ارضاء الزوج وعدم اهانة الزوجه
بسم الله الرحمن الرحيم
والصلاة والسلام على اشرف الأنبياء والمرسلين محمد صلى الله عليه وسلم
مادري كيف ابدا موضوعي اللي ممكن مايعجب ناس كثير...هذي اول مشاركه لي واتمنى انكم تتقبلونها بصدر رحب..
انا الاحظ شي غريب بالمنتدى قاعد يصير واللي هو انه كل ماجت عضوه تشكي حالها من زوج ظالم اومتسلط او اناني او غير مهتم او او ...الخ الخ
اغلب الردود اللي تجي انها لازم تتنازل عن حقها وانها لازم ترضخ ولا يصير الغلط عليها انها ماارضته وكأنها مو بشر لها حاجات ولها متطلبات مثل الأخت اللي كتبت موضوع زوجي والأعمال الشاقه يعني هذا مو ظلم اذا كان هو انسان قادر ليش مايجيب لزوجته خدامه ويرحمها مو شرط تجي بوقت تواجده تجي كم ساعه وتنظف وتمشي مو لهدرجه وصل التسلط انه يتجاهل زوجته وراحتها ولا يرحمها مهما كان كل انسان له طاقته انا مااطلب من النساء انها تثور على ازواجها لا انا اطلب من الأزواج الرحمه شوي من الرحمه لأقرب الناس لك للأنسانه اللي اخترتها شريكه لك واطلب من الأعضاء يكونوا منصفين مو عشانه رجل يحق له مالايحق لها كل انسان له كرامته وله طاقه مايقدر يتعداها ولا ماصرنا بشر صرنا مكاين الزواج مو كله طاعه عمياء للزوج الزواج طاعه للزوج من دون اهانة النفس وارهاق الروح الزواج مشاركه واحترام ورحمه وتفاهم وتنازل وتضحيه اتمنى اننا ننصف المظلومين مو نزيدهم ظلم لمجرد ان الطرف الثاني رجل
وانا لا اعم ولا اخص مجرد ملاحظه واتمنى الأنصاف والبحث عن الحلول التي ترضي الزوج ولا تهين المرأه
عذراً على الأطاله واتمنى انه ماحد يزعل علي هي وجهة نظر ممكن تعجبك وممكن ماتعجبك و وارد انها تكون صحيحه و وارد انها تكون غلط
الإشراف : تعديل العنوان .
التعديل الأخير تم بواسطة غـاليــة ; 01-11-2007 الساعة 01:34 PM
01-11-2007, 06:21 AM
ضوابط المشاركة
العرض الشجري