السلام عليكم ورحمة الله
اخواني اخواتي سأشرح لكم مشكلتي بأختصار انا متزوجه من سنه وثلاثة اشهر من شخص مزاجي واناني في نفس الوقت البارح صارت مشكله بيني وبينه لاني شهر كامل وانا اقوله طلعني ابي اشم هواء لا احد يجيني ولا اروح لاحد ولا عندي لا ولد ولا تلد المهم تزاعلنا من اربعه ايام ولاهمه يطلع ويرجع اخر الليل وانا بنطق طفش وزعل والله لو تدرون عن تضحياتي وتنازلي عن حقوقي معه لدرجة اني من تزوجنا مارحت السوق الامره ولا اخذت كل احتياجاتي وناقصي اشياء كثيره بس اسكت واقول يمكن يتغير المهم رجع من السهر نصف الليل قال يالله نطلع قولت الحين قال عادي وش يعني كأنه يبي يطلعني خمس دقايق ويرجعني تأديت واجب لا اكثر ولا اقل المهم طلعنا ولقينا سكران وبلغنا عنه قلت لزوجي شفت ما احد يطلع زوجته في ها الوقت قال عادي مافيها شئ انا ولعت وقمت اتكلم عليه قال انا وانتي نطلع قلت نطلع بس فين وفين وانا اطفش المهم قام واستفزني قولت له حتى لو طلعنا تقعد تطالع في الحريم وانا صادقه ماتتخيلون بغى يضربني في السياره قدام الناس وقال يا حيوانه والله لا اصفق وجهك بالجزمه وجن جنونه بغى يصدم لمى شفته كذا قولت العن الشيطان يابن الحلال ومعليش المهم نزلت البيت ونمت الحالي في الغرفه اخذت فراشي وطلعت انام الحالي وما كلمته وش رايكم في المشكله وش اسوي احس قلبي منكسر وبيتفتفت ولا هو داري وطول الليل وانا ادعي عليه لانكم ماتدرون كم تنازلت عن حقوقي.
__________________
[CENTER][SIZE="3"]حكماء .. هكذا قالوا
[U](ملأى السنابل تنحني بتواضعٍ ... والفارغات رؤوسهن شوامخ)[/U]
[U](السفينة أكثر أماناً وهي راسية ، ولكن .. هل صُنِعت لذلك ؟ ..)[/U]
[U]
(في أي مكان ترى فيه عملاً ناجحاً .. ستجد شخصاً اتخذ ذات مرة قراراً شجاعاً !! ..)[/U][U][/U][/CENTER][U][/U]
[/SIZE]
16-11-2007, 04:34 PM
زوجي أساء لي
ضوابط المشاركة
العرض الشجري