السلام عليكم .................انا بدخل بالموضوع على طول اول شي لاتضحكوا انا متزوجه مادري سته شهور او اربع شهور لأني كتبت لكم موضوع في الاول وكان بعنوان متزوجه منذ ستة اشهر وما زلت عذراءولما جلست احسب بعدين لقيت اني لي لسى توني مكمله اربع اشهر من زواجي يعني لسى باختصار انا متزوجه بشهر 21ـ6ــ1428هـ المهم مو هذي مشكلتي.......
المشكله هي اني متزوجهمن اربع شهور من رجل ملتزم كثيرا ولله الحمد لكن المشكله تكمن في صمته هذا اولا مايحاول يعبر لي عن شعوره وحتى مايمارس معي الجماع الا مره كل اسبوع اومرتين حتى في اول شهر كان بالبدايه كل يوم مره بعدين صار لا بالاسبوع مره قلت يمكن هذي المشكله تكون بسبب اني لسى مازلت بكر..انا من هذي الناحيه اقدر نفسيتهبس المشكله موهنا المشكله انه احيانا يرمي علي كلام مثل كلمة اخواتي خدعوني (يعني اخواته خدعوه انيبيت اهلي اشتغل واطبخ يعني بنت سنعه من كل النواحي)لكن بعد الزواج عرف اني مو مره في الطبخ مو اني ما اعرف انا ماحب المطبخ وانا قلت له هذا في ايام الملكه وقال راح نتساعد وفعلا بدأ يساعدني وعادي رغم اني فهمته اني انا لسى ما حسيت باالاستقراريعني يبغى لي وقت علشان اتحمل المسؤوليه لما زعلت من كلمته(اخواتي خدعوني )قال كنت امزح وهو فعلا كان يمزح بس حزت بنفسي راضانيعزمني بمطعم رضيت علشان امشي حياتنا لاني كذ ا كذا برضى والمشكله الاخرى ابوه يرسله كثير يعني روح تعال حتى اخواته احيانا يكون مسؤول عنهم وهو مدرس بالصبح وبالمغرب في حلقة تحفيظ يعني يادوب الظهر يجي ينام وهو مره تعبان وكمان في الليل يتعب انا مو معتلرضه على هذا الشي انا احاول قدر الامكان اني اهي له الراحه في البيت بس مو عارفه كيف ماطلبه شي بس اقول ابغى اروح لاهلي او اهله وحتى لما يكون مو موجود في البيت يعني فترة المغرب بس من جد احس ما اعرف كيف اريحه لاني ما احسه يتقبل الحركات الرومانسيه نهائي يقول حركات مسلسلات
انا اعترف اني مقصر من ناحية البيت بس احاول والله واول شي سويته اني نظمت نومي معه واحاول بس احسه ايه مايهاوش بس لما يرمي كلام احسه من قلب رغم انه يحلف انها مزح ويقول حتى اخواتي يزعلون من مزحي....وكمان اليوم صار شي هو صايم وانا لا وقام الفجر ومانام بعدها وانا قمت معه ومانمت بعدها هو راح يسوي اشغال لابوه وانا قعدت اغسل واكوي وارتب واسوي شغلات له هو على الكمبيوتر وحسيت بجوع بس انا مابغى اطبخ لاني اعرف نفسي ماراح اكلفاتصلت عليه وقلت جيب ساندوش قال خلاص بس حسيت وقتها انه تضايق رغم اني سالته انت وينك الان قال انا في المحل يعني قريب منه البوفيه مره علشان كذا طلبت ولما جاب الساندويش ما كلت متضايقه من تضايقه ومتضايقه عشانه وحطيتها هو مايدر ي في الثلاجه....لانه بعد ماجابها على طول راح للغرفه وانسدح يبغى ينام جيت عنده ومن خلال الكلام قال الان ليش خليتيني اجيب سانوديش ليش ماسويتي لك فطور قلت انت عارف اني ما اكل وسكت بس مانا وقتها حمدت ربي كثير اني ما اكلتها وقلت له تراني ما اكلتها ومن جد احس انس تضايقت وبكيت وهو نايم ومو داري كمان في شي بقوله هو احيانا يفكر انه يجيب لي هديه بس يراجع نفسه ويقول ماله داعي وبعدين يجي ويقول لي يعني لو ما يقول لي احسن والمشكله انه عارف انا لو ورده وحده منه تخليني اسعد انسانه بس بجد انا موقادره افهمه ..................ارشدوني

اشكري الله على هذا الزوج الملتزم الذي قل وجوده بالنسبة للطبخ عودي نفسك عليه وبعدين اذا شفتيه صائم صومي معه لعظم فضل الصيام فما بال من يساعدك على ذالك---بالنسبه للجمود اغلب الرجال كذا انا لي 16 سنه وهو ممكن يجلس العصر كله معي ولا يتكلم لازم تتعودي والله يعين

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أختي الفاضلة شيهانة البدو الحياة الزوجية تحتاج الى صبر وتحمل ومع مرور الوقت كل شخص يرضى بصاحبه بما فيه من خير وقصور وأنصحك بالأستماع الى شريط أنماط السلوك للدكتور مريد الكلابي فهو قمة في محتواه أنصحك بشرائه والأستماع إليه عدة مرات وهو سوف يفيدك في كيفية التعامل مع زوجك 000كذلك أنصحك بالأستماع الى شريط فهم النفسيات بين الزوجين للاستاد جاسم المطوع فهو سوف يشخص لك طريقة التعامل مع الرجال الغامضين أو قليلي الكلام أمثال زوجك000كذلك شريط لغة الحب للدكتور ميسرة طاهر وربي يوفقك ويسعدك في حياتك

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

أختي العزيزة : أنا أستغرب جداً من تصرفاتك وجرأتك رغم أنكِ مازلتِ عروسة !!!

مسألة أن تطلبي منه إحضار الأكل من المطعم هذه مصيبة ، كيف تتجرأين على ذلك وأنتِ مازلتِ عروسة ، كيف تريدين من زوجكِ أن يعاملكِ بلطف وأن يغدق عليكِ بالرومانسية وانتِ مقصرة في الطبخ والبيت!!

ثم اعلمي أنكِ في نعمة عظيمة امتن الله عليكِ بها وخصكِ على كثير من غيركِ بهذا الزوج الملتزم ..

أحمدي الله على زوجك و اتعلمي تكوني ربة منزل و أعيني زوجك على طاعة الله وترى الموضوع مو مستاهل

يااختي هونيييييها ترى اللي جالس يصير بينكم شي جداجدا جدا عادي .......وكل اللي يصير لك الحين صار لنا من قبل ومرررررييييينا بنفس نفسيتك .....والله كنت في البدايه ساعات اكلي يحترق او مالح وساعات يروح العمل بدون غداء او عشا وكنت اشوف انه هذا شي طبيعي ومايستاهل تعليق او زعل من زوجي ......بس كنت الاحظ انه يتنكد او يتضايق بس مايبين لي ولمن حملت ساعات انام ومطبخي لسى مانظفته وساعات اروح الكليه وزوجي ماعنده عمل وارجع الاقي البيت زي الورده هو ينظفه وكان يطبخ اذاروق وطول فترة حملي ماطبخت لان وحمي كان شديد لمدة 7شهور وكان يقدر هذا الشي ...............على فكره وانا بنت كان البيت كله فوق راسي وامي شديده عليه وطباخه بس بعد الزواج شوفت الدلع والظاهر اتماديت شويييييه ......المهم يااختي اهتمي اكثر ببيتك ونظافته وافتحي النت وخذي منه طبخات وشكلي في الطبخ وبيتك خليه ورده مفتحه والفواحات على طول شغاله في البيت وملابسه نظيفه ومكويه ومعطره بعد والله بتلاحظي كيف زوجك تتعدل نفسيته وينبسط وبيحس انه متزوج ملكه وست بيت 0(من تجربتي ).....نصيحه لك من اليوم ورايح فطور وغداء وعشاء لازم تضغطي على نفسك وتشكلي وتنوعي وتثبتي لزوجك انك عارفه شغلك وطباخه وشغيله من يوم وانتي عند اهلك وبعد فتره هو بيطلب منك انك ماتتعبي نفسك ولا تطبخي الا وجبه في اليوم لان حصل اللي يبغاه منك الاهتمام والطبخ والنظافه ولاتطلبي اكل من برى الا في الضرورة مثلا تعبانه ولازم تستشيريه قبل تطلبي عشان يعرف انه غصبا عنك ومو بيدك والاكان طبختي في البيت.........اما بالنسبه للساندويتش هو زعل لانه شاف منك ان حتى الساندويتش مانتي قادرة تسويه لنفسك وهو مو متعب واكيد جلس يقول هذي كسلانه و......زوجك الحين ساكت لكن بيجي يوم وينفجر الا اذا عدلتي من سلوكك .......اما الرومانسيه مو كل الرجال تتقبل نفس النمط بعضهم يحبو الفنادق وبعضهم سهره في اللبيت مع شموع وفواحات وبعضهم مطاعم راقيه او سهره عالبحر ....الخ...بعضهم يحب الحرمه الثقيله اللي يكون لبسها مغري وشعرها ومكياجها رائع بس ماتتلزق في زوجها تخليه يشوفها من بعيد وتنشغل عنه وهو بيتجنن عليها ...................ان شاء الله اكون افدتك وماطولت عليكي والله يسعد مابينكم ويوفقكم.....

الاخت شيهانة وفقك الله
أختي هل تعتقدين فعلا أن زوجه تطلب من زوجها يجيبلها ساندويشه عشان تفطر تصلح تكون زوجه؟
أختي لا تأخذي المثال بحرفيته بل برمزيته
أنا أقول لك كيف كان يفكر زوجك وهو يشتري الساندويش:
" أنا لما كنت عزوبي ما كنت أفطر من البوفيه الحين بعد ما تزوجت أفطرها من البوفية،اللي ما قدرت تفطر نفسها شلون بتدير بيتي وبكرة مع العيال وحوستهم جبتك يا عبد المعين تعيني لقيت يا عبد المعين تنعان لا والله الا تورطنا بهالمرة والله يعدلها من ميلتها"
أختي نصيحتي لك تداركي نفسك وطوري من قدراتك وانما العلم بالتعلم
أمامك الاخوات هنا ما شاء الله مدارس في حسن التدبير والتبعل للزوج
اجعلي لك برنامج يومي يحتوي على الاقل الاتي:
طريفة تقديم ذكية للافطار، طبخة جديدة للغداء، ترتيب جديد لأي قطعة واضحة من الاثاث: كأس عصير فيه ابداع لاستقباله حال وصوله من الدوام، فكرة سهرة جميلة كل ليلة
ستتعبين صحيح في البداية ولكن اذا استمريت على ذلك شهر واحد فقط ستعتادينه وسترين الفرق باذن الله مع زوجك
والا بهذا الشكل كأنه متزوج واحد من ربعه
وفقكما الله لما يحب ويرضى