السلام عليكم ورحمة الله

حبيت اعرض عليكم مشكلتي الي ان شاء الله راح القى حلها عندكم ..

انا متزوجه من 3 سنوات ,, من خلال هذي السنوات لاحظت على زوجي بعض التصرفات الغريبه من ناحية الماده >>الفلوس ..

هو يشتغل بشركه كبيره وراتبه جداً ممتاز مع ذلك يعطني مصروف شهري وقدره 20 دينار = 200 ريال سعودي تخيلوا عشان طول الشهر ويعبي لي كرت جوالي بـ 8 دينار = 80 ريال الى طول الشهر ولما يخلص الكرت يحاسبني حساب عليه ويبهذلني بهذله ويقول لي ما راح اعبي لك الا الشهر الجاي ..

بس في المقابل يعطي امه نفس المبلغ الي يعطيني اياها مع ذلك لما تطلب من مره ثانيه وثالثه ابدا ما يردها مع ان مستوى ابوه المادي ممتاز وامه مو محتاجه منه اي فلس مع ذلك ما ارده اقول في النهايه هذي امه ..

لكن ليش انا يعطيني بس هذا المبلغ مع اني احتاج اكثر ,,انا طالبه ومعظم وقتي اقضيه في الجامعه واذا اطلب منه ما يرضى يعطيني يقول ان المبلغ كافي ..


ناهيك عن الهدايا اللي اعطيها له في المناسبات........
حتى ملابسه انا الي اشتريها له من مصروفي وهو ما يكلف على خاطره يقول لي هذا مصروفش وخليه لك ..

وبعد سنه من الزواج.. الله عطاني بنت مثل القمر .. احتجت اني اشتر لها ملابس مثلها مثل اي مولود ولكن زوجي العزيز يقول لي اخذي من خواتك وبالفعل اخذت ثياب من خواتي واستعملتها .. وكبرت البنت وتحتاج ملابس وبعد اصرار مني اني ما اخذ من احد ,, قام يشتري ولكن بعد ما تطلع عيوني ..

ولاغرب في الموضوع انه ماخذ حق اخته سلفه من البنك واخته ما قاعده تسدد ولا فلس وهو راضي طيب ليش انا لا ..؟؟؟

مب عارفه اشلون اتصرف معاه تعبت حتى خواتي لاحظوا انه ما يعطيني الا القليل ودايما يقولون لي زوجك بخيل ومن الفشله اقول لهم لا .. لا تقولون جذي عنه هو مو بخيل

ارجوكم نصحوني اشلون اقدر اخلص نفسي من التقشف الي معيشني فيه ؟؟

نقل للمتزوجين

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

نصيحه تصدقي من المصروف اللي يعطيك زوجك حتى تطرح البركه في مصروفك

اختي الكريمة :

زوجك ليس بخيل ولكنه لايحسن التصرف ,بمعنى انه يجب ان تجلسي معه وبهدووووووووووووووووووء اكرر

بهدوء لان بعض الناس يصر على رأيه اذا كان الدعوى بالقوة , اجلسي وحاوريه بانك راعي واجب وانت تعرف

لي طلبات ومصروف المرأه وحاجياتها واشرحي واضربي له امثلة من الواقع من زوجات اخوانه اوازواج خواتك

بانهم يعطون مصروف كذا , وابدئي بالنقاش وسف يقتنع باذن الله .

واضربي امثلة من الواقع .

وبالتوفيق

اتفق معك

لا حول ولا قوة الا بالله 200 ريال وش تسوي بهالزمن ياختي لازم تتفاهمين معاه الحين عندك طفلة وهو مطالب شرعا وقانونا انه يصرف عليها يعني لازم يحدد لها مصروف شهري ويحطه مع مصروفك هذا غير انه لازم يزيد مصروفك 200 ريال وش تسوي الحين ماتجيب لك جزمة وانتي بكرامه..

حبيبتي ماينفع السكوت لازم تتفاهمين معاه قولي انا مصروفي مايكفيني وبنتي تبغا مصروف انت مطالب بالصرف علينا وخليه يتفشل قولي صارو اخواتي يسموني الشحاذه من كثر ماطلب منهم اغراض لي ولبنتي وكلهم يتغامزون ويتلامزون عن وضعك المادي ووضعي انا بالعايله كيف انا اقلهم لبس وبنتي دايم مبهذله وملابسها صغيره عليها ولامشحوذة من احد..

واذا اصر على موقفه رغم الكلام والاقناع لازم تشتكين لاخوك ولا لابوك يتدخلون بالموضوع يعني مب معقوله هو عنده راتب زين ويصرف على اهله وبنته تشحذين لها الملابس مو من حقه لازم يجبر اجبار على انه يصرف عليك وعلى بنتك على حسب المجتمع اللي عايشين فيه وعلى حسب وضعه المادي مب حاطك بالخليج اغلى منطقه في الشرق الاوسط ويعطيك 200 ريال طيب احنا ايش ذنبنا ان كل شي غالي الحين هذا غير ان زوجك مقتدر ماديا..

__________________

الله يعينك
طيب حاولي انك تتفاهمي معو وتذكريه انو الظروف صعبة وبدك زيادة بالمصروف
وحكي معو باسلو عقلاني يعني احسبيها قدامو بالورقة والقلم عشان يعرف انو ما بكفي
وانشالله تنحل المشكلة

هذا بخيل وبس لا حول ولا قوة الا بالله انا مستغرب من بعض الرجال اللي يتزوجون بنات الناس ويبهدلونهم هالبهدله يعني هل يرضاها هالرجل على اخته او بنته او احدا من اقاربه تعامل بمثل هالمعامله انا بصراحه اقول لك لو وضعه المادي زين لا تسكتين ابدا ووصلي الموضوع لاهله او اهلك حتى يعرفو حقيقة ابنهم اللي كمان متبخل على بنته الاموره .آل 20 دينار آل ..

عزيزتي..

عندما نسكت على الخطأ منذ البداية فإن المخطئ سيتمادى ويتمادى ويتمادى....

اطلبي منه بهدوء أن لا يلمس فلساً من راتبه .. ويأخذ فقط مبلغ المائتين الذي يعطيكِ إياه .. وليرينا كيف سيكفيه هذا المبلغ طوال الشهر!!!!!!

وبصراحة لم أفهم كيف تهون عليه ابنته أن يطلب منكِ أن تلبسيها ملابس مستعملة .. حتى لو كانت ملابس إخوتكِ!!!!!!!!!!!!!!!!!!!!!

زوجكِ يحتاج لوقفة صارمة جداً.

__________________


اللهم طِيبَ الأثر .. وحُسْنَ الرحيل.

فى كتير من الرجاله كده
ومش عارفين ان ده رزق عيالهم وربنا باعته لهم
ومن بخل سيطوق بما بخل وسيعذبه الله به فى الدنيا ولاخره
اشرحى له عواقب ونهايه كل من يبخل