الســـلام عليكم ..

كيفكم اعضاء قسمي اللي اكره واتمنى يجي اليوم قبل بكره واخرج منه على خير ..


غبت عن المنتدى بسبب ظرف حصل لي .. وابغى احكي لكم عنه ..

تقدم لخطبتي شخص مطلق ولديه طفلين .. الاول بالمدرسه والثاني رضيع ..


سألنا عنه مبديئا وقالو عنه انه انسان طيب وخلوق ومحافظ على صلاته لكنه عصبي ويسئ الظن بالناس .. قلنا مافي انسان كامل ويمكن كلام انقال عنه ومافي شي من الصحه ..

بعدها وافقنا ان تتم الشوفه الشرعيه .. جلست مع اهله وكانو ناس جدا محترمين وخلوقين .. وارتحت كثير لهم بعد ان كنت متخوفه من الموضوع ..

وحتى اخته كانت تقول انه ولد اخوي كان يبغى يجي معانا حتى يشوف امه الجديده .. كأنهم يبغو يوصلو انك انتي اللي راح تربي عياله ..

بعدها دخل الخاطب وتمت الشوفه الشرعيه وارتحت كثير ودعيت ربي انه يكون من نصيبي .. وقال لي ( ابغاكي تكوني ام ثانيه لعيالي وتعوضيهم وتسعديني واسعدك ) << يعني عياله حاطتهم بالمرتبه الاولى وهاذا شي حلو لكن ..


انا مااشترطت عليه ولا شي لا حفل زواج ولا مهر ولا شي لانها امور ماتهم .. لكن شرطنا عليه الوظيفه بعد تخرجي قال طيب بس بعد سنه من الزواج عشان تاخذ علي وعلى عيالي

كان كل همه عياله عياله ...كانه ماخذني مربيه لهم ومااهتم لمشاعرنا ..

لكن اليوم الثاني اتصل على ابوي وقال( انا بصراحه مااابغى زوجتي تتوظف وابغاها ربة منزل وتكفيني شهاداتها .. انا جربت هاذا الامر مع زوجتي السابقه وعانيت لانها كانت تريد ان تكمل الماجستير .. )

هنا ابويا قال( هاذا يبغاك معبوده له وخادمه لعياله .. انتي رضيتي فيه من غير شروط وهو اللي قام يتشرط )


قالو لي (لاترخصي نفسك المفروض كان يجازاك لانك قبلتي فيه وبعياله وانتي ماعندك خبره بتربية الاطفال واقلها يقبل بشرطنا الوحيد )

صحيح الوظيفه مو مهمه عندي ويمكن مستقبلا انا ابطل منها وانتبه لبيتي .. يمكن يقنعني بعد الزواج ويعوضني عن الوظيفه .. لكن هو تشرطت و سدها بوجهنا


انا من يومين وحالتي النفسيه سيئه .. لان كل خطوبه لي تتفركش وتطلع امور ماكانت على البال ولا الخاطر ..

ابغاكم تدعو لي لان حالتي النفسيه رجعت مثل اول ..

__________________


اللهم فرج كربتي ويسر امري واكتب لي الخير يارب

الله يفرج همك ويرزقك زوج صالح تقي نقي..
الله يعوضك باللي احسن منه..

__________________

يا جماعه هي بعدها تفكر بالموافقة او لأ

نصيحتي لك يا اختي لا تتعجلي بالرد

فكري بالموضوع من كل جوانبه

و ان شاءالله ستسهل الامور

عليكي بصلاة الاستخارة

عندي سؤالين :

كم عمرك ؟؟

وهل الزوجه السابقة للخطيب متوفية او مطلقه ؟؟؟؟

مدامك استخرتي لا تخافين الله ماراح يضيع استخارتك ومدام ابوك يشوف انه هو اللي يتشرط اسمعي كلام ابوك اكيد لم استخرتي وهو يمكن واعيد واقول يمكن يكون مو زين علشان كذا الله خلاه يتشرط وابوك يقول كذا يعني من الاستخاره جاك هذا التنبيه بعد الله اعلم لا تستعجلين وانا اشوف ان وجهة نظر البابا صح انتي رضيتي بشروطه وهو اللي يتشرط المفروض يبوس ايده وجه وظهر لانك وافتي تاخذينه وعنده ولدين لان مو اي بنت توافق على كذا .. والله يسهل امورك ونصيحه ليه ما تتصلين على طليقته وتشوفين شنو كان سبب الطلاق ؟؟ يعني اسمعي من الطرفين

__________________
Nweerh

الله يسعدك ياام الحور والله كلامك جدا فرحني واسعدني ..

بالفعل انا صليت والكل قال يمكن هاذي نتيجة اسخارتك ..

اشكرك مره ثانيه اختي ام الحور .. بالفعل كلامك مريح

اللهم امين .. يارب اذا كان فيه بارك لي فيه وانا فيه شر اصرفني عنه ..


اشكرك اختي على دعواتك

اشكرك اختي على كلامك المريح ودعواتك الطيبه ..

وبالفعل احنا لسا ماردينا عليه ولا هو رد علينا .. وهل هو موافق او لا على شرطي ؟؟ او انه يقتنع اما لا ؟؟

وعن عمري فهو 24 وهو 33 .. وزوجته السابقه مطلقه ولا توجد نيه لرجوعه لها

الله يطمن قلبك و يريحك زي مارحيتيني ويوفقك الله لما يحب ويرضى

لكن اتصل على طليقته احسها صعبه شويه

وجزاك الله كل خير اختي الكريمه على دعواتك الطيبه ..

الله يفرج همج ،، وينفس كربك ،، ويرزقك الذرية الصالحة ..

__________________