السلام عليكم ورحمة الله وبركاته

كيف حال جميع الاعضاء ؟؟ يارب تكونو بخير وبصحة وبأحسن حال ..

انا اليوم حابه اقلكم مشكله حاصله عندنا بالبيت وبصراحه انتو ناس اثق في ارائهم جدا .. واتمنى كل واحد يقرأ موضوعي ومشكلتي يعطيني حل بعد تفكير عقلاني لاني انا فعلا محتاجه كدا.. والله يجعلو في ميزان حسناتكم .. بس معليش راح اطول عليكم في الكلام شويه .. سامحوني..

المشكله وهيا انو :

اانا اخوي الكبير متزوج من 3 سنوات تقريبا .. وعنده بنت الله يحفظها .. المشكله في زوجته ..هما ساكنين معانا بنفس العماره يعني نعرف عنهم تقريبا كل شي واغلب الاحيان هما عندنا ..

المهم زوجة اخويا هادي كانت دايما تتكلم عن وعن اخواتي وكنا نطنش ومانعطيها اهتمام ولا فكرنا اننا نسويلها مشكله .. وغير كدا ماتصلي ولا فرض وكنا دايما نحاول ننصحها ونقلها انها لازم تصلي وكدا مايجوز بس مافي فايده وبرضو سكتنا وطبعا الاهم انها ماتهتم بالبيت ولا بأخويا ولا شي يعني بالنهايه كدا هيا انسانه مره مهي قد مسئولية الزواج لكن برضو سكتنا على دا كلو وقلنا ان شاء الله تتحسن مع الايام ودي حياتهم هيا واخويا .. لكن للاسف قبل كم شهر لاحظنا عليها انا واخواتي انو طول الوقت لمن تكون عندنا جوالها يرن وتاخد الجوال وتروح تكلم بعيد وهادا الموقف اتكرر كتير .. وفي يوم كنا انا واختي بنشوف جوالها اكتشفنا في رساله من رقم غريب بإسم اختي استغربنا وانصدمنا اخدنا الرقم واختي اتصلت من رقم تاني ورد علينا رجل!!! وقالها على طول انتي فلانه الي هو اسم اختي طبعا انصدمنا وقالها بصراحه انا اعرف فلانه في البيت الفلاني في الجامعه وكل مواصفات اختي وقلها انو يكلمهامن زمان ورقمها كذا كذا الي هوا طبعا رقم زوجة اخويا .. طبعا انصدمنا انا واختي وعرفنا انها تكلم رجال بأسمائنا وحاولنا نوصل الموضوع لبابا للكن برضو كنا خايفين نخرب بيتها وقلنا حرام .. اكيد لو هيا فعلا كدا ربنا حيكشفها لوحدو .. وغير كدا كل مانخرج احنا كلنا تتطلع عذر وتقول ابغا اجلس في البيت احنا كلنا نستغرب .. ليش تبغا تجلس في البيت لوحدها!!! اكيد عندها شي ..
لحد ماجا اليوم الي ربنا كشفها على حقيقتها.. قبل كم يوم احنا ماكنا موجودين وبابا كان في المسجد وقت صلاة المغرب وبس كان موجود في البيت سواقنا وجا ولد شاب وسئلو سواقنا تبغا مين قالو ابغا جاركم فلان الفلاني هاذا واحد ساكن عندنا شقتهم قدام شقة اخويا .. المهم طلع .. لكن سواقنا حس انو فيه شي طلع وراه لقااه يدق الجرس على بابا زوجة اخويا وفتحتلو الباب ودخل عندها وطبعا اخويا مو موجود كان في الدوام مرابط يعني مره مايرجع البيت .. وشويه سواقنا طلع دق عليها الباب وقلها مين دا الي عندك ؟؟ طبعا خافت وارتبكت وقالت هادا واحد يبغا جارنا الي قدامي دخلتو شويه يستناه !!! شوفو درجة الوقاحه لحد فين يعني عذر اقبح من ذنب ..
طبعا السواق لمن جا بابا من المسجد قلو كل شي وبابا كلم اخويا ورجع وكلم ابوها وجو اتفااهمو والسواق قال هادي مو اول مره يشوف ولد يدخل عندها .. وللمعلوميه السواق دا عندنا من زمان وجدا محترم ويخاف علينا .. المهم بابا قال للسواق يحلف اليمين على المصحف انو هوا صادق والسواق حلف واقسم قدم ابوها واخويا .. وطبعا اخويا قال خلاص يبغا يطلقها ومايبغاها .. وبصراحه كلنا مانبغاها خلاص بعد ماعرفنا انها انسانه كدا حسبي الله عليها ..
لكن المشكله والي قاهرني انو اهلها مو مصدقيننا يحسبونا نتبلى عليها وجلسو يدعو علينا ويتكلمو علينا انا واخواتي مع انو والله فيه اشياء كتير احنا ماقلناها عليها من زمان انا واخواتي لكن ربنا كشفها ..

وغير كدا كلمت اخويا وقالتلو انها راح تشهر بيا انا واخواتي .. والله احنا مالنا ذنب في دا كلو .. انا مني عارفه اش اسوي انا مابغاها تتكلم علينا وبصراحه خايفه منها لانو عندها صور لنا .. واتوقع منها انها تسوي اي شي لانها انسانه ماتخاف الله .. حسبي الله ونعم الوكيل مو كفايه الي عملتو فينا وفي اخويا ..انا ما اقول اخويا ملاك صح هما مو متفاهمين ودايما بينهم مشاكل لكن ماتوصل لدي الدرجه انها تخونو وتدخل رجال بيتها ..صح ولا لا ؟؟

الله يخليكم ساعدوني قولولي الي عملناه صح ولا خطأ؟؟ واحنا من حقنا اننا مانبغااها بعد كدا زوجة لأخونا ؟ ولا احنا بنظلمها ؟؟ يعني ياريتها اعترفت وقالت انا فعلا غلطت وسامحوني لا ابدا انكرت وقالت انو السواق معجب بيها ويبغاها عشان كدا اتبلى عليها وقالت اصلا انا الي مابغا اخوكم ولمت ملابسها على طول ...

الله يخليكم كل الي يقرا موضوعي يقولي احنا نعتبر ظالمين ؟؟ ويقولي اش ممكن اعمل لو فكرت تأذينا انا واخواتي .. اخويا يقول كزابه ماتقدر تسوي شي بس انا متأكده انها تقدر تسوي اي شي ..

وغير كدا هيا اخدت بنتها معاها وبصراحه احنا مانبغاها تعيش معاها بعد ماعرفنا عنها كدا مانبغا البنت تسير زيها .. يعني ابغا اسئل هل من حقنا الشرعي اننا ناخدها دحين هيا عمرها 3 سنوات والله احنا مانبغاها تعيش بعيد عن امها بس ام كدا ماتنفع اكيد اانتو فاهمين ؟؟
هادي المشكله تقريبا اســـــفة اني طولت عليكم لكن محتاجة ليكم بعد الله صدقوني
الله يخليكم ساعدوني بأرائكم ..

لاحول ولاقوة إلا بالله العلي العظيم ..!

معقولة فيه ناس كذا ؟؟!

الله يكفيكم شرها ياأختي ...

أما عن صوركم اللي عندها فمالكم إلا تستودعونها الله لأنكم لو طلبتوها يمكن تفتحون عيونها على شي هي مافكرت فيه أساسا ..!

وأهلها مالكم علاقة فيها صدقو ولاماصدقو بكيفهم ..! بيضركم شي لو كذبوكم ؟؟!!
هم عارفين بنتهم زين لكن خايفين من كلام الناس فما لقو إلا هالطريقة الخسيسة !! تكذيبكم !!

أما البنت الصغيرة فبإمكانكم ترفعون قضية على الأم إنها غير صالحة للحضانة وتدللون على كذا بالقصص اللي صارت والشهود ولو توكلون محامي يكون أفضل، وبإذن الله القاضي يحكم للأب بحضانتها ..


الله يحفظكم ويستر عليكم لاتنسون أورادكم أبدا ...

الله يهديها ان شاء الله واللي سويتو انتو كله صح لا تفكرين انك ظلمتوها بالعكس انتو انقذتو اخوكم منها وان شاء الله تأجرون لانكم ما سكتو عن الغلط واذا هي ما همها اخوكي ولا همها مصلحتها ففراقها عيد .... بس مثل ما قالت اختي جنة الدنيا لا تجيبون لها طاري الصور ابدا ولا تخافون لان انتو ما سويتو شي وان شاء الله هيه مارح اتسوي شي لان هيه كانت تريد شي وحصلته اللي هو الشاب اللي كانت اتكلمها .... وبعدين الله مطلع على كل شي

جنة الدنيا و nenja اشكركم من كل قلبي على آرائكم الله يعطيكم العافيه والله كلامكم ريح قلبي الله يريح قلوبكم....
ويلا منتظره آراء باقي الاعضاء

لا حول ولا قوة الا بالله ،،
بالنسبة للبنت الحق الشرعي يقول اذا كانت الام غير كفا لتربيه الابناء فللأب الحق في التربية ،،

__________________

لاحول ولاقوة الا بالله الله يعين أخوكي والله صدمة وأدعولها ربي يهديها وحاولو تقفلوا على الموضوع ومايعرف عنو احد ابدا لأنه سمعة وشرف واللي حيتأثر ويتضرر في النهاية البنت الصغيرة لأنها أمها والناس ماتنسي كلام زي كدة ولمن تكبر الناس تفضل تقول أمها كانت كذا وكذا فأنتبهوا بالله مين حيرضى بيها أكيد الناس تقول هذه زي امها عشان كدة قفلوا على الموضوع وأستروا عليها في الدنيا ربنا يستر عليكم وعقابها عند ربها ودحين البنت صغيرة وانتو ماحتكونوا احن عليها من أمها وهي محتاجة امها أكتر منكم لكن لمن تكبر وتسير سبعة سنين الشرع يقول تروح لأبوها ساعتها التربيه وتعلموها بس دحين صغيرة ووجودها عند امها أفضلها وأريح لنفسيتها وانتو كمان لا تحكوا احد من أقربائكم على اللي سار الستر في الأمور هذه مهم ولا تخافو منها ولاشي الله يستر عليكم ويكفيكم شرها .

نسأل الله السلامه والعافيه
رددي دايما دعاء اللهم اكفينا شرها بما شئت وكيفما شئت
والله يحفظكم من كل سوء

__________________

ياااااااارب فرجا عاجلا من عندك
اللهم اغنني بحلالك عن حرامك ومن فضلك عمن سواك
وارزقني زوجا صالحا قرة عين لي

مرررة لا تفكري في الإنسانة ديه

( نهائيــًا )

ولا تخافي منها

( أبدًا )





^ ^


يكفيكي يا ( أختي ) يا alod

إنكم عيلة بتخاف الله


وإنكم تبغوا ( رضا الله )

وإنكم ناس محترمين حتى في التعامل مع الناس



يا أختي يكفيكي إنو ربنا معاكم

لأنو نيّتكم طيبة


( ماشاءالله تبارك الله ، الصلاة على سيدنا محمد وعلى آله )

- - - -


الله يزوجني بنت الحلال
وكل المسلمين

الله يزوج بنت الحلال ، بولد الحلال
وكل المسلمات


يارب

لا حول ولا قوة الا بالله العلي العظيم



مالكم الا انكم تستودعون صوركم لله ....



قولي استودعتكم يا صوري الله الذي لا تضيع ودائعه .... وان شاء الله بيحفظها ربي ....

يا الله !
استغفر الله العظيم
لا حول ولا قوة إلا بالله
كذب وظلم وخيانة وزنا
هذه ما تنفع تكون زوجة ولا تنفع تربي أطفال
خذوا البنت عندكم عشان تتربي في بيئة صالحة نظيفة
إذا تمادت ووصل كلامها لحد القذف و الكلام في الشرف
فهذا له إجراءات خاصه يمكن تتعاقب عليها

__________________
Hug