السلام عليكم ورحمه الله وبركاته بنتي عمرها اربع سنوات قدمت لهافي الروضه داومت اسبوع وكانت مبسوطه مره فجاه رفضت الذهاب وحترت وياها وكلمت مدرستها وقالت طول الوقت تبكي وماهي راضيه تدرس رحت معها ومافيه فايده شورو عليه شسوي اخليها تترك الروضه هذي السنه والسنه الجايه يتغير الوضع دلللللللللللللللللللللللللللللللللللوني

__________________

اختي ما عندكم روضه ما فيها دروس


مافي يتعلمون من خلال اللعب ؟؟؟

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

اصيري لما تكمل خمس سنوات ودخليها تمهيدي تصير كبرت وتستفيد

باحكي لك عن معهاناتي ..
بس أستحمليني شوي لأنها طويلة :


بنتي لما كان عمرها اقل من اربع سنوات دخلتها للروضة ..
وكانت كلللللل يوم تصيح لما أبدلها ..
وتصيح بالسيارة ..
وتصيح لما أنزلها واضطر أنزل معاها شوي ..
ولما باطلع من الروضة وأخليها تصيح ماتبيني أتركها ..
وطول اليوم في البيت تقول لي ماما بكرة لا تودوني الروضة ..
وابوها كثير يضعف ويقول لي خلاص بكرة خليها بالبيت ..
أو يروح الروضة ياخذها الساعة 9 أو 10 ..
تعبت معاها .. خلص الفصل وماسجلتها للسنة الجديدة ..
من كم يوم راجعت نفسي وقلت اللي أصغر منها يروحون الروضة ويعرفون يقرون ويكتبون وأناشيد ..
حتى يختلطون بالأطفال الثانيين بسهولة ..
أنا بنتي تخاف لما نروح حديقة مثلا تشوف زحمة أطفال ماتعرف تندمج معاهم ..
إذا طفل دفعها شوي وهو يلعب تتضايق وتحس إنها غير مرغوب فيها..
لعبها غير ..
تخاف من الزحلاقية لو شوي كان كبيرة ..
ماتعرف تلعب في النطاطية ..
وقررت إني أسجلها ..
ولو تشوفون أشكثر عانيت وأنا أبحث عن روضة .
فيه في منطقتنا روضتين ..
الأولى هي اللي كانت فيها السنة الماضية ..
قلت ماراح اسجلها لأنهم ماقدروا يجذبونها طول الفصل ويحببونها في الروضة ..
أتصلت بالروضة الثانية قالت لي مافيه تسجيل <<<<< طبعا انا متفرغة جايتهم بنص الكورس ..
حاولت معاهم كثير بس قالت لي المديرة أبدا مافيه مجال ..
إذا بغيت على الكورس الثاني ..
وأنا كنت بالدوام لما أكلمها ..
وفيه عميلة جالسة عند مكتبي ..
قالت لي تبين روضة ؟
قلت لها وين ؟
قالت لي في منطقة ثانية بس شوي قريبة لنا ..
قلت لها ايه ياليت ..
اتصلت بأختها وأسألت عن اسم الروضة ..
وأنا اتصلت بالاستعلامات وأخذت الرقم واتصلت عليهم ..
قالت لي المديرة صعبة تعالي الفصل الثاني ..
قلت لها لا أبغيها ألحين ..
وجلست أزن على راسها قالت لي بكرة باتصل وبارد عليج ..
ثاني يوم اللي هو أمس ..
ما أنتظرتها تتصل ..
رحت أنا أتصلت ..
قالت لي طيب تعالي اليوم سجليها ..<<<<< أنا بالدوام ..
وأسمع مساعدتها تقول لها مافيه مجال أبد ..
بس هي ماقصرت جزاها الله خير ..
على طووووول أستاذنت من العمل وطلعت سجلتها بالروضة مع إنها بعيدة عن دوامي ..
وبنتي صاااااحت ماتبي ..
شرحت للمديرة وضع بنتي وإنها ماتحب الروضة وتخاف تفارقني أو تترك البيت مع ناس ماتعرفهم ..
والمديرة طمنتني إنها بإذن الله بتتأقلم بس لازم أنا وابوها مانضعف ونتمسك بموقفنا وكل يوم ناخذها للروضة ..
كل شوي أكلم بنتي وأهيئها وهي ترفض وتقول لي أجلسي معاي ..
أقول لها اخلص دوامي وأرجع لج ..
وآآآآآه .. تذكرت شي مهم ..
ماعندي حد يجيبها من الروضة ..
أقدر أوديها الصبح في طريقي ..
بس أنا أطلع متأخر 2 ونص ..
وهي الساعة 1 بالكثير لازم ناخذها ..
وأبوها يطلع من العمل 1 .. وشغله بعيد ..
رحت بحثت بالجريدة عن سايقة توصلها ..
والحمد لله الله وفقني ولقيت وحدة واتفقت معاها تجيني البيت اليوم عشان أقابلها واشوف إذا أرتحت لها اتفق معاها ..


نصيحتي ..
لا تخلينها تترك الروضة ..
لأن السنة القادمة نفس الشي ماراح تتغير ..
خليها تواصل الروضة ولا تضعفين قدامها ..
ترى الطفل ذكي ..
إذا شاف الأم تستسلم بسهولة يبقى يصيح لأنه عارف في النهاية هو الكسبان ..

عذرا على الإطالة ..
عورت راسك ..

انا بنتي 4سنوات لمن سجلت بالروضه بكت ورفضت تروح

قلت لها عادي اجلسي بالبيت وما ضغطت عليها ابدااا
جلست اسبوعين وبعدها من نفسها قالت ابغى اروح
وقامت الصبح مع اخوانها ولبست وراحت

والحمدلله الحين مشت تمام

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

ابنتي الوحيده كانت معقده تقريبا فحينما كنا نخرج عند ضيوف كانت لاتتكلم وكانت تبكي كثيرا حينما كان شخص ما يكلمها حتى البعض كان يتصور ان ابنتي لا تعرف ان تتكلم فحينما صار عمرها 4 سنوات ذهبي بها الى الروضه فبكت فقالت لي المديره اتركيها وغاردي واتصلي بنا بعد 10 دقائق وفعلا اتصلت بها وكانت على احسن حال وتغيرت ابتي وغيرت طباعها تصوري حتي في ايام الجمع والعطل الرسميه تنهض صباحا تريد ان تذهب الى ااروضه