ان شاء الله
طلع الصبح و جا الظهر و هم كل دقيقه و الثانيه يسوليفصح و من يوم ما دخلت المستشفى ما حطيت و لا لقمه بفمي لانه ما يصير عشان ابرة الظهر
و يشربوني بس قطراااات ماء
و اللي جو قبلي و بعدي ولدوا و خلصوا و انا اقول ياللا هانت باذن الله
المهم دكتورتي كان عندها ولاده ثانيه و لدت الحرمه و جت كشفت لقت كل شيء زي ما هو ما اتوسع و لا شيء هذا الكلام بعد 8 ساعات من القياس الاول!!!!!!!!!!!!!!
المهم قالتلي مو مشكله انتي بكريه
بعدين الساعه 5 العصر قالتلي لازم نفتح ماء الراس عشان تسرع الولاده و حطتلي طلق صناعي بمحلول
و انا خلاااص تعبت بعد شوي كذا خلص الدواء اللي ببرة الظهر و طبعا حسيت بالااااااااااااام فظيييييييييييييييعه جدا و صرت ابكي و اصرخ و ماني فاهمه الين رجعوا و حطوا الدواء مره ثانيه و ععبال ما يشتغل الدواء احنا بحووووووووووووسه و انا بس ابكي و اصرخ
المهم رجعت لي الدكتوره على الساعه 8 بالليل و قالتلي ما فرق ابدا و المفروض انك تولدين قيصري بس راح استنى عليكي ساعتين لو مافي تغيير بولدكي
وقتها خلااااااااص مت من الخوف و زوجي خاف و امي خافت و خرجت بره مع الدكتوره عشان يتفاهمو هي و زوجي ( يعني تشرحلهم الاوضاع ) و انا صرت ابكي بس ما حبيت ابينلهم اني خايفه و لا شيء
الظاهر زودولي جرعة ابرة الطلق
و جت الدكتوره لقت 8 او 9 و تركتني ساعه زياده
المهم جا و قت الولاده الفعليه من 11 بالليل
و هي تقول ادفعي و انا احاول قد ما اقدر و مره ثثالثه خربت ابرة الظهر( الثانيه ما اتذكرها لان اعطوني كمامه )و رجعوا يصلحوا فيها مره ثالثه و انا خلاص اتقطعت من التعب و البيبي قالتلي انه تعب
ما ادري ايش اعطتني بعد ثلاث ساعات او اني لحالي دخت و قلت لهم ما ابغى اشوف ايش راح تسووا و خبيت وجهي لييييييييييييش؟؟؟ قالتلي انه راح اسحب البيبي انا طبعا خفت
و ما صحيت غير احس بشيء يضغط على بطني و بقوه و انا اصرخ و اقول بطنييييييييييييييييييييييييييييييي وخروا عني بطني تعورني حرام عليكم و امي معايا بالغرفه و زوجي بالسيب يسمع يا حرام
المهم سحبوا البيبي و كان جاهز فريق العنايه المركزه حق الاطفال لان ولدي يا حياتي انهلك و هو يحاول و انا مت من التعب و انا احاول
ولدت الساعه 2 و نص الفجر اليوم اللي بعده
و الحمد لله جا الولد بالسلامه و توته توته خلصت الحدوته
ادري طولت بس هذه كل القصه
27-10-2007, 12:55 AM
قصه ولاده
((الــــهـــــــم سابقـــــــاً )) لاتنسوني
ضوابط المشاركة
العرض العادي
