: ساعرض لكم مشكلتي


زوجي انسان طيب خلوق وكل الصفات الجميله فيه لكن

لايحب الزيارات ولا الطلعات ابدا ولايحب التجديد تخيلو طول وقتة على النت اول مايقوم من النوم حتى قبل مايدخل الحمام على طول نت اول مايجي من العمل على طول نت بين الاذان والاقامة نت ومن العصر الى قبل النوم بربع ساعة وهو على النت ايام الخميس والجمعة طول الليل سهران عليه

تصدقون مايقعد معي الاوقت الاكل ووقت الشاهي واخر بيالة يشربها عند النت وطول ماهو جالس معي يحكي لي عن النت

يوم العيد مت من الصياح تخيلو ليلة العيد سهران على النت وطبعا كان واعدني بالخير يوم جا الفجر راح

يصلي طبعا انا جلست اتلبس رجع من المسجد راح للنت قلت ابي اروح معك صلاة العيد قال عيالك مانب

فاضي اوديهم بيت اهك ثم ارجعهم اناابي انام دايخ قلت واهلي يجتمعون بعد الصلاة والعصر يسافرون قال

اذا قمنا نرح لهم قلت خلاص بنتظرك رجع من المسجد وعلى النت وين الدوخة الي الساعة تسع ثم

نام انا قلت معليش لما يقوم ان شاء الله يعوضني قمنا العصر دق ابوي قال ليش ماجيتو انا الحين بسافر

خلاص بمر اسلم عليكم

طبعا اول ماقام راح النت وعلى فكرة حتى لبس جديد مالبس وسلم على ابوي وفانيلتة كانت مشقوقة

وطالع بطنه

المهم قالي تبين تروحين بيت خالتي ترى هم مجتمعين قلت وانت قال مالي خلق ابي جلس

على النت ياربي وش ذا العيد اللي ماحس به برجلي كرهت النت والساعة اللي عرفتة فيها

هو كل ما اقوله خلنا نتمشى نطلع يتضايق مرة ويقول مالي خلق
ا
العيد اللي راح بعد الحنة طلعني مرة وحدة وساعة وحدة ورجعنا

اقوله مرة في الاسبوع اوحتى في الشهر خلنا نطلع يقول طيب لكن مافي اثر

شي ممل جدا جدا

حتى لو انعزم يرفض

الحمدلله هو ان شاء الله من اهل الخير ويستخدم النت لذلك
ام ربيعة