اتمنى ان ما احد يغلط علي في موضوعي ولا احد يجرحني بكلامه
ابغى كلمة طيبة ترشدني وتفهمني بس ..

قصتي اني بنت ( خبله ) حساسه جدا جدا ، وعاطفية لدرجه فضيعه ،، يعني وردة حمره وشمعه واحلام ورديه ..
اتخطبت وحبيت اللي خطبني وفرحت الحمد لله اني مشاعري كانت لإنسان يستاهل وبعلم اهلي ..
بعد 9 سنين من الخطوبة صارت مشكلة وما صار نصيب
طبعا انا انصدمت جدا لان حبيت هالشخص من كل قلبي وما كنت اكلمه ولا اقابله إلا في السنة مرة ومع امي وامه ..

المهم اتزوج الله يوفقه ،، انا إلى الآن اتعذب ،، بسبب هذا الموضوع ..

إلى الآن افتكره ابكي عليه ..

قررت انساه لكن باين على وجهي الموضوع صار له سنين وانا مو قادره انسى ..

المهم تعرفون انتم طبيعة اهلنا يحبوننا لكن مشاعرهم مخفيه ما تظهر إلا لمن نموت او لمن يصير فينا مرض خطير ..

طيب البنت ادا ما لقيت امها تقولها كلمة حلوة ولا ابوها ولا اختها وين تروح ؟؟

يا ناس امي اخر مره حضنتني لمن كان عمري 4 سنوات

المسأله مو مسأله جنس لا تفهموني غلط
مسألة حنان وبس

الحين عمري 27 اجي احضن امي هههههههه تدفني تقول ما احب قلة الحياء ذي ؟؟؟؟
من وين هالقسوة ياربي


طيب اصحى وانام وانا ما اسمع إلا اوامر او سب او شتم
اروح ابكي على مخدتي
وبعدين
والله الشجر ادا ما شرب مويه يموت وادا ما اعتنينت فيه يذبل
حتى الحيوان يحتاج رحمة
كيف نحنا البشر ..


المهم اتخطبت وقامت الدنيا وقعدت لان العريس من غير عربنا ( خير ان شاء الله بني .... وبني ... ) في اي عصر نحنا

اتحطمت كثير وخاصه ان اللي حولي صاروا امهات ( اللهم لا غيرة ولا حسد )

وفي يوم قررت انتحر ..
لا ن الحلال الزوج ممنوع
واهلي ما عندهم رحمة

اموت احسن

كلمت صديقتي وقلت لها وحضرت كل شيء

بعدين كلمني اخوها ونصحني المهم هو قفل الخط انا رحت صليت ركعتين واستغفرت ونمت

صحيت دقت علي صديقتي تخطبني كلمت اهلي
رفضواااااااااااااااااااااااااااااااااااااااااااااا ا

بعد فترة دق جوالي من اخو صديقتي بعد شهر قالي ( احبك وانا ابتزوجك ونيتي خير حاولي مع اهلك )
( حاولت مع اهلي حاولت حتى تعبت نفسيا اكثر من اول لاني بدات احب هذا الإنسان )

قطعت علاقتي مع صديقتي و انا ابكي وغيرت رقمي وجلست شهور بدون ما اكلمها
خفت اني استمر في العلاقه واعمل شيء غلط

المهم انا محتارة ارجع اكلم صديقتي
استمر في قطع العلاقة

وين اروح ايش اعمل

لا اهل ولا زوج ولا صديقه

بجد الوحدة ذبحتني ولا احد حاسس فيني

يعني ديني ماسكه عليه بأسناني واظافري من قوة اللي انا فيه

مره اقول خليني اكلمه
مره اقول لا حرام خلاص


ايش اعمل


ملاحظات

الموضوع مو مسألة فضاوه لا

انا عندي مسؤولياتي - علاقاتي الإجتماعيه - بروح الافراح وبروح الاتراح
محافظة على ديني لكن في اشياء بتشدني مثل المغناطيس


طيب ما ابغى شيء من احد

بس ابغى اتزوج واجيب بنت واربيها واعطيها كل حنان وعطف

طيب هذي المشاعر فين اوديها


يا ناس واالله فلوسي اشتري فيها اكل واعطي البسس في الشارع ( احن عليها )


كفلت يتيم وعملت خير وتبرعت للمعاقين ومرضى السرطان براتبي


بس ابغى احد احن عليه ويحن علي


يعني ادا حرموني من الحلال
وحرموني من حنانهم

انا ايش اعمل ؟؟

تعبت

هلا فيك اختي

احيي فيك شجاعتك واسئل الله ان يرزقك الزوج الصالح الذي يعينك على دنياك وآخراك... ولاتنسين صلاة الليل وتدعين الله فلن يخذلك ربك .

وتقبلي تحايا اخوك البدوي

مشكور اخوي .. الله يجزاك خير


بقولك كلمه لكل اللي دخل وعجزت يدينه عن كتابة كلمات النصح و التوجيه ..

( اكتب كلمة تذهب حزني وتلهمني رشدي ، وتغيث لهفتي ،
علها تنجيك يوما ما )

ياحبيبتي كلامك قطع قلبي


شوفي يالغاليه اول شي واهم شي ابعدي وساويس ابليس من راسك الانتحار وهالكلام الفاضي لانك بكذا تخسرين الدنيا والاخرة والشيطان يزين الانتحار بعينك ويوسوسلك انك ترتاحين من الحيااااااة انتبهي انتبهي وتعوذي من ابليس لانه راح يرميك بالنار الله يثبتك على دينه


ثاني شي ابعدي عنك فكرة تكلمين اخو صديقتك لانه حرام وهو مو محرم لك تكلمينه وهذا الشيطان مرة ثانيه يوسوسلك




اختي عليك التقرب من الله والمحافظه على صلواتك المفروضه والمحافظه على صلاة اخر الليل كلمي الله اشكيله حزنك بثيله شكوك ناجيه ومااحلها واجملها من مناجاة ومن شكوى لرب الكون
والله ترتاحين ادعيه كثري من الدعاء ابكي على سجادتك اغسلي نفسك من هموم هالحياة ومتاعبها
جربيها والله ترتاحين وتحسين انك انولدتي من جديد


حاولي تكلمين امك لشفتيها هاديه ورايقه قولي له يمه من لي غيرك اذا مسالتيني عن احوالي وش اخباري وش احس فيه حاولي تحننين قلبها عليك بكلامك قوليله يمه انا محتاجتك بحياتي وخصوصا بهالوقت بالذات



حاولي تشغلين نفسك بحاجات مفيدة وحلوة اشتري كتب مفيدة دينيه وثقافيه
انصحك تشترين كتاب (استمتع بحياتك) صراحه حلو بالمرة لمحمد العريفي سبحان الله يوم تقرينه تحسين انك فعلا لازم تستمتعين بحياتك
اعمليلك حديقه بيتكم ازرعيها اشغلي وقتك فيها والله فكرة حلوة وكثير جربها
حاولي كل يوم تقرين كم صفحه من القران
جيب مسجل واشتري سورة البقرة وخليها اربعه وعشرين ساعه بغرفتك تشتغل سبحان الله تطرد الشياطين من البيت والقران ينزل الرحمات باذن الله بالبيت ترتاحين وخاطرك يطيب باذن الله


اكثري من الاستغفار والاهم من هذا كله تكونين متوكله على الله حق توكله مرتاحه بينك وبين نفسك ان الله الى خلقنا مايضيعنا


كرري بينك وبين نفسك دايم الله ارحم علي من امي ومن ابوي ومن حتى من نفسي اكيد ماراح يضيعني والا يتركني هو ربي حبيبي كيف يتركني تحسين براحه وانتي تكررينها



اذا عندك خوات كبار عاقلات قوليلهم يكلمون ابوك عن زواجك ليش رافض فكرة زواجك يمكن الولد فيه شي يمكن الولد مايصلح يمكن عند سبب مقنع لاتحكمين على اهلك وانتي ماتدرين ليش رفضوة



خطيبك السابق انسيه ادعيله بالتوفيق بحياته خلاص صفحه بحياتك وانطوت



استمري بالصدقه والتبرع لانك على خير ان شاء الله احتسبي الاجر عند الله



واعرفي ان مااصابك لم يكن يخطئك وما اخطئك لم يكن يصبك




يعني ارزق من الله ومقدر كل شي لنا بالحياة مكتوب بكتاب عندة قبل ماننولد



يعني رزقك ماراح احد ياخذة ارقدي وامني ان شاء الله



خلي من معرفك امل نصيب لك فيه خلي املك كبير بالله



والله يثبتك ويهديك ويرزقك الزوج الصالح التقي النقي عاجلا غير اجلا

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

جزاك الله خير يا غاليه ،، انا قريبه من ربي الحمد لله ،،
اما امي تعبت وانا افهم فيها ما في فايده ( سلبية وما تفكر غير في نفسها ) انا ملزمة انا اطيعها ولا ازعلها حتى لوقصرت معايا ..

اما بالنسبه لوقت الفراغ فانا اشتغل وقتي حلو وحياتي حلوة ومستمتعه فيها بالامور الصالحه
وما عندنا حديقه ببيتنا هههههههه

المهم بالنسبه اخو صديقتي انا ادري حرام وبطلت خلاص ما بكلمه

لكن انا مشكلتي مو في الفراغ العادي

بل الفراغ العاطفي

تحياتي لك وجزاك الله خير على مرورك

الله يصبرك مالك غير انك تحاولي مع امك وتحاولي وتحاولي لان مافي انسان كامل وانه مايكون من ديرتك احسن من شي تاني توكلي على الله

__________________

"رب هب لي من لدنك ذرية طيبة انك سميع الدعاء"

ليش ما تروحين حق خطابه وتحطين المواصفات الي اهلك يبونها
او اتصلي فيها وقولي للخطابه ماهو ضروري يقول لأهلك انه من طرف الخطابه
وفقك الله لكل خير
في رعايه الله

__________________
سبحانك اني كنت من الظالمين

الله يوفقك ويصبرك
يارب أعطي هذه الأخت ما تتمني وأرزقه بالزوج الصالح والذريه السليمه وأسعده بالدارين
آمين

__________________
سبحانك اللهم وبحمدك

وان شاء الله:14: