السلام عليكم ورحمة الله وبركاته..


ياجماعة الخير انا اكره نفسي بسبة هالشي..اللي هو :



انام فليل من وقت يعني الساعه 10 ونص واقوم الفجر وبعد فيني نوم


وبعدين انام من الفجر لين الظهر ..والله اكرررره عمري يوم يصير فيني جذيه انزين ليش كل هالنووووووم


مدام نمت فليل من وقت المفروض اقوم الصبح من وقت...لكن ما عرف شو السبب .. ؟؟

علما اني ما آخذ حبوب منومه او مهدئه ولا اي دوا

__________________

قد تكوني مصابه لاسمح الله بفقر الدم..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

صباح الخير
انا لو نمت من بدري استحالة أقوم من وهل ! يعني لو نمت الساعة 1 ونص فالليل أنا من الساعة عشرة قايمة ، ولو نمت الساعة عشره ونص لين الساعة وحدة الظهر اتم نايمة ..
وبالنسبة لحالتج ان شاء الله ما عليج شر ،،

__________________

حبيبتي قد يكون ذلك مؤشر على أنه نشاطك البدني اليومي يحتاج إلى زيادة أي أنك لا تبذلي نشاط كافي لتنشيطك و تحفيز هرمونات جسمك و تنظيم إفرازاتها. جربي الرياضة بإنتظام و راح تدعيلي عالنتيجة و عشان تتشجعي عالإنتظام بالرياضة سجلي بنادي رياضي و جربي كلاسات الأيروبكس راح تخليكي تدمني عالرياضة. ما تنسي تدعيلي .

أنصحك تعملي حجامه ماراح تندمي


الله يعينك

saapna81 ...اولا مشكوره على الرد وعلى الافتتاحيه في المشاركه...ثاني شي ما اعتقد فيني فقر دم

ومشكوره حبيبتي على ابداء رايج تسلميييييييييييين ^_^





محمد هيا...هلا وغلا هههههه نفس المأساه يعني ..مشكله والله..ودي انام واقوم الصبح احب اجواء الصبح

عموما مشكوره على المشاركه الطيبه ^_^




Sabeyi...يا مرحبااا فيج اختي....الصراحه انا فكرت اني اسجل في نادي بدال اليلسه والبلعه ههه..وفكرت

امشي مشي في الفريج بس فريجنا هالأيام ما يشجع لأنه يشتغلون فيه يعني ما يساعد بس ان شالله

بسجل في نادي...ويزاج الله خير على الاقتراح الطيب والمشاركه يعطيج العافيه




سماالود...هلاااااااااا ...انصحيني حبيبتي قولي اي شي المهم اقوم الصبح ما احب الكسل والنوم والله انا في انتظارج عزيزتي





ويعطيكم العافيه يا خواتي ...والله يسعدكم دنيا وآخره يااااااااااااااااارب ^_^

__________________

أختي أنا لما قلت لك احتمال يكون عندك فقر دم لأني أنا ضليت فتره وأنا ماأبي ارفع راسي من المخده وخمول مهما نمت أحس مو مكتفيه ولما رحت العياده اكتشفت ان السبب في هالحاله فقر الدم خلصت من مشكله النوم الزايد والحين أصبت بالأرق مافي حلول وسط مع الأسف.. ان شاء الله ماعليك الا العافيه..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

برضو ممكن يكون لاسمح الله ضغط الدم
ولكن أرجح قول الأخت سابي وأعتقد هو الحل لكي ولي

تسلمين اختي سابنا ..يمكن سبحان الله قد نتعرض لهالأشياء ونحن ما ندري... مشكوره حبيبتي ^_^


هلا بأختي شمس الحيارى....كل شي جايز في هالزمن ..ومشكوره الغاليه على مشاركتج الطيبه...

وابداء رايج ....شاكره لج مرورج : ))

__________________

اختي شكلك انتي ما داومين ماعندك دوام رسمي ,, فاللي مانده دوام دايم يكون نايم ,,,
انا واعوذ بالله من كلمة انا ,, اذا ما ابي انام تشوفيني برررره مستحيل اقعد في البيت لأني لو قعدت بنام اكيد 100 % وله اجمع بنات خالتي وخالي وخليهم يسهرون عندي والهى معهم ,,, ومره فكرت قلت بلهى بالقرأه وقلت بقرى قرآن لوووول وجاني النوم ,,, يعني لا تقرين ولا تطالعين تلفزيون لاااااااااازم تطلعين بره البيت