زوجي يعيش على اطلال الماضي - منتدى عالم الأسرة والمجتمع

27-12-2007, 03:35 AM

ابو ربيعة

عضو مميز

تاريخ التسجيل: Feb 2005

المشاركات: 396

زوجي يعيش على اطلال الماضي

كماكتبت في العنوان زوجي يحب الماضي بشكل لايوصف يعيش في ذكراه يشعر ان ايام الوناسة والفرفشة ولت ولن تعود يشعر ان الذين يستحقون المدح والثناء هم

السابقين

ما اقدر اوصف سعادته اذا شاف بيت طين تسمر عيونه فيه يتمنى ان يكون عنده زيه

يطلب مني ان اكون عجوز البس لبسهم اضع الحناء الديرما كل مايخص العجز

اشترى لي لبس العجز القديم كان تتذكرونه اسمه الخبي مع خط البلده اقسم بالله

كل ما تشقق من الغسل كلما اعجبه اكثر لانه يحس انه صار فعلا حق عجوز في

ذاك الزمن وعنده انه احلى قميص نوم

ماتوصف فرحته يوم البسه

اما عن الحناء وماادراك ماالحناء اذا حطيتها بس يتشممها ويقول ماتصدقين وش

احس احس بالماضي احس بالاصاله

طبعا مكياج قص شعر قمصان مايعترف بها بل يمكن تحوم كبده

والله صرت انحرج لما اروح جمعة ولا مكان عام ولا جامعة وفي ايدي الحناء[

خصوصا ان في ناس عيونهم

وكاني حاطه شئ

حرام انا اعرف ان زوجي الزم علي وان طاعته واجبة بس انقهر من النظرات

طبعا انا مااحط دايم كل خمس شهور مرة ويكون متضايق مني مرة يبي اول مايبدا

يخف احط ثانية وبين وبينكم صاير هاالايام يهددني بالعرس

انا احب التطور واحب اكشخ واحب

لكن مالقى احد يعطيني وجه

وش الحل اللي يخليه ينسى الماضي شوي ويعيش في الحاضر مع العلم عمره الان 29 سنه يعني مو شايب

اختكم ام ربيعة

__________________
المعرف بالاسم لزوجي ابو ربيعه لكن من يكتب هي انا ام ربيعة

[line]


	اخوات افتقدناهم غموض السنين واتمنى ترجع تبشرنا بزواجها عاشقة الرياض واتمنى ترجع تبشرنا بولادتها

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 09:47 AM.

روابط سريعه