السلام عليكم

اشكر كل القائمين على هذا المنتدى وكل من ساهم فيه او شارك
بصراحة لم اجد احد اشكي اليه غيركم فارجو ان تكونوا عند حسن الظن

الحمد لله بعد المعاناه الكبير الى ان اقتنعت امي خطبت البنت التى ابيها تم تحديد الموعد وكان قبل ايام بسيطة طبعاً الوالدة الله يحفظها تبيني
اخطب وحدة من القريبات ولكن فشلتها لاني ما احبها
وكان بي فرحة عارمة لاني ابي اشوف البنت الثانية
ويوم النظرة الشرعية بصراحة تحطمت من العائلة كلهم لم يفرح معي احد حتى الوالدة . قاعد ادور عليها في البيت قبل ما اروح عند الناس ما ادري وين راحت حصلتها في المطبخ كنت ابي اطيب خاطرها .
رحت عند الناس وشفتها صح ما هي بذاك الجمال لكن حبيتها حب ماله حدود وارتح مرة وبعد ما تركنا العائلة اذا بالبيت منقلب على راسي منهم
اخي وامي وكل واحد في البيت حتى اخواتي معهم ما يبوني اخذ هذة البنت لاني تركت البنت القريبة لهم وإلي يبونها .
صحيحة قالوا لي القرار بيدك وانا مستعد اخذ البنت إلي احبها لكن انا بصراحة ما ابي اظلمها معي اذا بتواجة مشاكل مع اهلي والله اني حبيت تلك الفتاة بجد صح البنت التى يبوني اخذها اجمل من هذي وعائلتي مقتنعي فيها لكن انا ما ابيها من كثر ما رفعت ضغطي ...

والله انا في حيرة من امري ماذا ارد على اهل البنت الثانية
مع اني متعلق فيها وهي ما تدري بوضع اهل إلا انها تدري اني كنت خاطب وبطلت منها هي البنت الاول ؟

ولدتك أمك يا ابن آدم باكياً والناس حولك يضحكون سروراً ...
فاحفظ لنفسك أن تكون اذا بكو في يوم موتك ضاحكاً مسروراً

(ياقارئ خطي لاتبكي على موتي!!!
فاليوم أنا معك وغداً في التراب...!!!
أموت ويبقى كل ماكتبته ذكرى !!!...
فياليت كل من قرأ خطي دعا لي..)

المشاركة الأصلية كتبت بواسطة **تعبت من البعد** انا اشوف انك تثبت على رأيك وتكمل المشوار مع الثانية لانها دخلت قلبك من اول نظرة وحاول انك ترضي امك وتفهمها ان الجمال مو مهم والله يكتب لك اللي فيه الخير

المشاركة الأصلية كتبت بواسطة ولد المرابي الف الف مبروك توكل علا الله انت اللي بتعيش معها مو هم مع احترامي المهم القلب مرتاح توكل علا الله ولا تتردد ؟؟